yahuda 1:3 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ واي‑ايتما عزّانين، سكرغ ف‑اد‑اون‑ين‑اراغ س‑لفرح ف‑وجنجم لّي‑س‑كولّو‑ننجم نكُّني ديدون، والاينّي ءوفيغ‑ن ءيس‑يّي‑يخصّا اد‑اون‑ين‑اراغ ف‑ا‑كُن‑زّعامغ ا‑تّجاحادم ف‑ولمّود لّيمان ءيزگان لّي‑د‑يسّبايّن ربّي ءي‑يمژلاين‑نس.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ way‑aytma ɛzzanin, skrġ f‑ad‑awn‑in‑araġ s‑lfrḥ f‑ujnjm lli‑s‑kullu‑nnjm nkkʷni didun, walaynni ufiġ‑n is‑iyi‑ih̬ṣṣa ad‑awn‑in‑araġ f‑a‑kʷn‑zzɛamġ a‑ttjaḥadm f‑ulmmud l‑liman izgan lli‑d‑issbayyn rbbi i‑imẓlayn‑ns.

yahuda 1:3 Iomraidhean Croise

irqqasn 17:3

ار‑اسن‑يتّيني: «ءيقّان‑د غوالّي ءيگان لماسيح ا‑يرفوفن باهرا، ءينكر‑د ءيلمّا زغ‑لموت.» ار‑اسن‑يتّيني: «ياسوع لّي‑ف‑ا‑ياون‑تبرّاحغ، نتّان ا‑يگان لماسيح لّي‑س‑ا‑تّقلم.»

irqqasn 18:28

اشكو ار‑يساوال س‑ايت‑يودايا غ‑لگدّام ن‑كولّو مدّن، ايلّيغ ءور‑ژضارن نتني ا‑فلّاس‑رارن اوال. ار‑اسن‑يمالا زغ‑وارّاتن ن‑ربّي ءيزد ياسوع ا‑يگان لماسيح لّي‑س‑ا‑تقلن.

irqqasn 20:27

اشكو ءور‑حصارغ ءيخف‑ينو والاينّي مليغ‑اون ف‑كولّو ما‑گيگون‑يرا ربّي.

irqqasn 28:28

ف‑مايان ا‑ف‑راد‑اون‑ينيغ، اجنجم‑اد ءيفكا‑ت ربّي غيلاد ءي‑ايت‑تميزار ياضني. نتني ا‑را‑سرس‑يسفلد.»

irqqasn 4:12

ءور‑يژضار يان ا‑ينجم زغ‑لهالاك ابلا سرس نتّان، اشكو ءور‑يلّي غ‑دّو ءيگنوان كرا ن‑يسم ياضني ءيفكا‑ت ربّي ما‑س‑ا‑يتنجام بنادم.»

irqqasn 6:7

ءيگّوت ما‑يسفليدن س‑واوال ن‑ربّي غ‑ووسّان‑ان، ار‑باهرا‑تّيگاتن ءيمحضارن غ‑وروشاليم. كيگان د‑ينمغورن ن‑تگمّي ن‑ربّي ا‑يومژن اغاراس لّماسيح ءولا نتني.

irqqasn 9:13

ءيساول حانانيّا ييني: «وا‑سيدي، سفلدغ ءي‑كولّو ما‑تّينين مدّن ف‑ورگاز‑ان ءولا كولّو ما‑يسكار يُخشن ءي‑يمژلاين‑نّك غ‑وروشاليم.

irqqasn 9:22

ءيمّا شاول ار‑يتزاياد ار‑يساوال س‑تحكيمت ءيتجهّدن ار‑يمالا ءيس‑يگا ياسوع غوالّي‑د‑يوزن ربّي ا‑يگ لماسيح، ايلّيغ ءور‑وفين ايت‑يودايا لّي‑زدغنين غ‑ديماشق مامنك ا‑فلّاس‑تراران اوال.

