Vafilipi 2:11 - IShiyanso nu Lufingo uLupya

¹¹ Khanji shila muunu ayiitishe kiija, uYeesu Kilisito yumwene Mutwa, baheene uNguluvi uDaada, atupikhwe.

Vafilipi 2:11 Iomraidhean Croise

Mataayo 10:32

Nikivajovela kiija, umuunu yoyoona yuna ikivajovela avaanu kiija ikiniyinatila one, na yuune nikhamujovela uDaada wangu yuna ali kushaanya kiija umuunu uyu ikiniyinatila.

Luuka 2:11

Imola inofu yiyeene iyi, iminsiyaano uMukulusaaji wáasawa mu lijumbi ilya Dawudi, kwa kiiva yeenyu. Uyo yumwene yu Kilisito, Mutwa.

Yohana 12:42

Hata ndeeno, avaanu vinshi vamuhuvililaga uYeesu, avamonga mu awo vakhandi vakhome va Vayahuudi. Leelo vasikhalogwele bahawuvalafu kiija vamuhuviliile, kwa kiiva vavatiilaga aVafalisaayo, kiija hambi vikivadaga mu nanda iya kifuunyila.

Yohana 13:13

Omwe mukinijova one mwija, ‘Mumanyisaaji,’ khanji mwijova, ‘Mutwa.’ Mwijova ga shiyooli, kwa kiiva one nili Mumanyisaaji, khanji nili Mutwa.

Yohana 13:14

One yuna nili Mumanyisaaji, khanji yuna nili Mutwa navayoosa amagulu geenyu. Shiisho ndeeno na yuumwe muveesaje muyoosania amagulu geenyu.

Yohana 14:13

Nda mwilomba shiinu shoshoona mu litaawa lyangu, one nisiigahe ngaja shina mwilomba. Kwa nsila iyo, niwonensa uwutupikho wa Daada shina wushwali.

Yohana 14:23

UYeesu wámugomosesa wáaja, “Umuunu yoyoona yuna ikinigana, asigasenje gina nikimulajisa. Shiisho ndeeno uDaada asimugane, khanji one nu Daada tikhayinsa kunyaakwe, na kikhala lumo nawo.

Yohana 17:1

UYeesu wáganaga kimala kilogola ago goona na vamanyisiwa vaakwe, wáloleela kushaanya, wáfuunya wáaja, “Wee Daada, uluhaavi lwangu lwafikha. Vawonensa avaanu uwutupikho wangu one Lusawo lwakho, baheene na yuune nivawonense uwutupikho waakho shina wushwali.

Yohana 20:28

UTomasi wámugomosesa wáaja, “Owe yuuwe Mutwa wangu na Nguluvi wangu!”

Yohana 5:23

Kwa nsila iyo, avaanu woona vasinitiile ngaja shina vikimutiila uDaada. Umuunu yoyoona yuna asikinitiila one Lusawo lwakwe, iiva asikimutiila uDaada yuna anifiliishe.

Yohana 9:22

Avasafi vaakwe vakhalogwele ndeeno, kwa kiiva vakhandi vikivatiila avakhome vala va Vayahuudi. Avakhome awo vakhandi vapulinkheene kiija, umuunu yoyoona yuna iyiitikha kiija uYeesu yu Mukulusaaji yuna uNguluvi wátahisaaga kimufilikha, vakhamudaga mu nanda saanave isa kifuunyila.

Nsengo sa Vanandeje 10:36

Omwe mwimanya kiija, uNguluvi wávafilikhaga avaanu vaakwe kivakhoma aVaisilaheli vayeesu iMola iNofu, kiija vapate uwulindamafu kwa nsila ya Yeesu Kilisito, uMutwa wa vaanu woona.

Nsengo sa Vanandeje 2:36

UPetulo wáamala kwa kilogola wáaja, “Lino, aVaisilaheli woona visakulwa vamanye wunofu kiija, uyo uYeesu yuna omwe mwamukhomelelaga pa musalaaba, uNguluvi wámuviikha kiiva Mutwa, khanji yu Mukulusaaji yuna uNguluvi wátahisaaga kimufilikha.”

Valuumi 14:11

Ngaja shina yiyandiikhwe mu Mayandikhwa aManofu kiija, “UMutwa uNguluvi ilogola kiija, ‘Shiyooli, shila muunu akhafugama panyangu, na shila muunu akhalogola kwa lumili lwakwe kiija, one nili Nguluvi.’”

Valuumi 14:9

UKilisito wáfwisaga khanji wáfyukhaga, lino apili muumi, baheene umwene ave Mutwa wa vaanu woona, vina vafwile na vina wuumi.

Valuumi 15:9

Khanji, wáyinsile baheene avaanu vina vasili Vayahuudi, vamusufye uNguluvi kwa lusungu lwakwe. Ngaja shina yiyandiikhwe mu Mayandikhwa aManofu kiija, “Lino, nisikuyeyemele injeyemo isa kikusufya ku vaanu va nyi isinji.”

1 Vakolinto 12:3

Ndeeno nikivajovela kiija, umuunu yoyoona yuna ilongosewa nu Numbula wa Nguluvi, asikwiliile kilogola kiija, “UYeesu ayiijilwe.” Khanji umuunu yoyoona yuna asilongosewa nu Numbula wa Nguluvi, asikwiliile kilogola kiija, “UYeesu yumwene Mutwa.”

1 Vakolinto 15:47

UAdamu, muunu wa wutasi, umuvili gwakwe gwa mu nyi iyi, wáwumbiilwe kihuma mu lilongo. UKilisito, muunu wa wuvili, umuvili gwakwe guna gwafyukhaga gwa kihuma kushaanya.

1 Vakolinto 8:6

leelo kunyeesu, akwali uNguluvi yumo hela. Umwene Daada, yumwene yuna wáwumbile ifiinu fyona, na yuuse tiikhala kwa kiiva yaakwe. Khanji akwali uMutwa yumo hela, yumwene uYeesu Kilisito, kishilila kwa mwene ifiinu fyona fiwumbiilwe, khanji kishilila kwa mwene ose tili wuumi.

1 Petulo 1:21

Kwa kishilila uKilisito, mukimuhuviilila uNguluvi. Umwene wámufyusaaga uYeesu na kimupeela uwutupikho, baheene ilihuuvi lyenyu live kwa Nguluvi.

1 Yohana 4:15

Umuunu yoyoona yuna iyiitikha pa vaanu kiija, uYeesu Lusawo lwa Nguluvi, uNguluvi apihanga nawo, woope apihanga nu Nguluvi.

1 Yohana 4:2

Insila iya kimanya kiija umuunu ilongosewa nu Numbula wa Nguluvi yiyeene iyi, yoyoona yuna iyiitikha pa vaanu kiija, uYeesu Kilisito wáyinsile mu nyi ana muvili ngaja muunu, uyo yumwene ilongosewa nu Numbula wa Nguluvi.

2 Yohana 1:7

Nilogola ndeeno kwa kiiva vakwali avajanjilisaaji vinshi mu nyi vina vasiyiitikha kiija, uYeesu Kilisito wáyinsile wáava nu muvili ngaja muunu. Umuunu yuna ilogola ndeeno mujanjilisaaji, khanji mulugu wa Kilisito.

Wugubutulo 3:5

Umuunu yuna akhamena, akhafwala amenda amavalafu ngaja aveene. Na yuune nisikhaliwuusa kaa, ilitaawa lyakwe mu Litaafili ilya Wuumi, leelo nikhaliyiitikha pa Daada wangu na pa vamalayikha vaakwe.