Vafilipi 1:4 - IShiyanso nu Lufingo uLupya

⁴ Wiila pina nikivafuunyila kunyaakwe omwe woona, nikivafuunyila kwa wushendeefu,

Vafilipi 1:4 Iomraidhean Croise

Maluko 5:5

Insiku soona, paashilo na paminsi wáali ijendaga jendaga mu majooja na mu fidunda. Ukho wáali ilyovanjikha na kiyitemanga temanga na mangʼanga.

Luuka 15:10

“Nikivajovela kiija, shiisho ndeeno, uNguluvi akhava nu wushendeefu pa vamalayikha vaakwe, pina umunansi yumo ilambiisila uwunansi waakwe.”

Luuka 15:7

“Nikivajovela, shiisho ndeeno kukhava kuna wushendeefu wukhome kushaanya, pina umunansi yumo ilambiisila uwunansi waakwe. Uwushendeefu uwo, wukhava wukhome kishila uwushendeefu uwa kivashendevela avaanu avagolofu mashumi gonja ni gonja, vina vasisakula kilambiisila.”

Valuumi 1:9

UNguluvi yuna nikimusenjela kwa numbula yangu yoona kwa kivakhoma avaanu iMola iNofu iya Lusawo lwakwe, ameenye shina nikivafuunyila omwe uluhaavi loona.

Vafilipi 2:2

Lino, munishendefyaje mandu, kwa nsila ya kiiva na mahiiva gagaamo, ulugano luluumo, inumbula yiyiimo nu lugulumilo luluumo.

Vafilipi 3:18

Nivajoveele mala nyinshi iliswi ili, lino niwuyiila khanji kivajovela kwa kikhoola kiija, kuna vaanu vinshi vina valugu va wukulukho wuna wasenjekhaga nu Kilisito pa musalaaba.

Vafilipi 4:1

Lino vahuvililaaji vayangu, vagani, khangalaji kimuhuviilila uMutwa uYeesu. Vagani vangu, nina lihaahi ilya kitangaana noomwe. Omwe lushendeewo lwangu, khanji lutono lwangu luna nikhapeelwa kwa nsengo yina nisenjile.

Vakolosaayi 2:5

Nilogola ndeeno hata nda nili kutali noomwe, inumbula yangu yili lumo noomwe. Nishendeeva kwa kiiva napulikha shina muhanjile nu wujimfu weenyu wa lihuuvi lyenyu mwa Kilisito.

1 Vatesalonike 1:2

Tikimuhonjesa uNguluvi wiila kwa kiiva ya omwe woona, khanji tikivafuunyila kusiina kikhatala.

Filimoni 1:7

Lukholo lwangu, ulugano lwakho lunipeelile uwushendeefu wukhome na kinijinia, kiiva wasiyishilisa inumbula sa vahuvililaaji va Yeesu.

2 Yohana 1:4

Nashendeevaga mandu pina napulikhaga kiija, avanaakho vamonga viikhala mu shiyooli, ngaja shina uWiheesu uNguluvi wátulajisaaga.