Vafilipi 2:12 - IShiyanso nu Lufingo uLupya

¹² Lino omwe vagani vangu, pina nikhandi kunyeenyu mukhandi mukimutiila uNguluvi nsiku soona. Shiisho ndeeno, hata lino pina nili kutali noomwe, yitenekhaji kigaha kwa kitiila na kitetema gina gisakulwa kwa vaanu, vina uNguluvi avakulwise.

Vafilipi 2:12 Iomraidhean Croise

Mataayo 11:12

Kihuma insiku sa Yohana uMutwiniaji akhandi iikhoma mbakha iminsiyaano, uWutwa wa Nguluvi wusakulwa kwa ngufu. Woope avanya ngufu, viijesa kiwupata kwa ngufu.

Mataayo 11:29

Yavalaji ijooki yangu, muyimanyise kunyangu kiija muve nu wulindamafu mu numbula seenyu, kwa kiiva one nili muhuugu khanji nili munya kiyiyiisa.

Nsengo sa Vanandeje 16:29

Umuyangalilaaji wálajisa kiija avavanda vamutwalile ulumuli. Wáganile kitwalilwa ulumuli, wáhuluta nyangu mu shifungo, wáagwa pa Pawulo nu Siila kuno itetema.

Nsengo sa Vanandeje 9:6

Yiima! Ulute mu lijumbi, umo mumwene umuunu yumonga asikujovele gina wisakulwa kigaha.”

Valuumi 2:7

Akhavapeela uwuumi wa shiluta avaanu vina vijimba kigaha amanofu, kwa kiiva visakula uwutupikho, ishitiilo nu wuumi wuna wusinanjikha.

1 Vakolinto 15:58

Lino vahuvililaaji vayangu vagani, mujinaje mu lihuuvi ilyo, musikhayitikhaji kijanjilisiwa. Yitenekhaji wiila kisenga insengo ya Mutwa kwa ludali, kwa kiiva mumeenye kiija, insengo yina mwisenga kwa kiiva ya Mutwa, yisili kiija ya bule.

1 Vakolinto 2:3

Uluhaavi pina nili kunyeenyu, nikhandi muwoto, khanji nikhandi nitiila na kitetema mandu.

1 Vakolinto 4:14

Nisikivayandishila amaswi aga kiija nivayegule, leelo nisakula kivapavila ngaja vanangu vagani,

2 Vakolinto 7:15

Ulugano lwa Tito kunyeenyu lupiyonjelela, pina ikumbukha uluyinatilo lwenyu omwe moona, na shina mwamusajisaaga wunofu, kwa shitiilo na kitetema.

Vaefeso 6:5

Omwe vavanda, vatiilaji avatwa veenyu va mu nyi. Gahaji ndeeno kwa kitiila na kitetema, kwa wugolofu wa numbula, ngaja shina mukimusenjela uKilisito.

Vafilipi 1:27

Leelo hata nda nisikhayinsa, injendo seenyu silingaanaje ni Mola iNofu iya Kilisito. Ndeeno, nda niyinse kivaloleela, awu nda nisigale na kipulikha imola yeenyu kwa kutali, nisiive nimeenye kiija, mushaanali mukiyikhangasa kwa numbula yimo, mukililavila lumo ni lihuuvi lina lili mu Mola iNofu.

Vafilipi 1:29

Nilogola ndeeno, kwa kiiva musikhapeliilwe hela imota iya kimuhuviilila uKilisito, leelo mupeliilwe hata imota iya kilava kwa kiiva yaakwe.

Vafilipi 1:5

kwa kiiva omwe mwihanga noone kisenga insengo iya kikhoma iMola iNofu, kihuma ilisiku lina mwayihuvililaga mbakha iminsiyaano.

Vafilipi 1:6

Nimeenye shiyooli kiija, uNguluvi yuna wáyansiise insengo inofu iya kivakulusa omwe, akhayitenekha kivakulusa mbakha kikwisa pa lisiku pina uKilisito Yeesu akhatina.

Vafilipi 2:19

Nihuviilila kiija nda agane uMutwa uYeesu, nikhamufilikha uTimoteo mu nsiku siisi, ayinse kunyeenyu, baheene pina akhatina kuno, na yuune niyishilisiwe inumbula, pina akhava ikinitaviilila imola seenyu.

Vafilipi 4:1

Lino vahuvililaaji vayangu, vagani, khangalaji kimuhuviilila uMutwa uYeesu. Vagani vangu, nina lihaahi ilya kitangaana noomwe. Omwe lushendeewo lwangu, khanji lutono lwangu luna nikhapeelwa kwa nsengo yina nisenjile.

Vafilipi 4:15

Omwe Vafilipi mumeenye kiija, pala pina nikhayansiise kivakhoma iMola iNofu, na pina nikhahumile ku nyi yeenyu iya Makedoniya, yuumwe hela mwanitangaga. Kusiina ishipuga sha vahuvililaaji avanji vina vakhahanjile na kinipeela ifiinu.

1 Vatesalonike 1:3

Pina tifuunya kwa Nguluvi uWiheesu, tina luuju ni nsengo sina mwisenga kwa lihuuvi. Tina luuju uludali lwenyu luna lupinsiwa nu lugano lwenyu, khanji shina mugugumila kwa kiiva ya luhuviililo lwenyu kiija, uMutwa weesu uYeesu Kilisito shiyooli akhatina.

2 Timoteo 2:10

Lino, one nigugumila mu goona kwa kiiva ya vabaagule va Nguluvi, kiija woope vakulusiwe nu Kilisito Yeesu, na kiiva lumo mu wutupikho uwa shiluta.

Vahebulaniya 12:1

Ino, ose tina shipuga shikhome sha valunjikhaaji vina vatupiliime, ndeeno ose tifwataje ishihwano shaanave na tifiwuuse fyona fina fikitusivila kwa Kilisito na kiwulekha uwunansi wuna wukitugwisa. Khanji tijimbaje kisenga gina uNguluvi agaviishile pamwandi yeesu, ngaja muunu yuna imenana uluvilo kwa lugugumilo.

Vahebulaniya 4:1

Ulutaahiso lwa Nguluvi ulwa kiyinjila mu luvala lwakwe ulwa kituuya, lushaanali lukwali. Ndeeno tiyivavalaje, baheene asikhaveesaga akwali umuunu yoyoona uwa kigombola kiyinjila mu luvala ulo.

Vahebulaniya 4:11

Ino, tijimbaje kiyinjila mu luvala ulo ulwa kituuya. Tive tiigaha ndeeno, baheene asilaave akwali umuunu yoyoona uwa kigombola kiyinjila kwa kiiva ya kilekha kihuviilila, ngaja shina avambuyeesu vakhandi viigaha.

Vahebulaniya 5:9

UNguluvi wáganaga kimukwisa uYeesu kwa nsila iyo, wámuviikhaga kiiva shiyanso sha wukulukho wa shiluta na shiluta kwa vaanu woona vina vikimuyinatila.

1 Petulo 2:11

Vagani vangu, nikivalomba kwa kiiva muli vahensa khanji muli vashila nsila mu nyi, wusigaji uwupafu wuvi weenyu, wuna witovana ni numbula seenyu.

2 Petulo 3:18

Leelo muyitenekhaje kikula mu mota na mu wumanyi wa Mutwa nu Mukulusaaji weesu uYeesu Kilisito. Uwutupikho wuve kwa mwene, uluhaavi ulu nu lwa shiluta! Amina.