Vafilipi 2:15 - IShiyanso nu Lufingo uLupya

¹⁵ baheene muve vaana vagolofu va Nguluvi, vina vasipiikhwa, khanji muve vaanu vina vasilogolwa amavi mu vaanu va lino, vina vanansi mandu. Mu vaanu awo, omwe muwonekhaje ngaja ngʼali sina singʼalikha mu nyi.

Vafilipi 2:15 Iomraidhean Croise

1 Petulo 2:12

Muveesaje ni njendo inofu pa vaanu vina vasikimuhuviilila uNguluvi. Baheene nda vikivalogola wudehi kiija, mwisenga uwunansi, vasaagaje insengo seenyu inofu. Baheene vasimusufye uNguluvi kwa kiiva yeenyu, mu lijuva lina akhayinsa kivahiga.

Mataayo 5:45

Apo baheene musiive vaana va Wiheenyu yuna ali kushaanya, kiiva yumwene yuna ikivamulishila ilijuva avaanu avagolofu na vanansi. Khanji, itoonyesa inoonya kwa vaanu vina vagolofu na vina vasili vagolofu.

1 Vatesalonike 5:23

UNguluvi yumwene yuna ikitupeela uwulindamafu, avavalase omwe mu goona khabisa. Avadiime mu numbula seenyu, uwiikhasi weenyu na mavili geenyu, baheene muve musipiikhwa mbakha uluhaavi pina akhayinsa uMutwa weesu uYeesu Kilisito.

2 Petulo 3:14

Ndeeno vagani vangu, pina muheepile ilijuva lila, mujimbaje kiiva vagolofu pa Nguluvi musipiikhwa, na kiiva nu wulindamafu.

1 Vakolinto 1:8

Umwene ikivajinia mbakha kuwudugo, baheene musikhapikhwagwa, ilijuva lila lina uMutwa weesu uYeesu Kilisito akhatina kivahiga avaanu.

Tito 2:10

Vasikhahiijaga, humbe vawonensaaje uwuyinatilo wunofu woona, baheene injendo saanave soona sidobokhwajwe na vaanu vapulisaaje amamanyiso ga Nguluvi uMukulusaaji weesu.

1 Petulo 2:9

Leelo omwe, uNguluvi avabagwile muve vaanu vaakwe. Omwe vatambule va shitwa, khanji nyi yina yikimusenjela uNguluvi mwene duguli. Mwabagulwagwa kiija muve vakhomaaji va nsengo inofu isa Nguluvi. Wávashemeela kiija muhume mu nshiisi ya wunansi, baheene muve kunyaakwe mu wuvalafu uwunofu.

Mataayo 5:48

Lino, muveesaje vagolofu ngaja uWiheenyu uwa kushaanya shina mugolofu.”

1 Timoteo 3:10

Awo woope vajelwe tangusiina, nda vawoneshe vasipiikhwa, baheene vasenje insengo iyo.

1 Timoteo 3:2

Lulwene niijova, umuyimililaaji ave muunu yuna asipiikhwa kwa lyolyona, yuna asili mushemi, umunya kiyiyangalila, khanji umunya kiyisunga, muunu wa lugoto, musajisaaji, yuna ameenye kivamanyisa avaanu iLiswi lya Nguluvi.

Vafilipi 1:10

baheene mumanye na kihaagula gina idobokha uNguluvi. Apo baheene mukhava vanofu, mungaya mapiikho, mbakha ilisiku pina uKilisito akhatina.

Vaefeso 5:27

Wágahaga ndeeno, baheene ayileetele ishipuga sha vahuvililaaji vina vingʼaala, vangaya wushaafu wala nkwaji, hata wuvi wowoona.

Valuumi 16:19

Woona vapulikha kiija, omwe muliyinatiile wunofu iLiswi lya Nguluvi. Ishiinu isho shikinishendeefya one mandu. Hata ndeeno, nisakula muveesaje nu luhala mu njowo inofu, khanji musikhakwehwaji nu wunansi.

Nsengo sa Vanandeje 2:40

UPetulo wáyitenekha kivajovela avaanu vala amaswi ganji minshi aga kivapavila. Wávakuviilisa wáaja, “Mukulusiwe nu Nguluvi musikhahigwagwa lumo na vaanu va shisafi ishi, vina vavi mandu.”

