Vafilipi 2:8 - IShiyanso nu Lufingo uLupya

⁸ Pina wáwonekhaga muunu, wáyiyiisa, wámutiila uNguluvi mbakha pina iyiitikha kiifwa, imfwa iya pa musalaaba!

Vafilipi 2:8 Iomraidhean Croise

Mataayo 17:2

Baheene pina vali pala, uYeesu wáhambukha umuvili gwakwe paveene. Uweeni waakwe wangʼaala ngaja lijuva, amenda gaakwe gaava mavalafu mandu ngaja uwuvalafu wa lijuva.

Mataayo 26:39

Wáhejeela pamwandi padoodo, wáagwa pansi wágubama, wámufuunya uNguluvi wáaja, “Wee Daada, nda yikwiliile nikikulomba uniwuusise ikhoomasi iyi iya malava aga! Leelo yisikhaveesaga shina nisakula one, leelo yive shina wisakula owe.”

Mataayo 26:42

UYeesu wávalekha khanji, wáaluta ulwa wuvili kifuunya kwa Nguluvi wáaja, “Wee Daada wangu, nda yive amalava amakhome aga gakwiliile kiwuukha kunyangu, lino ugahaje ngaja shina wisakula.”

Luuka 9:29

Pina ifuunya, wáhambukha uweeni, amenda gaakwe gaava mavalafu gingʼaala mandu.

Yohana 10:18

Kusiina umuunu yuna akwiliile kipokha uwuumi wangu. One yuune yuna nihaagula kiwuyasa uwuumi wangu. One nina wutawulilwa uwa kiwuyasa uwuumi wangu, leelo khanji nina wutawulilwa uwa kiiva muumi khanji. Yu Daada yumwene yuna wánilajisaaga kigaha ndeeno.”

Yohana 14:31

Gina niigaha gageene gina uDaada wánilajisaaga nigahaje, baheene avaanu woona vamanye kiija nimugeene. Lino, yiimi tilutaje.”

Yohana 15:10

Nda mwisenga gina nikivalajisa, lino muyitenekhaje kikhala mu lugano lwangu, ngaja shina one nagasenga gina uDaada wánilajisaaga na kikhala mu lugano lwakwe.

Yohana 4:34

UYeesu wávagomosesa wáaja, “Ishakiilya shangu one, kigaha gina ageene uDaada uNguluvi yuna wánifilikhaga, na kimaliisa insengo yaakwe.

Nsengo sa Vanandeje 8:33

Vamuyegulaga na kimuhiga fivi. Kusiina umuunu yuna angataviilila imola sa vanaakwe, kwa kiiva vawuwusaaga uwuumi waakwe mu nyi.”

Valuumi 5:19

Umuunu yumo yuna wákhaanaga kimuyinatila uNguluvi, wávapinsaaga avaanu vinshi vave vanansi, shiisho ndeeno umuunu yumo yuna wámuyinatilaga uNguluvi, asivapinsiise avaanu vinshi vave vagolofu pa Nguluvi.

2 Vakolinto 8:9

Omwe Vakolinto, mumeenye shina uMutwa weesu uYeesu Kilisito shina wávasungupilaga. Hata nda akhandi muwusi, wáyigahaga kiiva mupiina kwa kiiva yeenyu, baheene mu wupiina waakwe, omwe muve vawusi.

Vagalatiya 3:13

UKilisito wátukulusaaga kihuma mu luyiijilo lwa ndaji, kwa kilusumula uluyiijilo ulo kwa kiiva yeesu. Kiiva aMayandikhwa aManofu giijova, “Umuunu yuna akhomeleelwe pa musalaaba, ayijiilwe.”

Tito 2:14

Uyo wáhumyaga uwuumi waakwe kwa kiiva yeesu, baheene atukuluse mu wunansi woona, na kituvalasa tive vaanu vaakwe va shiyooli, vina vijimba kisenga amanofu.

Vahebulaniya 12:2

Timuhonekhaje uYeesu, kwa kiiva yumwene yuna wátudindulilaga insila ya kimuhuviilila uNguluvi, khanji yumwene yuna ikitukhangasa inumbula, baheene tiyiteneshe kimuhuviilila uNguluvi mbakha kuwudugo. Umwene wágugumilaga kwa kiiva ya wushendeefu wuna wukhandi wuyinsa. Khanji asikhahiivile insoni iya kiifwa pa musalaaba. Lino akheele ulubali lwa liwokho ilya kundiilo pa shitengo sha shitwa sha Nguluvi, mu luvala ulwa lishima likhome mandu.

Vahebulaniya 12:4

Hata nda mujimba kiwumena uwunansi, hata ndeeno mushaanali musinatovane uwulugu mbakha kikunula idanda yeenyu.

1 Petulo 2:24

UKilisito yumwene wásumulaga uwunansi weesu mu muvili gwakwe pa musalaaba. Wágahaga ndeeno baheene ose tisikhatemwagwa khanji nu wunansi, leelo tive nu wiikhasi wuna wukimushendeefya uNguluvi. Umwene wálemesewaagwa, baheene omwe mukulushe.

1 Petulo 3:18

Woope uKilisito wálavaga, wáafwa gwalimo hela kwa kiiva ya wunansi weesu, lulwene ndeeno umugolofu wáfwisaga kwa kiiva ya vanansi, kiija atulingaanie nu Nguluvi. Vamubuda uluhaavi ana muvili gwa muunu, leelo wáfyukha kwa ngufu ya Numbula uMunofu.