Vafilipi 2:2 - IShiyanso nu Lufingo uLupya

² Lino, munishendefyaje mandu, kwa nsila ya kiiva na mahiiva gagaamo, ulugano luluumo, inumbula yiyiimo nu lugulumilo luluumo.

Vafilipi 2:2 Iomraidhean Croise

Yohana 3:29

Umuhinja yuna itoolwa, isakulwa kiluta kwa mugoosi yuna ikimutoola. One nili ngaja mumanyi wa yuna itoola uwashimaayi, niyiimile mulubali lwakwe yuna itoola, nishendeeva pina nipulikha ishawuti yaakwe. Shiyooli, iliswi ili lishendeefya mandu.

Nsengo sa Vanandeje 1:14

Woona awo vakhandi vikungaana kimufuunya uNguluvi kwa lugulumilo lumo, nu Maliya umaayi wa Yeesu, avashimaayi avanji na vanangʼana va Yeesu.

Nsengo sa Vanandeje 2:1

Ilijuva lya Pentekositi lyaganile kifikha, avahuvililaaji woona vakungaanile mu nanda yimonga.

Nsengo sa Vanandeje 2:46

Vakhandi vikungaana nsiku soona mu lukeeke lwa nanda imbaagule iya kifuunyila. Vaalya lumo iShakiilya sha Mutwa uYeesu, mukhaaya saanave. Vakhandi vihanga kiilya ifyakiilya lumo kwa numbula nofu na kwa wushendeefu.

Nsengo sa Vanandeje 5:12

Kwa ngufu sa Nguluvi, avanandeje vakhandi viigaha amiitu na mabikha minshi mu vaanu. Avahuvililaaji woona vakhandi vikungaana kwa lugulumilo lumo mu lukeeke lwa nanda imbaagule, mu Nsila yina niime iya Selemaani.

Valuumi 12:16

Khalaji kwa wulindamafu yuumwe kwa yuumwe. Musikhayitumfyaji, leelo yiyisaaji na kiiva mwitanjilisania na vaanu va pansi, khanji musikhayiwonaji kiija, muna luhala mandu.

1 Vakolinto 1:10

Lino omwe vahuvililaaji vayangu, nikivalomba mandu kwa wutawulilwa wa Mutwa weesu uYeesu Kilisito, muveesaje vaanu vina mupulinkhana. Musikhabagunkhanaga, leelo muveesaje shipuga shimo kwa gina mugulumiile na gina muhiiva.

2 Vakolinto 13:11

Lino vahuvililaaji vayangu, shendeevaji, muveesaje vagolofu khabisa, muyishilisaniaje inumbula seenyu, muveesaje shipuga shimo, khanji khalaji kwa wulindamafu. Nikimulomba uNguluvi yuna ikivapeela ulugano nu wulindamafu, ave lumo noomwe woona.

2 Vakolinto 2:3

Lulwene navayandishilaga mu balula yila kiija, nisikhayinsa kunyeenyu, nisaali nilemasiwe mu numbula yangu na vaanu vina vakhandi visakulwa kinishendeefya. Shiyooli nimeenye kiija, one nda nishendeeva, na yuumwe woona mushendeeva.

2 Vakolinto 7:7

Yisili kiija takhangasiwaagwa kwa nsila ya kiyinsa uTito hela, leelo na shina mwamukhangasaaga umwene. Wátujovelaga na shina muna lihaahi mandu ilya kinyaaga one, na shina musugumilwa na kinilavila one. Ago ganigaha kishendeeva mandu.

Vafilipi 1:4

Wiila pina nikivafuunyila kunyaakwe omwe woona, nikivafuunyila kwa wushendeefu,

Vafilipi 2:16

Muvakhomaje avaanu iLiswi lya Nguluvi lina likivapeela uwuumi wa shiluta. Gahaji ndeeno, baheene niyihalile ilisiku lina uKilisito akhatina, khanji insengo yina nikhandi nijimba kisenga kunyeenyu, yisikhandi kiija yigaya lutono.

Vafilipi 2:20

Kiiva, nisiina umuunu uyunji yuna ikivatuna mandu omwe, ngaja uTimoteo.

Vafilipi 4:2

Nikivalomba mandu uEwodiya nu Sinitike muve nu lugulumilo lumo, kwa kiiva woona vavili muli vahuvililaaji muhanjile mwa Mutwa uYeesu.

Vakolosaayi 2:5

Nilogola ndeeno hata nda nili kutali noomwe, inumbula yangu yili lumo noomwe. Nishendeeva kwa kiiva napulikha shina muhanjile nu wujimfu weenyu wa lihuuvi lyenyu mwa Kilisito.

2 Vatesalonike 2:13

Leelo ose tisakulwa kimuhonjesa uNguluvi wiila, kwa kiiva yeenyu vahuvililaaji vayeesu, omwe vina uMutwa uYeesu avageene. Tikimuhonjesa uNguluvi kwa kiiva akhavabagwile kihuma pashiyanso isha kiwumbwa, baheene muposheele uwukulukho, kwa nsila ya kivalasiwa nu Numbula uMunofu na kishihuviilila ishiyooli.

2 Timoteo 1:4

Pina nikigakumbukha amaanyosi gaakho pina tihwesania, nina lihaahi mandu ilya kitangaana noowe, baheene nive nu wushendeefu mandu.

Filimoni 1:20

Lino, lukholo lwangu, unisenjele ulu kwa kiiva ya Mutwa. Uyishilise inumbula yangu ngaja shina yisakulwa kwa muhuvililaaji wa Kilisito.

2 Yohana 1:4

Nashendeevaga mandu pina napulikhaga kiija, avanaakho vamonga viikhala mu shiyooli, ngaja shina uWiheesu uNguluvi wátulajisaaga.

3 Yohana 1:4

Kusiina ishiinu shina shikinishendeefya mandu, kishila ulwa kipulikha kiija avanangu mu lihuuvi, vapikiyitenekha kikhala mu shiyooli.