Mataayo 10:16

“Puliisi, nikivafilikha ngaja nkholo sina sijenda paakhati naakhati ya mbwawa. Ndeeno muveesaje vanya luhala ngaja njokha, khanji muveesaje vahuugu ngaja nkunda.

Vahebulaniya 7:26

UMutambule uMukhome uwa shihwano isho, yumwene yuna isakulwa mandu kunyeesu kwa kiiva umwene munofu, mugolofu, khanji asikhagahile uwunansi wowoona. UNguluvi wámubagulaniaga na vanansi, wámutaania kiluta kunyaakwe kushaanya.

Tito 2:15

Amaswi ago gageene uvamanyisaaje avaanu. Uvajiniaje inumbula na kivapavila kwa ngufu. Usikhamukundaga umuunu yoyoona akusale.

Tito 1:6

Umuyimililaaji wa shipuga sha vahuvililaaji va Yeesu, isakulwa kiiva muunu yuna asipiikhwa. Aveesaje ana mudala yumo, avanaakwe vaveesaje vahuvililaaji va Yeesu na vasikhaveesaga ni shidada awu maleefi.

1 Timoteo 5:20

Leelo avayimililaaji vina vikiyitenekha kigaha uwunansi, uvakhajilaje baaho pa vaanu vinshi, baheene avaanu avanji vatiile.

Nsengo sa Vanandeje 20:30

Hata munyeenyu omwe, vakhawonekha avaanu vina vakhava viijova imola isa wudehi isa kivayasa avahuvililaaji, kiija omwe muvafwate hela.

Yohana 5:35

UYohana uMutwiniaji wáwonensa ishiyooli kunyeenyu, ngaja lumuli luna luveekha na kimulikha mu nshiisi. Omwe mwashendevelaga uwuvalafu uwo, kwa luhaavi lufupi.

Luuka 6:35

“Leelo omwe, muvaganaje avalugu veenyu na kivagahila amanofu. Vakhopesaaji, bila kihuviilila kiija vakhavagomosesa. Nda mugahe ago, uNguluvi uMukhome akhavapeela amahombo makhome. Khanji mukhava vanaakwe kwa kiiva, umwene munofu kwa vina vasihonjesa na vina vanansi.

Mataayo 17:17

UYeesu wávayankha wáaja, “Omwe vaanu va shisafi ishi muna musikinihuviilila! Wuli, nisiikhale noomwe mbakha payooli? Nisivagugumile omwe mbakha payooli? Muleeti panu umudiimi uyo!”

Wugubutulo 3:9

Puliisi! Nisivaleete avaanu va shipuga sha vavanda va Shetaani, vina vikiyitambula kiija Vayahuudi, leelo vadehi. Nisivagahe vayinse kivafugamila, baheene vamanye kiija, one nivageene omwe.

1 Timoteo 5:14

Lino, one nisakula avahinja avafwile, vave vitoolwa khanji, vasave avaana na kiyangalila inanda saanave, baheene avalugu vasikhatujovaga wuvi.

1 Timoteo 5:7

Ago goope uvajovelaje avahuvililaaji va Yeesu, baheene vasikhapikhwagwa.

2 Vakolinto 6:17

Kwa kiiva ya ilyo uMutwa uNguluvi iijova, “Muwuushe kuveene, muyibaagule nawo. Musikhakhataji ishiinu sha mwikho, baheene na yuune nikhavayanushila.”

Luuka 1:6

USakaliya nu Elisabeti vakhandi vagolofu pa Nguluvi, vayinatilaga wunofu indaji soona sa Nguluvi, vasipiikhwa.

Vafilipi 3:6

Khanji nikhandi nina ludali mandu, lulwene lwapinsaaga naava nikifilafya ifipuga fya vahuvililaaji va Yeesu Kilisito. Mu ndaji iso, one nikhandi mugolofu, nisikhandi nipiikhwa.

Wugubutulo 2:5

Lino mukumbushe pina mukhagwile, mulambiisile, muve ni njendo isa lwamwandi. Leelo nda musilambiisila, niyinsa kunyeenyu kiwuusa insimbili iya sahaabu iya lumuli pina lukwali.