Vafilipi 2:7 - IShiyanso nu Lufingo uLupya

⁷ Wáalekha kiiva ndeeno, wáava alingaanile nu muvanda shina ashwali, wásaviilwe ngaja muunu, wáava muunu ngaja avanji.

Vafilipi 2:7 Iomraidhean Croise

Mataayo 12:18

“Loleela, uyu yumwene muvanda wangu yuna nimubagwile, Mugani wangu yuna ikinishendeefya. Nisimupeele uNumbula wangu, kiija akhome imola sa wukulukho wangu ku vaanu va nyi soona.

Mataayo 20:28

Shiisho ndeeno one Lusawo lwa Muunu, nisikhayinsile kiija vanisenjele, leelo nayinsaga kivasenjela avaanu na kiwuyasa uwuumi wangu, baheene nivakuluse avaanu vinshi.”

Maluko 9:12

UYeesu wáajova wáaja, “Shiyooli, uEliya asilongole tangusiina, kinosa injowo soona. Khanji, kwashi yiyandiikhwe mu Mayandikhwa aManofu kiija, uLusawo lwa Muunu akhalafisiwa mandu na kisalwa?

Luuka 22:27

Lino, yu naani yuna mukhome, yula yuna ali pa meesa iilya, awu yula yuna ileeta ishakiilya? Aasi! Asili yula yuna iikhala kiilya? Lino, one nili lumo noomwe, nili ngaja umuunu yuna ikivasenjela.

Yohana 1:14

ILiswi ilyo lyayinsaga lyava muunu, umuunu uyo wáakhala lumo noose. Ose tawaagaga uwutupikho waakwe, uwutupikho wa Lusawo yuna ali mwene duguli, yuna iihuma kwa Daada uNguluvi, khanji amemile imota ni shiyooli.

Valuumi 1:3

IMola iNofu iyi, yiyeene yina yilogolela ulwa Lusawo lwakwe. Shimuvili umuunu uyu wásawaagwa mu shikholo sha mutwa uDawudi,

Valuumi 15:3

Hata uKilisito yumwene, asikhagahile gina gikimushendeefya yumwene duguli hela. Leelo gina wágagahaga gakhandi ngaja shina yiyandiikhwe mu Mayandikhwa aManofu kiija, “Amaligo gina vikikuliga owe Nguluvi, ganipataga na yuune yuna wanibagulaga.”

Valuumi 15:8

Nikivajovela omwe kiija, uKilisito wáyinsile kivatanga aVayahuudi baheene kiwonensa kiija, uNguluvi muyaminifu, uluganulo lwakwe kwa nsila ya Kilisito wáagaha gagala gina wávatahisaaga avambuyaanave.

Valuumi 8:3

Indaji sa Musa sikhandi singaya ngufu ya kituviikha tiyiyeeshele, kwa kiiva ya wuwoto wa mavili gasikhakwiliile kisiyinatila. Leelo, shina indaji sisikhakwiliile kigaha, uNguluvi wágahaga kwa kimufilikha uLusawo lwakwe yumwene, ayinse mu nyi ave muunu ngaja ose vanya wunansi, baheene ayihumye ave shadanda kwa kiiva ya wunansi weesu. Kwa kigaha ndeeno, uNguluvi wásimenaga ingufu sa wunansi mu wiikhasi weesu.

2 Vakolinto 13:4

Hata nda uKilisito akhandi muwoto pina ikhomeelelwa na kiifwa pa musalaaba, leelo lino muumi kwa ngufu sa Nguluvi. Shiisho ndeeno na yuuse tili vawoto kwa kiiva tilungeene nu Kilisito, leelo mu ngufu isa Nguluvi tikhava wuumi lumo nu Kilisito, na mu ngufu iso tikhavawulanisa.

2 Vakolinto 8:9

Omwe Vakolinto, mumeenye shina uMutwa weesu uYeesu Kilisito shina wávasungupilaga. Hata nda akhandi muwusi, wáyigahaga kiiva mupiina kwa kiiva yeenyu, baheene mu wupiina waakwe, omwe muve vawusi.

Vagalatiya 4:4

Leelo uluhaavi luna lufwaya lwafikha, uNguluvi wámufilikha mu nyi uLusawo lwakwe. ULusawo uyu wásawaagwa wáava muunu ngaja ose, wáava pansi ya ndaji ya Musa.

Vafilipi 2:6

Umwene akhandi alingaanile nu Nguluvi shina ashwali, leelo asikhaweene kiija kilingana nu Nguluvi, shiinu sha kingʼangʼaanila.

Vahebulaniya 12:2

Timuhonekhaje uYeesu, kwa kiiva yumwene yuna wátudindulilaga insila ya kimuhuviilila uNguluvi, khanji yumwene yuna ikitukhangasa inumbula, baheene tiyiteneshe kimuhuviilila uNguluvi mbakha kuwudugo. Umwene wágugumilaga kwa kiiva ya wushendeefu wuna wukhandi wuyinsa. Khanji asikhahiivile insoni iya kiifwa pa musalaaba. Lino akheele ulubali lwa liwokho ilya kundiilo pa shitengo sha shitwa sha Nguluvi, mu luvala ulwa lishima likhome mandu.

Vahebulaniya 13:3

Vakumbukhaji vala vina vadindiilwe mu shifungo, na yuumwe muve ngaja mudindiilwe lumo nawo. Vakumbukhaji vala vina viilava, na yuumwe muve ngaja mwilava lumo nawo.

Vahebulaniya 4:15

UMutambule uMukhome uyo, yumwene yuna awumeenye uwuwoto weesu. Kiiva woope wájelwagwa nu Shetaani kwa majelo gina gali paayo paayo ngaja yuuse, leelo umwene asikhagahile uwunansi.