yaɛqub 5:7 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁷ ءيمّا كونّي اي‑ايتما، صبرات ارد‑د‑ياشك سيديتنّغ، زوند افلّاح لّي‑يتقلن ارد‑اس‑دي‑تغلي صّابت ءيعزّان غ‑يگر‑نس، ار‑يتصبار ارد ءيضر‑ونژار امنزو ءولا اماژّوژ.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁷ imma kunni ay‑aytma, ṣbrat ard‑d‑yašk siditnnġ, zund afllaḥ lli‑itqln ard‑as‑di‑tġli ṣṣabt iɛzzan ġ‑igr‑ns, ar‑itṣbar ard iḍr‑unẓar amnzu ula amaẓẓuẓ.

yaɛqub 5:7 Iomraidhean Croise

matta 16:27

ءيمّا نكّي لّي‑يگان يوس ن‑بنادم راد‑د‑اشكغ س‑لمجد ن‑بابا ربّي د‑لمالايكا‑نو، باش اد‑رارغ ءي‑كرايگاتّ يان ف‑ما‑يسكر.

matta 16:28

لحقّ ا‑راد‑اون‑ينيغ، ءيلّا غ‑غويد بيدّنين غيد ما‑ور‑را‑يمّت ارد ءيژر يوس ن‑بنادم يوشكا‑د غ‑تگلديت‑نس.»

matta 24:27

اشكو غمكلّي كّاتن‑ووسمانّ غ‑شّرق ار‑ن‑تّيسفيون ءي‑لغرب، غمكان ا‑راد‑د‑اشكغ نكّي لّي‑يگان يوس ن‑بنادم.

matta 24:44

ءولا كونّي ءيلّا فلّاون ا‑بدّا‑توجادم، اشكو را‑د‑ياشك يوس ن‑بنادم غ‑كرا ن‑تاساعت لّي‑ور‑تغالم.

luqa 18:8

راد‑اون‑ينيغ، را‑تن‑يفوكّو حاينا. والاينّي غاسّان غ‑راد‑د‑وورّيغ س‑دّونيت‑اد نكّي لّي‑يگان يوس ن‑بنادم، ءيس‑راد‑د‑افغ ما‑سول‑يومنّ؟»

luqa 21:27

غاكودان ا‑را‑يّي‑ژرن، نكّي لّي‑يگان يوس ن‑بنادم، فتيغ‑د غ‑يات‑تمدلوت س‑لقوّا د‑لمجد ءيگّوتن.

luqa 8:15

والاينّي غوالّي ءيضرن غ‑واكال ءيفولكين ءيگا زوند مدّن لّي‑سفلدنين ءي‑واوال ن‑ربّي امژن‑ت س‑نّييت ن‑وول‑نسن ءيغوسن، ار‑سرس‑سكارن بلا‑دا‑ترماين، فكن صّابت‑نسن.

yuḥanna 21:22

ييني‑اس ياسوع: «ءيغ‑ريغ ا‑سول‑يدّر ارد‑د‑وورّيغ ما‑گيس‑تريت كيّي؟ اشك‑يد مون ديدي.»

yuḥanna 21:23

زغ‑غاكودان ا‑يفّوغ لخبار غ‑دار ايتماتن، ار‑تّينين ءيس‑ور‑را‑يمّت‑ومحضار‑لّي. والاينّي ياسوع ءور‑ينّي «ءور‑را‑يمّت.» ءينّا «ءيغ‑ريغ ا‑سول‑يدّر ارد‑د‑وورّيغ ما‑گيس‑تريت كيّي؟»

ruma 15:4

كولّو ما‑يتياران غ‑ووسّان لّي‑زرينين، ءيتيارا باش ا‑نلمد نكُّني، نصبر نزعم نزگا غ‑رّجا ف‑سّيبت ن‑مايلّي ناقرا غ‑وارّاتن‑ان.

ruma 2:7

لّان كرا ن‑مدّن ار‑بدّا‑سكارن افولكي ار‑ن‑ترجون غ‑دار ربّي ا‑تن‑يسّاتّوي ار‑تن‑يسّيمغور ءيفك‑اسن تودرت ءيدومن. نتني راد‑اسن‑يفك ربّي تودرت لّيخرت.

