yahuda 1:16 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁶ هان نتني ار‑تنگموگن ار‑تژين ار‑سكارن كولّو ما‑يتّيري ءيخف‑نسن، ار‑سّفورّوگن ار‑تالغن مدّن باش ا‑تن‑شتّان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁶ han ntni ar‑tngmugn ar‑tẓin ar‑skarn kullu ma‑ittiri ih̬f‑nsn, ar‑ssfurrugn ar‑talġn mddn baš a‑tn‑šttan.

yahuda 1:16 Iomraidhean Croise

2 bṭrus 2:18

اشكو ار‑سّفورّوگن س‑يواليون خوانين. س‑شّهوات أُخشنّين ا‑س‑ا‑ن‑لدّين مدّن لّي‑بحرا‑د‑وورّينين زغ‑گر ويلّي جلانين.

2 bṭrus 2:10

را‑ستّ‑يوت س‑وگُّار ف‑ويلّي سكارنين س‑شّهوات لّي‑باهرا‑ركانين حگرن غوالّي فلّاسن ءيحكامن. ءيمّا ءيمسلمدن‑ان شقان باهرا. ار‑زّعامن ءيخفاون‑نسن، ار‑رگّمن ءولا غ‑ينمغورن ن‑يگنوان بلا‑دا‑تيكساضن.

filibbi 2:14

زايدات غ‑كولّو ماياد بلا‑دا‑تّنگموگم ءولا‑دا‑تّژيم،

1 bṭrus 4:2

ءور‑سول‑ا‑يزّراي ءوسّان‑نس غ‑ما‑يتّيري بنادم ءي‑يخف‑نس، والاينّي ار‑يزّراي ماد‑اس‑يقامان غ‑دّونيت‑اد غ‑ما‑يرضان ربّي.

1 timutaws 6:5

ءور‑ا‑تيژضارن مدّن‑ان اد‑د‑مشاشكان، ءيجلو‑اسن لعاقل فّوغن زغ‑لحقّ. غالن ءيس‑راد‑امژن ءيقاريدن ءي‑يخف‑نسن غ‑وغاراس ن‑ربّي.

1 kurintus 10:10

ا‑ور‑نتنگموگ زوند كرا گيسن، ءيهلك‑تن لمالاك لّموت.

yahuda 1:18

نّان‑اون: «غ‑ووسّان گُّرانين ا‑راد‑د‑اشكين كرا ن‑يطنّاژن. راد‑سكارن س‑لخُشانت لّي‑يتّيري ءيخف‑نسن.»

2 bṭrus 3:3

والاينّي تاغاوسا ءيهيّان ا‑ستّ‑يگان، ا‑تيسّانم ءيس‑راد‑د‑اشكين كرا ن‑يطنّاژن غ‑ووسّان‑اد گُّرانين ار‑باهرا‑تطناژن ار‑سكارن ف‑كولّو ما‑تّيرين ءي‑يخف‑نسن

1 bṭrus 2:11

واي‑ايتما عزّانين، ضالبغ‑كُن غيلاد ا‑تگم ءيخف‑نّون د‑يغريبن د‑يبرّانيين غ‑دّونيت‑اد، تلوحم س‑ما‑تّيري دّات ن‑بنادم، اشكو تيغاوسيوين ن‑دّات ار‑تمّاغنت د‑وول ءيصفان.

yahuda 1:15

باش ا‑يحكام ف‑كولّو مدّن. را‑يهلك كولّو ويلّي سرس رورنين تيغوردين ف‑سّيبت ن‑يسكّيرن‑نسن أُخشنّين لّي‑سكارن س‑لخُشانت لّي‑گيسن‑يلّان، ءولا ف‑كولّو تيرگّام لّي‑س‑ت‑رگمن.»

1 bṭrus 1:14

سكارات س‑واوال ن‑ربّي، غمكلّي سكارن تاروا س‑واوال ن‑ايت‑دارسن. ا‑ور‑سول‑تّلهوم س‑غايلّي ستّين تكّام ار‑تّيريم ءي‑يخف‑نّون لّيغ ءور‑تا‑تسّينم لحقّ.

گالاطيّا 5:16

والاينّي راد‑اون‑ينيغ، سكارات‑بدّا س‑ماد‑اون‑يمالا رّوح لقودوس بلا‑دا‑تسوينگيمّ غ‑ما‑يتّيري ءيخف‑نّون.

yuḥanna 6:61

ءيمّا ياسوع، بلا‑ياس‑نّان ءيسّن ما‑ف‑ا‑تنگموگن، ييني‑اسن: «ءيس‑اون‑تّ‑يسّطيّر ماياد؟

2 timutaws 4:3

هان راد‑د‑اشكين كرا ن‑ووسّان غ‑ور‑راد‑سفليدن مدّن س‑ولمّود يُغژانّ. راد‑ترضون ءيگويّا‑نسن ار‑سّيگاتن ءي‑يخف‑نسن ءيمسلمدن لّي‑راد‑اسن‑يتّيني ما‑تن‑يعجبن.

1 tasaluniki 4:5

ا‑ور‑تگم زوند ايت‑تميزار لّي‑ور‑سّينّين ربّي، ار‑تن‑تنرونت شّهوات‑نسن.

گالاطيّا 5:24

اشكو كولّو وانّا ءيگان وين لماسيح ياسوع، ءيگا ءيخف‑نس د‑واد ءيمّوتن ف‑وگّجدي باش ا‑گيس‑يمّت كولّو ما‑يتّيري بنادم ءي‑يخف‑نس ءولا كولّو ما‑يُخشنّ.

yuḥanna 6:41

بدون ار‑فلّاس‑تنگموگن مدّن‑ان ن‑ايت‑يودايا اشكو ءينّا «نكّي ا‑يگان اغروم لّي‑د‑يگّوزن زغ‑يگنّا.»

luqa 19:7

لّيغ‑ت‑ژران مدّن‑ان گّوتنين، ار‑كولّو‑تنگموگن ءي‑نگراتسن ار‑تّينين: «هاتي ءيكشم ا‑يگ انبگي غ‑دار بو‑دّنوب‑اد.»

luqa 15:2

ار‑تنگموگن ءيفاريسين د‑يمسلمدن ن‑شّرع ار‑تّينين: «هان ارگاز‑ان ار‑يشتّا د‑ويلّي أُخشنّين ار‑سرسن‑يتفراح.»

luqa 5:30

ءيمّا ءيفاريسين د‑يمسلمدن ن‑شّرع زغ‑لمدهب‑نسن ار‑سّنگموگن ف‑يمحضارن ن‑ياسوع ءينين‑اسن: «ماخ ايلّيغ ا‑تشتّام ار‑تسّام د‑ويلّي تامژنين نكّاس ءولا مدّن‑ان أُخشنّين؟»