yahuda 1:4 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ اشكو كشمن‑ين كرا ن‑مدّن س‑گراتون س‑تنتلا. ءيتيارا فلّاسن زغ‑يسيزوار ف‑لحوكم لّي‑را‑فلّاسن‑يضر. نتني ءور‑ا‑توقّارن ربّي. ار‑تفسادن ار‑تّينين ءيزد غمكان ا‑تگا لباراكا ن‑ربّي. رارن تيغوردين‑نسن س‑ياسوع لماسيح، د‑نتّان واحدوت ا‑يگان باب‑نّغ ءيگ سيديتنّغ.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ ašku kšmn‑in kra n‑mddn s‑gratun s‑tntla. ityara fllasn zġ‑isizwar f‑lḥukm lli‑ra‑fllasn‑iḍr. ntni ur‑a‑tuqqarn rbbi. ar‑tfsadn ar‑ttinin izd ġmkan a‑tga lbaraka n‑rbbi. rarn tiġurdin‑nsn s‑yasuɛ lmasiḥ, d‑nttan waḥdut a‑igan bab‑nnġ ig siditnnġ.

yahuda 1:4 Iomraidhean Croise

matta 13:25

لّيغ ءيگن غ‑ييض ياشك‑يد يان‑ونوّاش‑نس، ءيلوح‑ن وازكّون غ‑گر ءيردن، ءيدّو ءيفل‑ت.

yuḥanna 17:3

غمكاد ا‑تگا تودرت ءيدومن، ا‑ك‑يسّانّ كيّي لّي‑يگان ربّي لّحقّ، ءيسّانّ ياسوع لماسيح لّي‑دي‑توزنت.

irqqasn 11:23

لّيغ‑ن‑يلكم، ءيژر مامنك ا‑تن‑يبارك ربّي، ءيفرح ءيزّعام‑تن كولّوتن اد‑امژن غ‑سيديتنّغ س‑وول ءيزگان.

irqqasn 15:24

نسفلد ف‑كرا ن‑مدّن ءوشكان‑ين زغ‑دارنّغ ءينين‑اون كرا‑س‑اون‑ت‑سّطيّرن ايلّيغ توسيم تاغوفت ف‑يواليون‑نسن. والاينّي ءورد نكُّني ا‑تن‑ين‑يوزنّ.

گالاطيّا 2:4

والاينّي لّان غين كرا ن‑مدّن سكرن زوند ءيغ‑گان ايتماتنّغ، كشمن دارنّغ س‑تنتلا، ءيرين اد‑ژرن مامنك ا‑نسكار غيلاد غ‑اغ‑يرژم لماسيح زغ‑يسكراف ن‑شّرع. ار‑تّيرين اد‑اغ‑كرسن‑داغ زوند ءيسمگان.

گالاطيّا 5:13

واي‑ايتما، ءيغرا‑ياون ربّي ا‑ترژمّ زغ‑يسكراف. والاينّي ا‑ور‑تّينيم «نتياورژام غيلاد، نژضار ا‑نسكار اينّا ءيرا ءيخف‑نّغ.» اشكو ءيلّا فلّاون ا‑تّحنّوم ار‑تّقاسام ءي‑نگراتون.

afsus 4:14

ءور‑سول‑را‑نگ زوند تاروا مژّينين، ار‑تن‑يتاوي‑واضو ن‑كرايگاتّ المّود لّجديد، ار‑جلّون س‑لحيلات ن‑يمغضارن لّي‑ستّ‑زّراينين ف‑مدّن س‑تكركاس.

1 timutaws 5:8

اشكو وانّا ءور‑يتعاوانّ تاگُمات‑نس، هان ءيفّوغ اغاراس لّماسيح، يُخشن ءوگُّار ن‑ويلّي ءور‑اكُّ‑سّينّين اغاراس، د‑باهرا ءيغ‑ور‑ا‑يتعاوان ايت‑دارس.

2 timutaws 2:12

ءيغ‑ا‑نتصبار را‑ديدس‑نتحكام. ءيغ‑ننّا ءور‑ت‑نسّين را‑ييني ءور‑اغ‑يسّين.

