Vafilipi 2:1 - IShiyanso nu Lufingo uLupya

¹ Wuli, mwijina mu numbula seenyu kwa kiiva muli vaanu va Kilisito? Wuli, inumbula seenyu siyishilisiwa mu lugano lwakwe? Wuli, muhanjile nu Numbula uMunofu? Wuli, uKilisito ikivagana na kivasungupila?

Vafilipi 2:1 Iomraidhean Croise

Luuka 2:25

Uluhaavi ulo ku Yelusalemu, akhandi akwali umuunu yumonga yuna itambulwagwa Simiyoni. Umuunu uyo akhandi mugolofu, ikimufuunya uNguluvi luhaavi loona na kiyihuviilila kiyinsa kwa Kilisito, yuna akhavakulusa aVaisilaheli. Khanji akhandi ilongosewa nu Numbula uMunofu.

Yohana 14:18

“Nisivalekha omwe ngaja vapiina, leelo nikhayinsa khanji kunyeenyu.

Yohana 14:27

Nikivaleshela uwulindamafu. Nikivapeela uwulindamafu wangu wuna wusili ngaja wuna wiihuma kwa vaanu vina vikimukhaana uNguluvi. Musikhasugumilwaji mu numbula seenyu, khanji musikhatiilaji shoshoona.

Yohana 17:13

“Wee Daada, lino nili mu nsila niyinsa kunyaakho. One nikivajovela goona ago avamanyisiwa vangu, pina nishaanali nili mu nyi iyi, baheene vave nu wushendeefu mandu mu numbula saanave, ngaja shina one nina wushendeefu.

Nsengo sa Vanandeje 2:46

Vakhandi vikungaana nsiku soona mu lukeeke lwa nanda imbaagule iya kifuunyila. Vaalya lumo iShakiilya sha Mutwa uYeesu, mukhaaya saanave. Vakhandi vihanga kiilya ifyakiilya lumo kwa numbula nofu na kwa wushendeefu.

Nsengo sa Vanandeje 4:32

Avahuvililaaji woona vaava ni numbula yimo, amahiiva gaanave gakhandi gagaamo. Kusikhandi nu muunu yuna akhandi ilogola kiija, ifiinu fina anafyo fyakwe mwene duguli, kwa kiiva ifiinu fyanave fyona vakhandi vihansania.

Valuumi 5:5

Uluhuviililo ulo lusikwiliile kituyegula, kwa kiiva Nguluvi aponyiise ulugano lwakwe mu numbula seesu, kishilila uNumbula waakwe uMunofu.

Valuumi 8:26

Lumo na ago, uNumbula uMunofu yumwene ikitutanga mu wuwoto weesu. Ose tili vawoto kiiva tisimeenye kifuunya shina yisakulwa kimufuunya uNguluvi, leelo uNumbula uMunofu yumwene yuna ikitufuunyila kwa Nguluvi kwa nkhoolo ya wuvafi wuna wusitaviililwa.

1 Vakolinto 12:13

Ose woona, tive Vayahuudi awu tisili Vayahuudi, tive vavanda va muunu awu tisili vavanda va muunu, woona tatwinisiwaagwa kwa Numbula uMunofu yumo na kimuposheela uNumbula uMunofu yumo, kiija tive muvili gumo.

1 Vakolinto 15:31

Vahuvililaaji vayangu, wiila one nili mu hataali ya kiifwa. Na ishi shiyooli, ngaja shina shiyooli kiija, nikiyisufya kwa kiiva yeenyu, kwa kiiva muhanjile nu Mutwa weesu uKilisito Yeesu.

1 Vakolinto 3:16

Aasi, musimeenye kiija omwe muli nanda ya Nguluvi, khanji uNumbula wa Nguluvi iikhala mukhati yeenyu?

2 Vakolinto 13:14

Imota ya Mutwa uYeesu Kilisito, nu lugano lwa Nguluvi, na kiiva shipuga shimo nu Numbula uMunofu, yive lumo noomwe woona.

