Vafilipi 3:11 - IShiyanso nu Lufingo uLupya

¹¹ Nidobokha ago, baheene nive mu vaanu vavaamo, vala vina uNguluvi akhavafyusa.

Vafilipi 3:11 Iomraidhean Croise

Luuka 14:14

Apo baheene usiive uyimiliilwe, kwa kiiva awo vagaya shiinu isha kikuhomba. Leelo, uNguluvi yumwene yuna akhakuhomba, pina akhavafyusa avagolofu.”

Yohana 11:24

UMalita wáaja, “Wee Mutwa, nimeenye kiija uNguluvi pina akhavafyusa avaanu woona mu lisiku ilya kihigwa inyi, woope akhafyukha na kiiva muumi khanji.”

Nsengo sa Vanandeje 23:6

Mu livansa mula, uPawulo akhandi iimanya kiija kuna Vasadukaayo na Vafalisaayo, wákhoosa kilogola wáaja, “Valukholo lwangu, one nili Mufalisaayo, muswamuve wa Mufalisaayo. Niihigwa kwa kiiva nihuviilila kiija vina vafwile, vakhafyukha.”

Nsengo sa Vanandeje 26:7

Ulutaahiso ulo lulwene luna avaanu va fikholo ishumi na fivili, vijimba kimufuunya uNguluvi ishiminsi ni shilo, kwa kiiva vihuviilila kiija uNguluvi akhakwisa ngaja shina wátahisaaga. Wee mutwa, uluhuviililo ulo lulwene aVayahuudi vikinisitaakha iminsiyaano!

Nsengo sa Vanandeje 27:12

Ililowokho ilyo, lisikhandi linofu kikhala uluhaavi ulwa lipepo likhome mu bahali, lulwene avaanu vinshi mu shipugo shila tikhapulinkheene kiija tiwuushe pala. Awo vahuvililaga kifikha ku lilowokho ilinji ilya Kileete lina likhandi litambulwa Foyinike. Apo baheene ndi vasigalaga uluhaavi ulo ulwa lipepo ilikhome. Ililowokho ilyo likhandi liloleelile paakhati ya nyagamo iya kusikha na kunyiikho ya kusikha.

Valuumi 11:14

Nina luhuviililo ulwa kiija, pamonga aVaisilaheli vayangu, vasiive ni lihaahi ilya kipata uwukulukho ngaja omwe shina mwapataga, kiija vamonga mu veene, vakulusiwe.

1 Vakolinto 15:23

Ulugoto ulwa kifyukha lulwene ulu, uKilisito yumwene wa wutasi kifyukha, paanyuma vakhafyusiwa avaanu vaakwe pina akhatina.

1 Vakolinto 9:22

Kwa vina vawoto, nikhandi ngaja yuna muwoto, baheene nivatanje avawoto vamuhuviilile uKilisito. Nagahaga goona kwa vaanu woona, kiija kwa nsila yoyoona nivakuluse avamonga.

1 Vakolinto 9:27

Leelo nikigulafya na kigumanyania umuvili gwangu kiyijimfilisa, baheene pina navakhoma avaanu iMola iNofu, one nisilaave nikhaanwe pa Nguluvi.

2 Vakolinto 11:3

Lino leelo, nitiila, kiija na yuumwe musilaave mujangwe, ngaja injokha shina yamujangaga uHawa kwa wusugu waakwe, muwuleshe uwugolofu nu lugano lwenyu ulwa shiyooli kwa Kilisito.

1 Vatesalonike 3:5

Lulwene, uluhaavi lula pina napotwagwa kiyijimfilisa, namufilikhaga uTimoteo, kiija nimanye imola iya lihuuvi lyenyu. Nagahaga ndeeno, kwa kiiva nikhandi nihiiva kiija, pamonga uShetaani uMujelaaji, avajelile na kivagwisa. Baheene insengo yeesu yina tasengaga kunyeenyu, yaali yiiva ya bule.

2 Vatesalonike 2:3

Musikhayitikhaji umuunu yoyoona kivajanga kwa lyolyona, kwa kiiva ilisiku ilyo lisikhayinsa tangusiina, mbakha avaanu vinshi vagahe uwunansi mandu kwa Nguluvi na kiwonekha uMunansi uMukhome yula, yuna akhabudwa khabisa.

2 Timoteo 4:8

Lino yisigeele kipeelwa ulutono lwa kikhala mu wiikhasi wuna inojelwa wiila uMutwa uMuhigaaji wa shiyooli. Ulutono ulo akhanipeela ilisiku lila lina tikhahigwa, yisili kiija yuune hela, leelo na vaanu woona vina vidobokha mandu kimwaga umwene pina akhayinsa.

Vahebulaniya 11:35

Kwa lihuuvi, avashimaayi vamonga vavaposheelaga avaanu vaanave vina vafyukhaga kihuma kwa vina vafwile. Avanji vakhaanaga kidindulilwa kwa kiiva vawonaga lunofu kilava na kibudwa kulikho kimulekha uNguluvi. Vahuvililaga kiija uNguluvi akhavafyusa na kivapeela uwiikhasi uwunofu mandu.

Wugubutulo 20:5

Avaanu avanji vina vafwile vasikhafyushile mbakha pina lwashilaga uluhaavi lwa maakha magana ishumi (1,000). Ulo lulwene lufyukho lwa wutasi.