yahuda 1:8 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ ءيمّا غيلاد ار‑سكارن ايت‑توارگيوين‑ان غمكان غ‑دارون. ار‑سّيُخشانّ دّات‑نسن، ءور‑ا‑توقّارن غوالّي ءيتحكامن، ار‑رگّمن ايت‑يگنوان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ imma ġilad ar‑skarn ayt‑twargiwin‑an ġmkan ġ‑darun. ar‑ssyʷh̬šann ddat‑nsn, ur‑a‑tuqqarn ġwalli itḥkamn, ar‑rggmn ayt‑ignwan.

yahuda 1:8 Iomraidhean Croise

luqa 11:25

ياشك‑يد ياف‑د تيگمّي تّياراس تنگادّا.

luqa 12:11

ءيغ‑كُن‑ين‑سّبيدّن غ‑تگُمّا ن‑تژالّيت ا‑فلّاون‑حكامن، نغد غ‑لگدّام ن‑ينمغورن ءولا لحوكّام، اد‑ور‑تاسيم تاغوفت ف‑ما‑را‑تينيم ءولا ف‑ما‑س‑راد‑اسن‑ترارم،

luqa 19:14

ءيمّا ارگاز‑ان، ار‑تي‑تكرهون ايت‑تمازيرت‑نس، ازنّ ءيرقّاسن س‑تمازيرت‑لّي ياگّوگن ار‑تّينين: ‹ءور‑نري ارگاز‑اد ا‑فلّانّغ‑يحكام.›

irqqasn 23:5

ءيرار‑اسن بولُس: «واي‑ايتما، ءور‑سّينغ غواد ءيزد انمغور ءيهيّان ا‑يگا. اشكو ءيتيارا غ‑واوال ن‑ربّي: ‹ا‑ور‑ترگمت يان ءيگان انمغور ن‑ايت‑تمازيرت‑نّك.› »

irqqasn 7:27

والاينّي غوالّي ءيسّرفوفنّ وايّاض ءينفر موسا ييني‑اس: ‹ما‑ك‑يگان د‑ومغار ءولا لحاكم فلّانّغ؟

irqqasn 7:39

والاينّي اگُين ءيمزوورا‑نّغ اد‑سرس‑سفلدن. نفرن‑ت ءيرين اد‑وورّين س‑ميصر.

1 kurintus 3:17

والاينّي تيگمّي ن‑ربّي، ءيغ‑تّ‑يهلك كرا ن‑يان را‑ت‑يهلك ربّي. اشكو تّياوژلاي‑تگمّي ن‑ربّي ا‑تگ تين ربّي، د‑كونّي تيگمّي‑نس ا‑تگام.

1 tasaluniki 4:8

وانّا ياگُين ا‑يسفلد س‑واوال‑اد، ءورد بنادم ا‑ياگُي والاينّي ياگُي ربّي لّي‑اون‑يفكان ءولا كونّي رّوح‑نس لقودوس.

1 timutaws 1:10

ءيفك‑ت‑يد ف‑ويلّي تفسادنين ءولا غويلّي تشتهونين يوتمان زوند نتني. ءيفك‑ت‑يد ف‑ويلّي تاكُرنين ءيحشماي ءولا غويلّي سّكيركيسنين ءولا غويلّي اكّانين توگّا ن‑تكركاس. ءيفك‑ت‑يد ف‑كولّو ويلّي سكارنين اينّا ءيفّوغن زغ‑ولمّود يُغژانّ.

iɛbrin 13:17

سفليدات س‑يمغارن‑نّون ار‑تسكارم س‑واوال‑نسن، اشكو ار‑بدّا‑سرون‑تراران لعاقل. ءيقّان‑تن‑د اد‑فلّاون‑فكن لحساب ءي‑ربّي. سكارات س‑واوال‑نسن باش اد‑فرحن س‑تووري‑نسن، ءورد ا‑تن‑فلّاس‑تيگُراژ. اشكو ءيغ‑تن‑تژّيگُراژم ءور‑راد‑اون‑تيلي لفايتّ.

1 bṭrus 2:17

ءوقّرات كولّو مدّن، ار‑تّيريم ايتماتون غ‑لماسيح. تاويات‑ستّ باهرا غ‑ربّي، ار‑تّوقّارم اگلّيد.