yaɛqub 5:3 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ هان ءورغ‑نّون ءولا نّوقرت‑نّون تغويت‑تن تانيگت. غمكان ا‑را‑تشّ تانيگت‑ان تيفيّي‑نّون زوند لعافيت، تفك فلّاون توگّا غ‑واسّ لّحساب. اشكو كونّي تسّمونم كيگان ءي‑يخف‑نّون غ‑ووسّان گُّرانين.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ han urġ‑nnun ula nnuqrt‑nnun tġwit‑tn tanigt. ġmkan a‑ra‑tšš tanigt‑an tifiyi‑nnun zund lɛafit, tfk fllawn tugga ġ‑wass l‑lḥsab. ašku kunni tssmunm kigan i‑ih̬f‑nnun ġ‑uwssan ggʷranin.

yaɛqub 5:3 Iomraidhean Croise

irqqasn 2:17

‹غ‑ووسّان گُّرانين را‑ن‑زّوگزغ رّوح‑ينو ف‑كولّو مدّن. راد‑ساوالن تاروا‑نّون د‑يستيتون س‑يواليون لّي‑راد‑اسن‑اكّاغ. راد‑تيسفيون ءيعيّالن‑نّون ماد‑اسن‑مالاغ. راد‑توارگان ءيفقّيرن‑نّون س‑ماد‑اسن‑سّبايّانغ.

ruma 2:5

ءيمّا كيّي ءيقّور‑وول‑نّك ءور‑تريت ا‑دي‑توورّيت. هاتي ار‑تسّيگاتّ ف‑يخف‑نّك لعقوبيت لّي‑را‑فلّاك‑يضر غ‑واسّ لّي‑غ‑را‑يوت ربّي لحوكم س‑لحقّ ءيمل منشك ا‑باهرا‑يكورها لخُشانت.

2 timutaws 2:17

هان المّود‑نسن ءيگا زوند اطّان لّي‑يشتّان دّات ن‑بنادم. زغ‑گيسن هيمينايوس د‑فيليتوس،

2 bṭrus 3:3

والاينّي تاغاوسا ءيهيّان ا‑ستّ‑يگان، ا‑تيسّانم ءيس‑راد‑د‑اشكين كرا ن‑يطنّاژن غ‑ووسّان‑اد گُّرانين ار‑باهرا‑تطناژن ار‑سكارن ف‑كولّو ما‑تّيرين ءي‑يخف‑نسن

anurẓm 17:16

والاينّي مراو‑واسكاون د‑واغُژن لّي‑تژريت، نتني راد‑كرهون تامگّانت، كّيسن‑اس كولّو ما‑دارس‑يلّان، فلن‑تّ بلا يات. راد‑شّن تيفيّي‑نس جدرن‑تّ كولّو س‑لعافيت.

anurẓm 20:15

وانّا مي ءور‑يتيارا ءيسم‑نس غ‑وارّا ن‑تودرت، ءيتّلوح‑ن غ‑تمدا لّعافيت.

anurẓm 21:8

ءيمّا غويلّي روولنين زغ‑لحقّ وورّين زغ‑وغاراس‑ينو سّركان ءيخفاون‑نسن ار‑نقّان ار‑تفسادن ار‑سكارن سّيحر ار‑تعبادن ءيلاهات ن‑دّونيت، راد‑فتون نتني د‑كولّو ايت‑تكركاس س‑ودغار‑نسن غ‑تمدا لّي‑يجدّرن س‑لعافيت د‑لكبريت. غمكاد ا‑را‑تگ لموت تيس سنات.»