Vafilipi 2:25 - IShiyanso nu Lufingo uLupya

²⁵ Omwe mukhamufiliishe uEpafulodito kunyangu kinitanga na kinipeela ifiinu fina nigayile. Lino, niiwona kiija lunofu nimufilishe khanji kunyeenyu. UEpafulodito muhuvililaaji muyangu, muvanda muyangu mu nsengo ya Nguluvi, aveele musulukhali muyangu kilwilanila iMola iNofu.

Vafilipi 2:25 Iomraidhean Croise

Yohana 13:16

Shiyooli nikivajovela, umuvanda asili mukhome kishila umutwa waakwe, khanji yuna ifilikhwa asili mukhome kishila yuna ikimufilikha.

Yohana 17:18

Ngaja shina wanifilikhaga one mu nyi, shiisho ndeeno na yuune navafilikha aveene mu nyi.

Valuumi 16:3

Muvahunjilaje uPulisika nu mugoosi waakwe uAkila na vavanda vayangu mu nsengo ya Kilisito Yeesu.

Valuumi 16:9

Muhunjilaji Ulibano, umuvanda muyeesu mu nsengo ya Kilisito, nayu mugani wangu uSitakisi.

1 Vakolinto 3:9

Ose woona tili vasenga nsengo va Nguluvi, na omwe muli mugunda gwakwe, khanji muli nanda yaakwe.

2 Vakolinto 2:13

Leelo nisikhandi nu wulindamafu mu numbula yangu, kwa kiiva nisikhamwajile kula umuhuvililaaji muyangu uTito. Baheene nahwesa, nawuukha kiluta ku nyi ya Makedoniya.

Vafilipi 2:26

Nikimutawula kwa kiiva ana lihaahi likhome ilya kiwonana noomwe woona. Khanji asugumiilwe kwa kiiva mupuliishe kiija, akhandi mutamu.

Vafilipi 4:18

Lino, ifiinu fila fyona fina mwanilajisisaaga kwa nsila ya Epafulodito, shi nafiyanushilaga. Fyakwilanaga mu goona gina nikhandi nigayile, khanji ifinji fisigeele. Umutango ugo guli ngaja sadaakha inofu yina yiihumya umununsi munofu, yina yiyiitikhwa nu Nguluvi, khanji yikimushendeefya.

Vafilipi 4:3

Hata yuuwe muvanda muyangu wa shiyooli, nikikulomba uvatanje avashimaayi vavili awo, vave nu lugulumilo lumo, kwa kiiva woona vavili awo, vajimbaga mandu kiyalaalisa iMola iNofu lumo noone nu Kilementi na vavanda vayangu avanji. Amataawa ga vaanu awo woona, gayandiikhwe mu Litaafili ilya Wuumi.

Vakolosaayi 1:7

Mwayimanyisaaga iMola iNofu iyo kihuma kwa Epafula, uyo mugani, muvanda muyeesu, khanji yuna isenga insengo ya Kilisito kwa wuyinatifu, kwa kiiva yeenyu.

Vakolosaayi 4:11

Woope uYoshuwa yuna itambulwa Yusito, ikivahunjila. Mu Vayahuudi vamonga vina vaposheelile ilihuuvi, awo vatatu hela vaveene vavanda vayangu mu nsengo ya Wutwa wa Nguluvi lumo noone. Awo vikinitanjilisa mandu one.

1 Vatesalonike 3:2

na kimufilikha kunyeenyu umuhuvililaaji muyeesu uTimoteo kiija, avajinie na kivakhangasa inumbula mu lihuuvi lyenyu. Umwene muvanda muyeesu mwa Nguluvi, mu nsengo ya kikhoma iMola iNofu ya Kilisito.

Filimoni 1:24

Khanji avavanda vayangu uMaluko, uAlisitaliko, uDeema nu Luuka, vikikuhunjila.

Vahebulaniya 3:1

Omwe vahuvililaaji vayangu, muna muli vabaagule, muna mushemeliilwe nu Nguluvi lumo noose, mumuhivililaje mandu uYeesu uMwanandeje wa Nguluvi na Mutambule Mukhome yuna tikimuhuviilila.