Vafilipi 2:5 - IShiyanso nu Lufingo uLupya

⁵ Ulugulumilo lwenyu luveesaje luhwanana nu lugulumilo luna akhandi analo uKilisito Yeesu.

Vafilipi 2:5 Iomraidhean Croise

Mataayo 11:29

Yavalaji ijooki yangu, muyimanyise kunyangu kiija muve nu wulindamafu mu numbula seenyu, kwa kiiva one nili muhuugu khanji nili munya kiyiyiisa.

Luuka 22:27

Lino, yu naani yuna mukhome, yula yuna ali pa meesa iilya, awu yula yuna ileeta ishakiilya? Aasi! Asili yula yuna iikhala kiilya? Lino, one nili lumo noomwe, nili ngaja umuunu yuna ikivasenjela.

Nsengo sa Vanandeje 10:38

Mwimanya kiija, uNguluvi wámubagulaga uYeesu uwa ku Nasaleti wámupeela uNumbula uMunofu ni ngufu. UYeesu wálutaga mbali soona, iigaha amanofu na kiponia avaanu woona vina vilafisiwa nu Shetaani, kwa kiiva uNguluvi akhandi lumo na woope.

Nsengo sa Vanandeje 20:35

Mu goona gina nagasengaga, nikhandi nisakula kivawonensa kiija, tiveesaje tijimba kisenga insengo. Baheene tive tiipata ifiinu ifya kivatanga avaanu vina vashepushiilwe. Muveesaje nu luuju kwa maswi gina uMutwa uYeesu wájovile kiija, ‘Vayimiliilwe mandu vina viihumya, kishila vina viposheela.’”

Valuumi 14:15

Ndeeno, nda owe ukimupinsa umuhuvililaaji muyaago kisugumilwa mandu mu numbula yaakwe pina wiilya ishakiilya shimonga, apo baheene usiive ungaya lugano kwa muyaago uyo. Ino, usikhayitikhaga kiija, kwa nsila ya shakiilya shaakho isho, umuyase umuunu yuna uKilisito wámufwililaga!

Valuumi 15:3

Hata uKilisito yumwene, asikhagahile gina gikimushendeefya yumwene duguli hela. Leelo gina wágagahaga gakhandi ngaja shina yiyandiikhwe mu Mayandikhwa aManofu kiija, “Amaligo gina vikikuliga owe Nguluvi, ganipataga na yuune yuna wanibagulaga.”

Valuumi 15:5

Nilomba kiija, uNguluvi yuna ikitupeela kiyijimfilisa na kituyishilisa, avagahe mukhale mu shipuga kwa wulindamafu, kwa kiiva mukimufwata uKilisito Yeesu.

1 Vakolinto 10:33

Muveesaje ngaja one shina nishwali. Nijimba kivashendeefya avaanu woona kwa njowo soona sina niigaha. Yisili kiija niigaha ndeeno baheene nipate ulutono yuune, leelo niigaha ndeeno, baheene avaanu vinshi vapate ulutono kwa kipata uwukulukho.

Vaefeso 5:2

Vaganaji avaanu luhaavi loona, ngaja shina uKilisito atuganile na kiifwa kwa kiiva yeesu. Wáyihumyaga ngaja shadanda sha mununsi munofu guna gukimushendeefya uNguluvi.

Vafilipi 1:1

Ibalula iyi yihumile kunyangu one Pawulo, lumo nu Timoteo. Ose tili vavanda va Kilisito Yeesu. Tikivayandishila omwe vabaagule woona va Kilisito Yeesu, muna muli ku lijumbi lya Filipi, lumo na vayimililaaji na vavanda va shipuga sha vahuvililaaji.

1 Petulo 2:21

Mwisakulwa kiija mugugumilaje ndeeno, kwa kiiva uKilisito yumwene wávalavilaga omwe. Khanji wávaleshelaga ishihwano, kiija muhwananisaaje kisenga gina wágasengaga.

1 Petulo 4:1

UKilisito wálavaga mu nyi muno, lino na yuumwe muyipinyaje kilava ngaja umwene. Nilogola ndeeno kwa kiiva umuunu yuna wálavaga asikwiliile kitemwa khanji nu wunansi.

1 Yohana 2:6

umuunu yuna iija ahanjile nu Nguluvi, isakulwa kikhala ngaja shina akhandi iikhala uYeesu.