Vafilipi 2:6 - IShiyanso nu Lufingo uLupya

⁶ Umwene akhandi alingaanile nu Nguluvi shina ashwali, leelo asikhaweene kiija kilingana nu Nguluvi, shiinu sha kingʼangʼaanila.

Vafilipi 2:6 Iomraidhean Croise

Mataayo 1:23

“Loleela, umuhinja umukusi yuna asinatangaanaje nu mugoosi, asiive nu lwanda! Khanji asimusave umwana mudiimi! Baheene mukhamupeela umwana uyo ilitaawa lyakwe Imanuweli.” Uluganulo lwa litaawa ilyo kiija, “UNguluvi ali lumo noose.”

Yohana 1:18

Kusiina umuunu yuna awaahile kimwaga uNguluvi. Leelo uLusawo yuna ali mwene duguli, woope yu Nguluvi, khanji ali lumo nu Daada uNguluvi, yumwene yuna atugubutuliile.

Yohana 10:30

One nu Daada tili shiinu shimo.”

Yohana 10:33

AVayahuudi vamugomosesa vaajova, “Tisisakula kikuhuda na mangʼanga kwa kiiva ya kisenga amanofu, leelo kwa kiiva ukimutofola uNguluvi. Kwa kiiva owe ukiyijova Nguluvi, humbe na yuuwe uli muunu ngaja avaanu avanji!”

Yohana 10:38

Leelo nda nisenga insengo sina uDaada ikisisenga, hata nda musihuviilila gina nilogola, lino huvililaji insengo iso. Kwa nsila iyo, baheene musiimanye kiija uDaada ali munyangu, na yuune nili mwa Daada.”

Yohana 14:28

Mupuliishe gina nikivajova kiija, ‘Niiluta, leelo nikhayinsa khanji kunyeenyu.’ Nda shiyooli munigeene, yaali yiiva mushendeeva kipulikha kiija niiluta kwa Daada, kwa kiiva uDaada mukhome kishila one.

Yohana 14:9

UYeesu wámugomosesa wáaja, “Filipo, nikheele noomwe luhaavi lutali loona ulu, hata ndeeno ushaanali usinimeenye one? Umuunu yoyoona yuna wányaaga one, wámwaga nayu Daada. Lino kwashi ukiniposa kiija, ‘Tusoonela uDaada’?

Yohana 17:5

Wee Daada, nilomba unitupishe, kwa wutupikho wuna nikhandi nawo uluhaavi tili lumo, pina inyi yisinawumbwe.

Yohana 20:28

UTomasi wámugomosesa wáaja, “Owe yuuwe Mutwa wangu na Nguluvi wangu!”

Yohana 5:18

Kwa kiiva ya ilyo, avakhome va Vayahuudi vayansa kisakula insila ya kimubuda uYeesu. Vagahaga ndeeno, kwa kiiva lusikhandi lujowo luulo hela ulwa kilekha kiyinatila iSabaato, leelo kwa kiiva akhandi iijova kiija, uNguluvi yu Daada waakwe. Kwa nsila iyo akhandi ikiyiwona kiija ali ngaja shina ashwali uNguluvi.

Yohana 5:23

Kwa nsila iyo, avaanu woona vasinitiile ngaja shina vikimutiila uDaada. Umuunu yoyoona yuna asikinitiila one Lusawo lwakwe, iiva asikimutiila uDaada yuna anifiliishe.

Valuumi 9:5

AVaisilaheli awo vaveene shisafi sha vambuya ava Abulahamu, uIsaaka nu Yaakobo. Shimuvili, hata uKilisito woope Muisilaheli. UKilisito yumwene Nguluvi, Mukhome wa fyona, asufisiwaajwe shiluta! Amina.

2 Vakolinto 4:4

Yisimanyikha kwa kiiva uShetaani umutwa umuvi wa nyi iyi, avagubiishe uluhala lwa vina vasikimuhuviilila uYeesu, baheene vapootwe kiloleela uwuvalafu wa Mola iNofu ya wutupikho wa Kilisito, yuna shihwano sha Nguluvi.

2 Vakolinto 8:9

Omwe Vakolinto, mumeenye shina uMutwa weesu uYeesu Kilisito shina wávasungupilaga. Hata nda akhandi muwusi, wáyigahaga kiiva mupiina kwa kiiva yeenyu, baheene mu wupiina waakwe, omwe muve vawusi.

1 Timoteo 1:17

Lino, atupikhwe na atunwajwe shiluta na shiluta, uMutwa yuna angaya wudugo, asiifwa, khanji asiwonekha, yu Nguluvi mwene duguli. Amina!

1 Timoteo 3:16

Tiyiitikha kiija, uNguluvi wáwonensa iliswi lya wufiho lina lili mu lihuuvi lyesu. Iliswi ilyo lilyene ili, UNguluvi wáyiwonensa mu muvili gwa muunu, wábedelwa nu Numbula uMunofu kiija mugolofu, wáwonekha kwa vamalayikha, wákhomwagwa ku nyi soona, avaanu va nyi vamuhuviilila, wátolwagwa kiluta kushaanya kwa wutupikho wa Nguluvi.

Tito 2:13

Ndeeno pina tikheele tihepeleese, kiyinsa kwa Yeesu Kilisito mu wutupikho waakwe uwukhome, yuna Nguluvi Mukhome na Mukulusaaji weesu. Ili lilyene lihuviililo lyesu lina likitupeela uwushendeefu.

Vahebulaniya 1:3

ULusawo uyo ingʼaala uwutupikho wa Nguluvi, khanji yumwene yuna iwonensa shina ashwali uNguluvi. Kwa nsila ya liswi ilinya ngufu, ipinsa ifiinu fyona fiyiteneshe kiiva ngaja shina fishwali. Wátuvalasaaga uwunansi weesu, wáaluta kushaanya kwa Nguluvi na kikhala ku liwokho ilya kundiilo ilya Nguluvi uMunya Wutupikho, mu luvala ulwa lishima likhome mandu.

Vahebulaniya 1:6

Khanji pina ikimufilikha uLusawo lwakwe yuna ali mwene duguli mu nyi iyi, wájovile, “Avamalayikha woona va Nguluvi vave vikimufuunya umwene.”

Vahebulaniya 1:8

Leelo pina ilogola ulwa Lusawo lwakwe, wájovile, “Wee Nguluvi, ukhatema shiluta na shiluta, khanji usiive ukivatema avaanu vaakho kwa shiyooli.

Vahebulaniya 13:8

UYeesu Kilisito asihambukha. Umwene ali ngaja shina akhandi ulwamwandi, uluhaavi ulu mbakha shiluta na shiluta.

Wugubutulo 21:6

Wánijovela khanji, “Gasenjekha! One yuune Alufa khanji yuune Omega, uluganulo lwakwe one nili wa Wutasi, khanji nili wa Wudugo. Shila muunu umunya nkhawu, nisimupeele amalenga bule, angʼwe kihuma mu shisansa sha malenga gina giihumya uwuumi.