Vafilipi 2:3 - IShiyanso nu Lufingo uLupya

³ Musikhagahaji lyolyona kwa numbula ya wushooyo na kiiva na matuupa. Leelo shila muunu ayiyisaaje na kivatuna avanji kwa kivatiila kishila umwene.

Vafilipi 2:3 Iomraidhean Croise

Luuka 18:14

Baheene uYeesu wáaja, “Nikivajovela kiija, umutofya khoodi wáwuyaga kukhaaya avasiiwe kiiva mugolofu pa Nguluvi. Leelo uMufalisaayo yula asikhavasiiwe! Kiiva, umuunu yoyoona yuna ikiyitufya, uNguluvi akhamuyiisa. Umuunu yoyoona yuna ikiyiyiisa, uNguluvi akhamutufya.”

Valuumi 12:10

Mugananaje yuumwe kwa yuumwe, ngaja vanyalukholo. Shila muunu ajimbaje kimutiila umuyine.

Valuumi 13:13

Tive ni njendo inofu ngaja shina yisakulwa kwa vaanu vina viikhala mu wuvalafu. Khanji, tisikhaveesaga vaanu va kigaha ishiwungo sha wupafu uwuvi nu wugaasi. Tisikhagahaga uwushemi wowoona, wala kigaha injowo isa nsoni, wala kiiva vanya libaatu awu kiiva vanya shooyo.

Valuumi 2:8

Leelo, uNguluvi akhavakhalalila na kivalafya avaanu avanya numbula ya wushooyo na vina vikishikhaana ishiyooli, khanji viigaha uwunansi.

1 Vakolinto 15:9

One nili munangʼana mu vanandeje, nisikwiliile hata kitambulwa mwanandeje, kwa kiiva nafilafyaga ifipuga fya vahuvililaaji va Nguluvi.

1 Vakolinto 3:3

kwa kiiva mushaanali mulongosewa ni njowo sa mu nyi. Wuli, nda munyeenyu kuna wushooyo ni libaatu, ago gasiwonensa kiija mushaanali mulongosewa ni njowo sa mu nyi, na mwikhala ngaja vaanu va mu nyi?

2 Vakolinto 12:20

Lino nitiila kiija, uluhaavi luna nikhayinsa kunyeenyu, nikhavaaga muna njendo imbi sina nisikisishendeevela. Ilyo, likhanihonsa nigahe gina omwe musikhashendeeva. Nitiila kiija nikwiliile kivaaga muna libaatu, uwiifu, inkhalasi, mupungeene, mudehelana, musenkhana, mukiyisufya na mungaya lugoto wala musipulinkhana.

Vagalatiya 5:15

Leelo nda mulumana na kiliisana ngaja nkhanu, muyivavalaje musikhabudanaga.

Vagalatiya 5:26

Tisikhayisufyaga, tisikhayansaniaga ilibaatu, awu kiwifushilana.

Vaefeso 4:2

Muyiyisaaje na kiiva vahuugu kwa goona. Mugugumilanaje na kisajilana kwa lugano.

Vaefeso 5:21

Muve mutiilana yuumwe kwa yuumwe, kwa kiiva mukimutiila Kilisito.

Vafilipi 2:14

Musengaje insengo soona bila kingʼuula wala kikhaanania,

Vakolosaayi 3:12

Lino omwe mubagwilwe nu Nguluvi, khanji vagolofu vina avageene, ndeeno muveesaje ni numbula ya lusungu, uwunofu, kiyiyiisa, uwuhuugu, nu lugugumilo.

Vakolosaayi 3:8

Lino leelo, lekhaji khabisa, inkhalasi soona, uwuvi, amaligo ni njowo imbi, sina sisifwaya mu malomo geenyu.

1 Timoteo 6:4

Awo vamemile amatuupa, khanji vasimeenye lyolyona. Avaanu awo, vingʼangʼaanila ulukhaananio luna lungaya lutono mu tujowo tunangʼana. Amakhaananio ago gihonsa ijiila, ilibaatu, amaligo, amahiiva amavi,

1 Petulo 3:8

Kuwudugo niijova ndeeni, muveesaje ni numbula yimo, khanji woona musajilanaje na kitanjilisania. Mugananaje ngaja vanyalukholo, muveesaje vanya lusungu na kiyiyiisa.

1 Petulo 5:5

Na yuumwe vajeleelo, vatiilaji avayimililaaji veenyu. Omwe woona muveesaje vahuugu pina mutanjilisania yuumwe kwa yuumwe, kwa kiiva aMayandikhwa aManofu giijova, “UNguluvi ikivakhaana vina vikiyitumfya, leelo vina vikiyiyiisa ikivapeela imota.”