1 kurintus 15:3

اشكو اوال ءيهيّان لّي‑يّي‑د‑يلكمن، سّلكمغ‑اون‑ت‑ين ءولا كونّي، ءينيغ‑اون ءيس‑يمّوت لماسيح ا‑ياسي دّنوب‑نّغ غمكلّي ءيتياران غ‑وارّاتن ن‑ربّي.

گالاطيّا 2:5

ءيمّا نكُّني ءور‑اكُّ‑نقبيل يات غ‑مايلّي‑اغ‑تّينين، باش ا‑ور‑فلّاون‑كّيسن لحقّ لّخبار ءيفولكين.

گالاطيّا 3:28

ماياد ا‑ف‑ور‑ا‑سول‑نژّمژلاي گو‑يودايا زغ‑گو‑يونان، ءولا‑دا‑نژّمژلاي اوتم زغ‑تاوتمت ءولا ءيسمگ زغ‑واد‑يگان وين ءيخف‑نس، اشكو تگام كولّو يان غ‑لماسيح ياسوع.

گالاطيّا 6:11

ژرات منشك ايد‑س‑مقّورنت تيرّا‑ياد‑اون‑ين‑وريغ نكّي س‑وفوس‑ينو.

afsus 1:1

زغ‑بولُس ارقّاس لّماسيح ياسوع غمكلّي ءيرا ربّي. ءي‑يمژلاين ن‑ربّي غ‑تمدينت ن‑افسوس لّي‑زگانين غ‑وغاراس لّماسيح ياسوع.

filibbi 1:1

زغ‑بولُس د‑تيموتاوس، ءيخدّامن لّماسيح ياسوع، ءي‑كولّو ءيمژلاين لّماسيح ياسوع غ‑تمدينت ن‑فيليبّي ءولا ءينگابالن د‑يمعاوانّ‑نّون.

filibbi 1:27

والاينّي ءيلّا فلّاون ا‑تسكارم س‑ما‑د‑يمشاشكان د‑لخبار ءيفولكين لّماسيح. اشكو ريغ ا‑بدّا‑فلّاون‑سفليدغ ءيس‑كولّو‑تزگام غ‑يان‑وغاراس، ءيغ‑د‑فلّاون‑اگّوگغ نغد ءيغ‑ن‑دارون‑وشكيغ، ار‑كولّو‑تّخدامّ س‑يات‑تنباطّ باش ا‑تسّلمادم لحقّ لّخبار ءيفولكين غمكلّي ءيگا

kulussi 1:2

ءي‑ايتماتنّغ غ‑تمدينت ن‑كولوسّي، ا‑تن‑يگان د‑يمژلاين ن‑ربّي لّي‑زگانين غ‑وغاراس لّماسيح. اد‑اون‑تيلي لباراكا د‑سّلامت زغ‑ربّي باباتنّغ.

1 tasaluniki 2:2

تسفلدم ف‑ماد‑اغ‑يجران لّيغ ءور‑تا‑ن‑نروح س‑دارون، سّرفوفنّ‑اغ مدّن غ‑تمدينت ن‑فيليبّي رگمن‑اغ باهرا، والاينّي ءيزّعام‑اغ ربّي‑نّغ باش اد‑اون‑نساول ف‑لخبار ءيفولكين لّي‑اغ‑يملا واخّا ءيلّا ما‑ياغ‑يتژين باهرا.

1 timutaws 1:18

وا‑يوي تيموتاوس، فكيغ‑اك لوصيت‑اد غمكلّي فلّاك نّان ايتماتن غايد ءيزرين س‑يواليون لّي‑اسن‑يملا ربّي. امژ غ‑يواليون‑نسن باش ا‑تبكيست ار‑تكّاتّ تاكرّايت ف‑وفولكي.

1 timutaws 6:12

بكيس ار‑تكّاتّ تاكرّايت لّيمان، تامژت غ‑تودرت ءيدومن لّي‑س‑اك‑يغرا ربّي لّيغ تنّيت ءي‑يناگان گّوتنين ف‑مامنك ا‑تومنت س‑لماسيح.