1 kurintus 1:7

ءور‑اون‑لاح يات غ‑توافكيو ن‑رّوح غيلاد غ‑ا‑تّقلم س‑سيديتنّغ ياسوع لماسيح ارد‑د‑يوورّي ءيبايّن.

گالاطيّا 5:5

ءيمّا نكُّني نسّن ءيس‑را‑فلّانّغ‑يرضو ربّي ف‑سّيبت ن‑ما‑نومن س‑لماسيح. غمكاد ا‑يگا رّجا ءيصحان لّي‑اغ‑يفكا رّوح لقودوس.

گالاطيّا 6:9

ا‑ور‑نترماي غ‑وفولكي‑اد نسكار، اشكو را‑نمگر صّابت غ‑وزمز‑نس ءيغ‑ور‑نهروصّي.

kulussi 1:11

ار‑نتضالاب ربّي ا‑كُن‑يسّدوس س‑تحكيمت‑نس ءيتجهّدن باش ا‑تّصبارم بلا‑دا‑تّرمايم،

1 tasaluniki 1:3

ار‑د‑نسوينگيم غ‑لگدّام ن‑ربّي باباتنّغ مامنك ا‑كولّو‑تسكارم س‑ليمان‑نّون، ار‑تّخدامّ س‑لحنانت، تزگام غ‑رّجا ن‑سيديتنّغ ياسوع لماسيح.

1 tasaluniki 2:19

اشكو غاكود لّيغ را‑د‑ياشك سيديتنّغ ياسوع، ما‑را‑يگ تّاج ن‑رّجا‑نّغ ذ‑لفرح‑نّغ لّي‑س‑را‑نزعم غ‑لگدّام‑نس، ابلا كونّي؟

1 tasaluniki 3:13

ار‑ت‑نتضالاب ا‑كُن‑يسّدوس باش ا‑تبيدّم غ‑لگدّام ن‑ربّي باباتنّغ س‑وولاون‑نّون غوسنين بلا گيگون ءيلّا كرا لّعيب غاكود لّيغ را‑د‑ياشك سيديتنّغ ياسوع د‑يمژلاين‑نس كولّوتن.

iɛbrin 6:15

ءيقل ءيبراهيم ءيصبر ايلّيغ‑اس‑يتياوفكا مايلّي‑س‑اس‑ينّا ربّي.

yaɛqub 4:11

واي‑ايتما، ا‑ور‑ترگّمّ ءي‑نگراتون. اشكو وانّا ءيرگمن غ‑گماس، نغد ءينّا فلّاس ءيس‑يُخشن، هاتي ءيگا ءيخف‑نس د‑واد يوگُرن لوصيّات ن‑ربّي، ءيرار‑تنت زوند ءيغ‑ور‑گينت يات. ءيغ‑تگيت ءيخف‑نّك ف‑يگّي ن‑شّرع ن‑ربّي، ءور‑سول‑تگيت واد سرس ءيسكارن والاينّي واد فلّاس ءيتحكامن.

yaɛqub 5:10

سوانگمات اي‑ايتما غ‑لانبيا لّي‑ساوالنين س‑يسم ن‑سيديتنّغ غايد ءيزرين، اشكو صبرن نتني غ‑كولّو‑تمّاريو‑نسن.

yaɛqub 5:3

هان ءورغ‑نّون ءولا نّوقرت‑نّون تغويت‑تن تانيگت. غمكان ا‑را‑تشّ تانيگت‑ان تيفيّي‑نّون زوند لعافيت، تفك فلّاون توگّا غ‑واسّ لّحساب. اشكو كونّي تسّمونم كيگان ءي‑يخف‑نّون غ‑ووسّان گُّرانين.

2 bṭrus 3:4

ار‑تّينين: «مانزا سيديتون؟ ءيس‑ور‑ينّي را‑د‑ياشك؟ ژرات، منشك اياد س‑زرين ءيمزوورا‑نّغ، والاينّي سول ءيقاما كولّو غمكلّي ءيگا زغ‑يسيزوار، غايكلّي تّياوخلاق دّونيت سول س‑غيلاد.»