Vafilipi 2:10 - IShiyanso nu Lufingo uLupya

¹⁰ Wágahile ndeeno kiija, ifiwumbwa fyona, ifya kushaanya kwa Nguluvi, ifya mu nyi ni fya ku wusimu, fifugame kwa kiiva ya litaawa lya Yeesu.

Vafilipi 2:10 Iomraidhean Croise

Shiyanso 41:43

Wámuyangasa uYusufu mu mutukha yaakwe iya wuvili, yina yikwehwa ni falaasi. Avaanu valongola pamwandi ya Yusufu kuno vilyova viija, “Fugamaji!” Ndeeno uFalawo wámuviikha uYusufu ave muyimililaaji wa nyi yoona iya Misili.

Mataayo 12:40

Kwa kiiva, ngaja uYoona shina wákheele mu wutumbu wa nswi inkhome nsiku sitatu ishiminsi ni shilo, shiisho ndeeno na yuune Lusawo lwa Muunu, nisiikhale mu lijooja nsiku sitatu ishilo ni shiminsi.

Mataayo 27:29

Vanienga injoola ya mimfwa, vamufwasa ku mutwe na kiluviikha ulukwegu ku liwokho lyakwe ilya kundiilo, baheene awoneshe ngaja mutwa. Vafugama pamwene ngaja vikimufuunya na kiyansa kimubeda kwa masalo vaajova, “Aaje senga, Mutwa wa Vayahuudi!”

Mataayo 28:18

UYeesu wáhejeela, wávajovela avamanyisiwa vaakwe wáaja, “UNguluvi anipeelile uwutawulilwa woona kushaanya na mu nyi.

Valuumi 11:4

Leelo uNguluvi wámugomosesaaga wáajova shishi? Wájovaga kiija, “Niyisigasiise avagoosi magana mashumi fungati (7,000), vina vasikimufuunya uBaali.”

Vaefeso 1:10

Ulugoto lwa Nguluvi lulwene ulu, nda uluhaavi luna aluhagwile pina lukhava lwafikha, akhafikungaania lumo ifiwumbwa fyona, fina fikwali mu nyi awu fina fikwali kushaanya. Khanji akhamugaha uKilisito ave mukhome wa fiwumbwa ifyo.

Vaefeso 3:14

Baheene nda nihiive ulugoto ulo ulwa Wiheesu, nifugama pamwene na kimufuunya.

Vaefeso 4:9

Lino amaswi gina giijova, “Wáganaga kiluta kushaanya,” uluganulo lwakwe kiija shi? Lulwene kiija, pina asinaalute kushaanya kwa Nguluvi, wáyiikhaga pansi mbakha mu nyi.

Vahebulaniya 1:6

Khanji pina ikimufilikha uLusawo lwakwe yuna ali mwene duguli mu nyi iyi, wájovile, “Avamalayikha woona va Nguluvi vave vikimufuunya umwene.”

Wugubutulo 4:10

woope avagosiivaha vala mashumi gavili na gana, vayigwisa pansi, vagubama pamwene yuna akhaliile ishitengo sha Wutwa na kimufuunya yuna muumi shiluta na shiluta. Woope vikimuhumisa injoola saanave pa shitengo sha Wutwa viijova ndeeni,

Wugubutulo 5:3

Leelo akhandi akwasiina umuunu, kushaanya wala mu nyi wala mu wusimu, yuna akwiliile kililamaatula ilitaafili ilyo na kiliyimba.