2 timutaws 1:13

امژ‑بدّا غ‑ولمّود يُغژانّ لّي‑مي‑داري‑تسفلدت، تعمّرت س‑ليمان د‑لحنانت لّي‑اغ‑يلّان غ‑تامونت لّماسيح ياسوع.

tiṭus 1:4

ءي‑تيطوس ءيوي ءيعزّان غ‑تاگُمات لّيمان‑نّغ. اد‑اك‑تيلي لباراكا د‑سّلامت زغ‑ربّي باباتنّغ د‑لماسيح ياسوع انجّام‑نّغ.

iɛbrin 13:22

واي‑ايتما، ريغ اد‑اون‑ضالبغ ا‑تقبلم ءيواليون‑اد لّي‑س‑كُن‑وصّاغ، اشكو ءور‑باهرا‑تغزّيف‑تبرات‑اد.

iɛbrin 6:9

واي‑ايتما عزّانين، واخّا سرون نساول غمكاد، نسّن ءيس‑گيگون‑يلّا ما‑يوفن غايان، اشكو تگام ويد ءيجّنجم ربّي.

1 bṭrus 5:12

تابرات‑اد ءيگزّولن ءوريغ‑اون‑تّ‑ين ف‑وفوس ن‑سيلوانوس لّي‑داري‑يگان گما ءيفولكين ءيزگان. اراغ‑تّ‑ين باش ا‑كُن‑زّعامغ، ملغ‑اون ءيزد غمكاد ا‑تگا لباراكا ن‑ربّي س‑لحقّ. زگايات غ‑لباراكا‑ياد.

2 bṭrus 1:1

زغ‑سيمعان بطرُس اخدّام د‑ورقّاس ن‑ياسوع لماسيح. ءي‑ويلّي مي ءيتياوفكا ليمان ءيعزّان لّي‑اغ‑د‑يتياوفكان ءولا نكُّني س‑وفولكي ن‑ربّي‑نّغ د‑ونجّام‑نّغ ياسوع لماسيح.

2 bṭrus 2:21

يوف‑اسن مراد ءيس‑ور‑اكُّ‑سّينّ اغاراس ن‑وفولكي، ءولا ارد‑ت‑يسّانّ رارن ءيلمّا تيغوردين س‑واوال لّي‑ف‑تن‑يوصّا ربّي.

yahuda 1:1

زغ‑وخدّام ن‑ياسوع لماسيح، ياهودا گماس ن‑ياعقوب. ءي‑ويلّي‑ف‑يحنّا ربّي باباتنّغ ءيغر‑اسن‑د، ار‑تن‑يسّنتال ياسوع لماسيح.

yahuda 1:17

واي‑ايتما عزّانين، سوانگماد‑د ءيواليون ن‑يرقّاسن ن‑سيديتنّغ ياسوع لماسيح لّي‑س‑اون‑نّان ف‑ما‑را‑يجرو.

yahuda 1:20

ءيمّا كونّي اي‑ايتما عزّانين، سّدوسات ءيخفاون‑نّون غ‑ليمان ءيعزّان لّي‑اون‑يفكا ربّي، ار‑تّژالّام غمكلّي‑اون‑يمالا رّوح لقودوس.

anurẓm 12:11

نران‑ت نتني س‑يدامّن ن‑ولقّاغ ءولا س‑واوال ن‑توگّا‑نسن، اشكو ءوجادن اد‑فكن ءيخف‑نسن ار لموت.

anurẓm 2:10

ءيمّا غيلاد، اد‑ور‑تيكساطّ تانوكموت لّي‑را‑فلّاك‑يزري. هاتي را‑ك‑يارم ءيبليس ءيلوح‑ن كرا گيگون غ‑لحبس. را‑ترفوفنت مراو‑ووسّان. زگا غ‑وغاراس‑ينو ار لموت، فكغ‑اك تّاج ن‑تودرت.