2 timutaws 3:6

وان غويد ا‑يكشّمن س‑تگُمّا زوند ءينگُمارن، ار‑تّ‑زّراين ف‑تمغارين لّي‑ور دار لعاقل، ژّاين فلّاسنت دّنوب‑نسنت، ار‑تنت‑يتاوي كولّو كرا تّيرينت.

1 bṭrus 2:16

زّريات ءوسّان‑نّون مكنّا ترام، والاينّي ا‑ور‑تّينيم د‑يخف‑نّون: «ها‑ياغ نژضار ا‑نسكر مكنّا نرا. نكرات ا‑نسكر ما‑يُخشنّ.» زّريات ءوسّان‑نّون غمكلّي‑د‑يقّانّ ءيخدّامن ن‑ربّي.

1 bṭrus 2:8

ءيتيارا‑داغ: «اژرو‑اد را‑يگ تابايضّرت ءي‑مدّن، ءيگ ءيفير لّي‑را‑تن‑يسّكنوكي.» نتني ار‑طّارن غيلاد اشكو اگُين اد‑سكارن س‑واوال ن‑ربّي. غمكان ا‑تن‑د‑يقّانّ.

1 bṭrus 4:18

غمكلّي ءيتياران: «ءيغ‑يشقا ا‑ينجم يان ءيفولكين ما‑را‑يجرو ءي‑يان ءيرورن تيغوردين‑نس س‑ربّي ءولا يان ءيسالان دّنوب؟»

2 bṭrus 2:10

را‑ستّ‑يوت س‑وگُّار ف‑ويلّي سكارنين س‑شّهوات لّي‑باهرا‑ركانين حگرن غوالّي فلّاسن ءيحكامن. ءيمّا ءيمسلمدن‑ان شقان باهرا. ار‑زّعامن ءيخفاون‑نسن، ار‑رگّمن ءولا غ‑ينمغورن ن‑يگنوان بلا‑دا‑تيكساضن.

2 bṭrus 2:7

والاينّي ءيجّنجم لوط لّي‑يگان ارگاز ءيفولكين، اشكو طيّر‑اس ءي‑لوط باهرا ف‑مامنك اد‑فسادن مدّن‑ان أُخشنّين.

2 bṭrus 3:7

ءيمّا غيلاد س‑واوال‑نس ا‑س‑يحضا ربّي ءيگنوان د‑واكال، باش ا‑تياوهلاكن س‑لعافيت غ‑واسّ لّحساب لّي‑غ‑را‑يهلك غويلّي سرس رورنين تيغوردين.

1 yuḥanna 2:22

مانوا ءيگان بو‑تكركاس؟ ءيگا‑ت وانّا ءينّان «ياسوع ءور‑يگي لماسيح ن‑ربّي.» يان ءينّان غمكان، ءيگا انوّاش لّماسيح، ءيرار تيغوردين‑نس س‑ربّي باباتنّغ ءولا س‑يوس.

yahuda 1:15

باش ا‑يحكام ف‑كولّو مدّن. را‑يهلك كولّو ويلّي سرس رورنين تيغوردين ف‑سّيبت ن‑يسكّيرن‑نسن أُخشنّين لّي‑سكارن س‑لخُشانت لّي‑گيسن‑يلّان، ءولا ف‑كولّو تيرگّام لّي‑س‑ت‑رگمن.»

yahuda 1:18

نّان‑اون: «غ‑ووسّان گُّرانين ا‑راد‑د‑اشكين كرا ن‑يطنّاژن. راد‑سكارن س‑لخُشانت لّي‑يتّيري ءيخف‑نسن.»

anurẓm 15:4

وا‑سيدي ربّي، ما‑ور‑را‑يضر غ‑لگدّام‑نّك؟ ما‑ور‑را‑يوقّر لمجد ن‑يسم‑نّك؟ اشكو كيّي واحدوك ا‑يصفان. راد‑د‑اشكين مدّن اد‑اك‑سجدن زغ‑كولّو تيميزار ن‑دّونيت. اشكو ءيبايّن‑اسن‑د لحقّ ن‑تنباضين‑نّك.»