Vafilipi 2:9 - IShiyanso nu Lufingo uLupya

⁹ Kwa kiiva ya ilyo, uNguluvi wámutufya mandu, wámupeela ilitaawa ilikhome kishila amataawa goona.

Vafilipi 2:9 Iomraidhean Croise

Shiyanso 3:15

One nikhavagaha musikhapulinkhanaga nu mudala uyo, na mu shisafi shaakwe na mu shisafi shaakho. Umwene akhakutova umutwe gwakho, na yuuwe ukhamuluma ishinsikiliinyi.”

Mataayo 11:27

“UDaada anipeelile goona. Kusiina umuunu yuna amumeenye uLusawo, leelo uDaada mwene duguli. Khanji, kusiina umuunu yuna amumeenye uDaada, leelo uLusawo mwene duguli nu muunu yoyoona yuna uLusawo isakula kimuwonensa.

Mataayo 28:18

UYeesu wáhejeela, wávajovela avamanyisiwa vaakwe wáaja, “UNguluvi anipeelile uwutawulilwa woona kushaanya na mu nyi.

Luuka 10:22

Wáajova khanji, “UDaada anipeelile goona. Kusiina umuunu yuna amumeenye uLusawo, leelo uDaada mwene duguli. Khanji, kusiina umuunu yuna amumeenye uDaada, leelo uLusawo mwene duguli nu muunu yoyoona yuna uLusawo isakula kimuwonensa.”

Yohana 13:3

UYeesu wámanyaga kiija, uwiihe wámupeelaga uwutawulilwa uwa kifilongosa ifiinu fyona, khanji kiija wáhumile kwa Nguluvi, na asiitine khanji kwa Nguluvi.

Yohana 17:11

One niyinsile kunyaakho, lino nisiiva nikwali khanji mu nyi iyi. Leelo aveene vasiyiteneshe kiiva mu nyi iyi. Wee Daada, wee Munofu, nikikulomba uvayangalile kwa litaawa lyakho lina wanipeela, baheene vave shiinu shimo ngaja shina one noowe shina tili shiinu shimo.

Yohana 17:12

Uluhaavi nili lumo nawo nikhandi nikivayangalila kwa litaawa lyakho lina wanipeela. Nikhandi nikivadiima wunofu baheene nisikhamuyasaaga hata yumo mu vala, leelo mwene duguli yuna isakulwa kiija afwe, baheene gawoneshe gina gayandiikhwe mu Mayandikhwa aManofu.

Yohana 17:5

Wee Daada, nilomba unitupishe, kwa wutupikho wuna nikhandi nawo uluhaavi tili lumo, pina inyi yisinawumbwe.

Nsengo sa Vanandeje 5:31

UNguluvi wámutupikhaga uyo kwa kimuviikha ulubali lwakwe ulwa kundiilo, kiija ateme na kiiva Mukulusaaji, baheene avapeele aVaisilaheli woona insila ya kilambiisila uwunansi waanave na kisaajilwa.

Vaefeso 1:10

Ulugoto lwa Nguluvi lulwene ulu, nda uluhaavi luna aluhagwile pina lukhava lwafikha, akhafikungaania lumo ifiwumbwa fyona, fina fikwali mu nyi awu fina fikwali kushaanya. Khanji akhamugaha uKilisito ave mukhome wa fiwumbwa ifyo.

Vakolosaayi 1:18

Umwene mutwe gwa muvili, uluganulo lwakwe Mutwa wa shipuga sha vahuvililaaji. Umwene yumwene shiyanso, khanji wa wutasi kifyukha kihuma kwa vina vafwile, baheene ave wa wutasi mu fiinu fyona.

2 Vatesalonike 1:12

Tilomba ndeeno, baheene ilitaawa lya Mutwa weesu uYeesu litupikhwe kwa gala gina agasenjile kunyeenyu, shiisho na yuumwe mutupikhwe kwa kiiva ya mwene. Aga gasiive gisenjekha kilingana ni mota ya Nguluvi weesu ni ya Mutwa uYeesu Kilisito.

Vahebulaniya 1:4

UNguluvi wámugahaga uLusawo uyo kiiva mukhome kishila avamalayikha, ngaja shina wámupeelaga ilitaawa lya lishima likhome kishila ilitaawa lya vamalayikha.

