yahuda 1:7 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁷ تيسّانم ءيس‑يهلك ربّي تيمدينين ن‑سادوم د‑عامورا د‑تييّاض لّي‑ن‑تاما‑نسنت ف‑سّيبت ن‑شّهوات أُخشنّين لّي‑سكارن، ار‑تفسادن يوتمان ءي‑نگراتسن. ءيقّان‑د مدّن اد‑سوينگيمن ماد‑اسن‑يجران باش ا‑ور‑تياوهلاكن ءولا نتني س‑لعافيت لّي‑ور‑يخسين.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁷ tissanm is‑ihlk rbbi timdinin n‑sadum d‑ɛamura d‑tiyyaḍ lli‑n‑tama‑nsnt f‑ssibt n‑ššhwat ʷh̬šnnin lli‑skarn, ar‑tfsadn iwtman i‑ngratsn. iqqan‑d mddn ad‑swingimn mad‑asn‑ijran baš a‑ur‑tyawhlakn ula ntni s‑lɛafit lli‑ur‑ih̬sin.

yahuda 1:7 Iomraidhean Croise

matta 10:15

لحقّ ا‑راد‑اون‑ينيغ، را‑يشقو غ‑واسّ لّحساب ف‑ايت‑تمدينت‑ان ءوگُّار ن‑ايت‑سادوم ءولا ايت‑عامورا.

matta 11:24

راد‑اون‑ينيغ، را‑فلّاون‑يشقو‑واسّ لّحساب ءوگُّار ن‑ايت‑سادوم.»

matta 25:41

ءينيغ ءيلمّا ءي‑ويلّي لّانين ف‑وژلماض ‹ءيتّيات‑ن زغ‑گيگي ا‑ويلّي ءيخزا ربّي، تدّوم س‑لعافيت لّي‑ور‑را‑سار‑يخسي، تّياوسكار ءي‑يبليس د‑لمالايكا‑نس.

luqa 17:29

والاينّي غ‑واسّ لّي‑غ‑يفّوغ لوط تامدينت ن‑سادوم تضر‑د لعافيت د‑لكبريت زغ‑يگنوان تياوهلاكن كولّوتن.

1 kurintus 6:9

ءيس‑ور‑تسّينم ماياد؟ ءور‑راد‑كشمن مدّن أُخشنّين س‑تگلديت ن‑ربّي. اد‑ور‑تجلوم ءيخف‑نّون. ءور‑را‑سرس‑يكشم يان ءيتفسادن نغد يان ءيتعبادن ءيلاهات ن‑دّونيت‑اد نغد يان ءيتزنون نغد يان ءيتفسادن د‑يوتمان زوند نتّا

2 tasaluniki 1:7

ءيفك‑اون اسونفو ديدنّغ ءي‑كونّي لّي‑يرفوفنّ. غمكاد ا‑را‑يسكر غاكود نّا‑د‑يوورّي سيديتنّغ ياسوع لماسيح زغ‑يگنّا ءيبايّن د‑لمالايكا‑نس تجهّدنين س‑لعافيت ءيفنّون.

2 tasaluniki 1:8

غاكودان ا‑را‑يوت ربّي لعقوبيت ف‑ويلّي سرس رورنين تيغوردين‑نسن، اگُين اد‑سفليدن س‑لخبار ءيفولكين ن‑سيديتنّغ ياسوع.

2 bṭrus 2:2

ءيگّوت ما‑را‑يتامژ اغاراس‑نسن لّفساد. ف‑سّيبت‑نسن ا‑ف‑راد‑رگّمن مدّن غ‑وغاراس لّحقّ.

2 bṭrus 2:6

يوت ءيلمّا ربّي لحوكم ف‑تمدينين ن‑سادوم د‑عامورا، ءيهلك‑تنت س‑لعافيت، باش اد‑ژرن كولّو ويلّي سرس رورنين تيغوردين ما‑يجران ءي‑تمدينين‑ان، ءيسّانّ ما‑راد‑اسن‑يجرو ءولا نتني.

2 bṭrus 3:7

ءيمّا غيلاد س‑واوال‑نس ا‑س‑يحضا ربّي ءيگنوان د‑واكال، باش ا‑تياوهلاكن س‑لعافيت غ‑واسّ لّحساب لّي‑غ‑را‑يهلك غويلّي سرس رورنين تيغوردين.