2 Vakolinto 2:14

Leelo tikimuhonjesa uNguluvi kiija, kwa kilungana nu Kilisito ikitulongosa uluhaavi loona kivamena avalugu. Khanji ikitugaha ose kiyalaalisa imola sa Kilisito imbali soona, ngaja mununsi munofu shina guyalaalila koona.

Vagalatiya 4:6

Kiiva ose tili vaana va Nguluvi, uNguluvi amufiliishe uNumbula wa Mwanaakwe mu numbula seesu. UNumbula uyo ikitugaha timushemeele uNguluvi kiija, “Aba” uluganulo lwakwe, “Daada.”

Vagalatiya 5:22

Leelo nda tilongosewa nu Numbula uMunofu, tisiive ni likhomo ilya Numbula uMunofu. Ilikhomo ilyo lilyene, ulugano, uwushendeefu, uwulindamafu, kiyijimfilisa, uwugolofu, ulusungu, uwuyaminifu,

Vaefeso 4:4

Ose woona tilungeene ngaja filungo fya muvili gumo, khanji tina Numbula uMunofu yumo. Ndeeno, tishemeliilwe nu Nguluvi kiiva mu luhuviililo lumo.

Vafilipi 1:8

UNguluvi ameenye kiija, nina lihaahi lya kitangaana noomwe kwa lugano lulula ulwa Kilisito Yeesu.

Vafilipi 3:3

Ose yuuse vaanu vina tiyinjisiiwe ijando mu numbula seesu, kwa kiiva uNumbula wa Nguluvi ikitutanga kimufuunya uNguluvi. Ose tikiyihalila uKilisito Yeesu na kimuhuviilila. Khanji ose tisikiyihuviilila injendo seesu isa mu muvili, kiija tipate uwukulukho,

Vakolosaayi 2:2

Niigaha ndeeno baheene inumbula seenyu sikhangale na kihanga lumo mu lugano, nu wumanyi wuna wukivapeela ishiyooli. Baheene mumanye imola sa Nguluvi sina sikhandi sifihiilwe, uluganulo lwakwe, uKilisito yumwene.

Vakolosaayi 3:12

Lino omwe mubagwilwe nu Nguluvi, khanji vagolofu vina avageene, ndeeno muveesaje ni numbula ya lusungu, uwunofu, kiyiyiisa, uwuhuugu, nu lugugumilo.

Vahebulaniya 6:18

UNguluvi wátahisaaga na kiyiyiiga. Amaswi gavili ago gasiseetukha kaa, kwa kiiva umwene asili mudehi. Kwa kiiva ya ilyo, ose vina tisijiile kunyaakwe, tikhangasiiwe inumbula tive nu luhuviililo kwa gala gina giyinsa pamwandi yeesu.

1 Petulo 1:2

Pawukuulu apo, uNguluvi uDaada wávamanyaga na kivahaagula, uNumbula uMunofu wávavasaaga muve vagolofu, baheene mumuyinatile uYeesu Kilisito na kivalasiwa ni danda yaakwe. UNguluvi avayonjelese imota nu wulindamafu.

1 Yohana 3:24

Umuunu yoyoona yuna ikisiyinatila indaji isa Nguluvi, iiva ahanjile nu Nguluvi, woope uNguluvi iiva ahanjile nu mwene. Timeenye kiija Nguluvi ahanjile noose, kiiva atupeelile uNumbula uMunofu.

1 Yohana 4:12

Kusiina umuunu yoyoona yuna amwajile uNguluvi kaa. Leelo nda tiganana, uNguluvi apihanga noose, uwugani waakwe wikwilana kunyeesu.

1 Yohana 4:16

Lino, ose timeenye na kihuviilila kiija, uNguluvi ikitugana. UNguluvi wa wugani. Yoyoona yuna iikhala mu lugano, yumwene apihanga nu Nguluvi, uNguluvi woope apihanga nawo.