Vahebulaniya 1:9

Owe widobokha uwugolofu, leelo ukiwukhalalila uwunansi. Lulwene uNguluvi, Nguluvi waakho, akubagwile owe na kikududumisisa amafuta amanofu, baheene uve uli mukhome, kishila avayaago woona.”

Vahebulaniya 12:2

Timuhonekhaje uYeesu, kwa kiiva yumwene yuna wátudindulilaga insila ya kimuhuviilila uNguluvi, khanji yumwene yuna ikitukhangasa inumbula, baheene tiyiteneshe kimuhuviilila uNguluvi mbakha kuwudugo. Umwene wágugumilaga kwa kiiva ya wushendeefu wuna wukhandi wuyinsa. Khanji asikhahiivile insoni iya kiifwa pa musalaaba. Lino akheele ulubali lwa liwokho ilya kundiilo pa shitengo sha shitwa sha Nguluvi, mu luvala ulwa lishima likhome mandu.

Vahebulaniya 2:9

Leelo tiimanya kiija, wágahaagwa nu Nguluvi kiiva pansi kishila avamalayikha kwa luhaavi lufupi. Uyo yumwene yuna uNguluvi amupeelile uwutupikho ni lishima likhome, kwa kiiva ya kitesekha na kiifwa kwa mwene. UNguluvi wágahaga ndeeno, baheene kwa nsila ya lusungu lwakwe, uYeesu afwe kwa kiiva ya kivakulusa avaanu woona.

1 Petulo 3:22

UYeesu Kilisito uyo wálutile kwa Nguluvi, lino akheele ku liwokho ilya kundiilo ilya Nguluvi, mu luvala ulwa lishima likhome mandu. Ikivatema avamalayikha, ifiwumbwa ifya wutawulilwa, ni finya ngufu.

2 Petulo 1:17

Ose tikhandi lumo nu Yeesu pashaanya pa shidunda ishinofu shila, uluhaavi luna wáposheelaga ulugoto nu wutupikho kihuma kwa Nguluvi uDaada. Uluhaavi ulo, ose tapulikhaga ishawuti kihuma kushaanya kwa Nguluvi uMunya Wutupikho uWukhome iijova, “Uyu yumwene Lusawo lwangu. Nimuganile, woope ikinishendeefya.”

3 Yohana 1:7

Vayansaaga kishuula kwa kiiva ya kimusenjela uMutwa uYeesu, kusiina kiposheela shiinu shoshoona isha kivatanga kihuma kwa vaanu vina vasikimuhuviilila uYeesu.

Wugubutulo 1:5

khanji kihuma kwa Yeesu Kilisito. Umwene mulunjikhaaji wa kihuviililwa, yuna muyimililaaji wa vina vafwile, khanji muyimililaaji wa vatwa woona ava mu nyi. UYeesu Kilisito yumwene atuganile, khanji atuwusiise mu wunansi weesu, kishilila idanda yaakwe pina wáfwisaga pa musalaaba.

Wugubutulo 11:15

Baheene umalayikha uwa fungati wáatova ibalagumu yaakwe. Ndeeno napulikha ishawuti nkhome nyinshi kihuma kwa Nguluvi, siijova, “Uwutwa wa mu nyi wáava Wutwa wa Mutwa uNguluvi weesu na wa Mukulusaaji waakwe, woope akhatema shiluta na shiluta.”

Wugubutulo 19:16

Pa shiima shaakwe, umwenda gwakwe gukhandi guyandiikhwe ilitaawa ili, Mutwa wa vatwa na Mukhome wa vakhome.

Wugubutulo 3:21

Umuunu yuna akhamena, nikhamuyiitikha kikhala lumo noone mu shitengo shangu sha Wutwa. Akhava ngaja one yuna nagamenaga amajelo, nikheele lumo nu Daada mu shitengo shaakwe sha Wutwa.

Wugubutulo 5:12

Nikhavapuliishe viyeyema kwa shawuti nkhome viijova, “UMwana Nkholo yuna ashinjiilwe ifwaya kiposheela uwutawulilwa nu wusi nu wumanyi ni ngufu, ilishima, uwutupikho nu lusufyo!”