Vafilipi 2:14 - IShiyanso nu Lufingo uLupya

¹⁴ Musengaje insengo soona bila kingʼuula wala kikhaanania,

Vafilipi 2:14 Iomraidhean Croise

Mataayo 20:11

Baheene pina vaposheela, vayansa kingʼuula kwa munya mugunda viija,

Maluko 14:5

Kiiva amafuta aga, ndi gagusiwa kwa hela nyinshi mandu, na kivapeela avapiina.” Baheene vamukhajilaga uwashimaayi yula.

Maluko 9:14

UYeesu, uPetulo, uYaakobo nu Yohana vafishile uluvala luna vakhandi vakwali avamanyisiwa vala avanji. Vashaajile ishipuga ishikhome sha vaanu baaho. Avamanyisaaji avamonga va ndaji sa Musa vaali vikhananiaga na vamanyisiwa va Yeesu.

Luuka 5:30

Ulu lwavagaha aVafalisaayo na vamanyisaaji vaanave va ndaji sa Musa, vayanse kivangʼuulila avamanyisiwa va Yeesu viija, “Kwashi mwilya na kiingʼwa lumo na vatofya khoodi na vanya wunansi?”

Nsengo sa Vanandeje 15:2

Leelo uPawulo nu Balinaaba vasikhapulinkheene na Vayahuudi awo, vayansa kikhaanania mandu nawo. Kuwudugo, avaanu va shipuga sha vahuvililaaji ava ku Antiyokiya vaahumya uwulamulaaji kiija, avahuvililaaji vamonga valute ku Yelusalemu lumo nu Pawulo nu Balinaaba. Vakhandi visakula vapulinkhane amaswi ago na vanandeje na vayimililaaji va shipuga sha vahuvililaaji ava kula.

Nsengo sa Vanandeje 15:39

Baheene kwava kuna makhaananio mandu, vabagunkhana. UBalinaaba wámutoola uYohana Maluko, vayangala ishipugo shikhome vaaluta lumo ku shigunguli sha Kipulo.

Nsengo sa Vanandeje 15:7

Avaanu awo vaganile kijovana kwa luhaavi lutali, uPetulo wáyiima, wávajovela wáaja, “Valukholo lwangu, omwe mumeenye kiija uluhaavi lumonga luna lwashilaga uNguluvi wánibagulaga kihuma munyeenyu, kiija nikhome iMola iNofu kwa vina vasili Vayahuudi kiija, vapulishe kishilila kunyangu na kimuhuviilila uMutwa uYeesu Kilisito.

Nsengo sa Vanandeje 6:1

Mu nsiku iso uwinshi wa vahuvililaaji vayitenekhaga kiyonjelela. Mu vahuvililaaji awo vakhandi vakwali aVayahuudi vina vakhandi vilogola ishilogolo sha Shiyunaani na Vayahuudi avanji vakhandi vilogola iShihebulaniya. Lino, vala vina vakhandi vilogola iShiyunaani vakhandi vingʼuula viija, vala vina vakhandi vilogola iShihebulaniya vasikhandi vikivatanjilisa avafwile vaanave aVayunaani, kivagavila ifyakiilya ifya nsiku soona.

Valuumi 12:18

Mujimbaje kigaha lyolyona lina omwe mukwiliile, baheene muve nu wulindamafu na vaanu woona.

Valuumi 14:1

Muyanushilaji umuyeenyu yuna asikhangeele mu lihuuvi, musikhakhananiaji nawo ulwa mahiiva gaakwe gina gipungana na mahiiva geenyu.

Valuumi 16:17

Lino vahuvililaaji vayangu, nikivajovela kiija muveesaje meeho na vaanu vala vina amamanyiso gaanave gikivagaha avahuvililaaji vabagunkhane fipuga fipuga, khanji, ginanga ilihuuvi ni njendo saanave. Khalaji kutali nawo, kwa kiiva amamanyiso gaanave gipingana na gala gina mwamanyisiwaagwa.

1 Vakolinto 10:10

Khanji musikhangʼuulaji ngaja avanji mu veene shina vagahaga, vabudwagwa nu malayikha umubudaaji.

2 Vakolinto 12:20

Lino nitiila kiija, uluhaavi luna nikhayinsa kunyeenyu, nikhavaaga muna njendo imbi sina nisikisishendeevela. Ilyo, likhanihonsa nigahe gina omwe musikhashendeeva. Nitiila kiija nikwiliile kivaaga muna libaatu, uwiifu, inkhalasi, mupungeene, mudehelana, musenkhana, mukiyisufya na mungaya lugoto wala musipulinkhana.

Vagalatiya 5:15

Leelo nda mulumana na kiliisana ngaja nkhanu, muyivavalaje musikhabudanaga.

Vagalatiya 5:26

Tisikhayisufyaga, tisikhayansaniaga ilibaatu, awu kiwifushilana.

Vafilipi 2:3

Musikhagahaji lyolyona kwa numbula ya wushooyo na kiiva na matuupa. Leelo shila muunu ayiyisaaje na kivatuna avanji kwa kivatiila kishila umwene.

1 Vatesalonike 5:13

Muvatiilaje mandu na kivagana kwa kiiva ya nsengo yaanave. Khanji mukhalaje kwa wulindamafu.

1 Vatesalonike 5:15

Yiyangalilaji wunofu, umuunu yoyoona asikhamuhombesaaga kimugahila umuyine uwuvi, leelo wiila mujimbaje kigahilana amanofu yuumwe kwa yuumwe na kwa vaanu woona.

Vahebulaniya 12:14

Omwe vahuvililaaji vayangu, jimbaji kikhala kwa wulindamafu na vaanu woona. Khanji jimbaji kiiva vagolofu mu wiikhasi weenyu, kwa kiiva kusiina umuunu yuna akwiliile kimwaga uMutwa uNguluvi, nda asili mugolofu.

Yaakobo 1:20

kwa kiiva umuunu umunya nkhalasi asikwiliile kigaha gina idobokha uNguluvi.

Yaakobo 3:14

Leelo inumbula seenyu nda simemile uwushooyo, ijiila nu wukhali, baheene musikhanunumukhaji na kiyihala kiija muna wumanyi. Khanji musikhalogolaji uwudehi mu shiyooli.

Yaakobo 5:9

Vahuvililaaji vayangu, musikhangʼulilanaji, baheene musikhahigwa nu Nguluvi. Muyangalilanaje, kiiva uMuhigaaji ali pa mulyango, iyinsa!

1 Petulo 3:11

Isakulwa asikhasengaga uwunansi, asengaje amanofu. Ave iikhala kwa wulindamafu na vayine, awuyinatilaje mandu.

1 Petulo 4:9

Muveesaje mudobokha kivasaajisa avaanu mukhati ya nanda seenyu, kwa numbula yoona.

Yuuda 1:16

Avaanu ava vingʼuula na kilalamikha, viyinatila uwupafu waanave uwuvi. Vikiyisufya mandu na kivasufya mandu avaanu, kiija vayipatile ulutono.