Vafilipi 3:1 - IShiyanso nu Lufingo uLupya

¹ Lino, vahuvililaaji vayangu, mushendeevaje kwa kiiva muli vaanu va Mutwa uYeesu! Nisikhatala kivayandishila khanji amaswi gagala gina natalaga kivayandishila, kwa kiiva gikivadiima muve mu shiyooli.

Vafilipi 3:1 Iomraidhean Croise

Mataayo 5:12

Kiiva shiisho ndeeno hata avambuyaanave shina vavalafyaga avakuwamalago ava pawukuulu. Shendeevaji mandu na kishima, kwa kiiva uNguluvi avavishiile amahombo amakhome kushaanya.

Luuka 1:47

inumbula yangu yishendeeva mwa Nguluvi uMukulusaaji wangu.

Valuumi 5:11

Lino, kishila ago goona, uNguluvi atugahile tishendeeve mandu, kwa kishilila uMutwa weesu uYeesu Kilisito, tilinganisiiwe nu Nguluvi.

2 Vakolinto 13:11

Lino vahuvililaaji vayangu, shendeevaji, muveesaje vagolofu khabisa, muyishilisaniaje inumbula seenyu, muveesaje shipuga shimo, khanji khalaji kwa wulindamafu. Nikimulomba uNguluvi yuna ikivapeela ulugano nu wulindamafu, ave lumo noomwe woona.

Vaefeso 6:10

Ino injowo sa kimaliisisa niijova, mujinaje mwa Mutwa uYeesu, na mu ngufu saakwe inkhome.

Vafilipi 3:3

Ose yuuse vaanu vina tiyinjisiiwe ijando mu numbula seesu, kwa kiiva uNumbula wa Nguluvi ikitutanga kimufuunya uNguluvi. Ose tikiyihalila uKilisito Yeesu na kimuhuviilila. Khanji ose tisikiyihuviilila injendo seesu isa mu muvili, kiija tipate uwukulukho,

Vafilipi 4:4

Shendeevaji nsiku soona, kwa kiiva muli vaanu va Mutwa uYeesu, khanji niijova, shendeevaji!

Vafilipi 4:8

Kuwudugo, vahuvililaaji vayangu, nikivajovela kiija muyinatilaje goona aga shiyooli, amaswi gina gisakulwa kitiilwa, gasihansinkheene nu wunansi, amaswi gina gishendeefya, khanji amaswi gina manofu. Amaswi aga gisakulwa kisufisiwa, gahiivaji amaswi ago.

1 Vatesalonike 4:1

Lino vahuvililaaji vayeesu, tavamanyisaaga shina musakulwa kiiva mu njendo, baheene mumushendeefye uNguluvi. Shiyooli kiija mwigaha ndeeno. Lino, tikivalomba mandu kwa wutawulilwa wa Mutwa uYeesu kiija, yitenekhaji kigaha shiisho na kishila.

1 Vatesalonike 5:16

Mushendeevaje wiila,

Yaakobo 1:2

Vahuvililaaji vayangu, pina amajelo minshi gikivayinsila, shendeevaji mandu.

1 Petulo 3:8

Kuwudugo niijova ndeeni, muveesaje ni numbula yimo, khanji woona musajilanaje na kitanjilisania. Mugananaje ngaja vanyalukholo, muveesaje vanya lusungu na kiyiyiisa.

1 Petulo 4:13

Leelo mushendeevaje kiiva muhanga mu malava ga Kilisito, baheene mukhava ni limwemwe mandu, pina uwutupikho wa Kilisito wukhagubutulwa bahawuvalafu.

2 Petulo 3:1

Vagani vangu, ibalula iyi ya wuvili nikivayandishila. Mu balula soona sivili isi sina natalaga kivayandishila, nikhandi nikivakhangasa kwa kivakumbusa amaswi gina mugameenye, kiija muhiive wunofu.