yaɛqub 5:16 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁶ ف‑ماياد ا‑ف‑راد‑اون‑ينيغ، قرّات س‑دّنوب‑نّون ءي‑نگراتون، ار‑تّضالابم ربّي ف‑ينگراتون باش ا‑تجّيم. هاتي تاژالّيت ن‑يان ءيرضان ربّي ار‑دي‑تّاوي كيگان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁶ f‑mayad a‑f‑rad‑awn‑iniġ, qrrat s‑ddnub‑nnun i‑ngratun, ar‑ttḍalabm rbbi f‑ingratun baš a‑tjjim. hati taẓallit n‑yan irḍan rbbi ar‑di‑ttawi kigan.

yaɛqub 5:16 Iomraidhean Croise

matta 21:22

غاكود نّا‑تّژالّام راد‑اون‑ييلي كولّو ما‑تضالبم ءيغ‑نّيت‑تومنم.»

matta 3:6

ار‑تقرّان س‑دّنوب‑نسن، ار‑تن‑يسّدّام غ‑واسيف ن‑وردون.

marqus 1:5

فّوغن‑د س‑دارس مدّن گّوتنين زغ‑تمازيرت ن‑يودايا د‑يمزدغن ن‑تمدينت ن‑وروشاليم، ار‑تقرّان س‑دّنوب‑نسن، دّمن كولّوتن ف‑وفوس‑نس غ‑واسيف ن‑وردون.

luqa 9:6

غاكودان اد‑فتان ءيمحضارن ار‑تكّان ءيدوران ار‑تبرّاحن س‑لخبار ءيفولكين ار‑جّوجّين مدّن غ‑كرايگاتّ ماني.

yuḥanna 9:31

نسّن ءيس‑ور‑را‑يسفليد ربّي ءي‑يان ءيفّوغن اغاراس‑نس، والاينّي يان‑ت‑يتوقّارن ار‑يسكار ما‑ت‑يرضان، نتّان ا‑مي‑يسفليد ربّي.

irqqasn 10:38

تيسّانم ف‑ياسوع گو‑ناصيرا ءيس‑ت‑يعمّر ربّي س‑رّوح لقودوس د‑تحكيمت ءيتجهّدن، ار‑يتكّا كرايگاتّ ماني ار‑يسكار افولكي ار‑يجّوجّي كولّو ويلّي تياوكرّافنين س‑يسكراف ن‑يبليس، اشكو ءيلّا ديدس ربّي.

irqqasn 19:18

ءيمّا غويلّي ءومنّين، ءيگّوت گيسن ما‑د‑يوشكان ار‑تقرّان س‑يسكّيرن أُخشنّين لّي‑ستّين‑كّان ار‑تن‑سكارن.

irqqasn 8:24

ييني‑اسن سيمعون: «ضالبات ربّي ف‑سّيبت‑ينو، ا‑ور‑يّي‑ييلي كرا غ‑غايد فلّا تنّام.»

ruma 3:10

غمكلّي ءيتياران غ‑وارّا ن‑ربّي: «ءور‑يلّي يان ءيفولكين،

ruma 5:19

غاكود لّيغ ءيفّوغ ادام زغ‑واوال ن‑ربّي، ا‑يرور مدّن گّوتنين فّوغن زغ‑واوال‑نس. غاكود لّيغ ءيسكر ياسوع س‑واوال ن‑ربّي، ا‑يرور مدّن گّوتنين ءيرضو فلّاسن ربّي.

kulussi 1:9

ف‑مايان ا‑ف‑ا‑بدّا‑نتژالّا ار‑نتضالاب ربّي ف‑سّيبت‑نّون، زغ‑واسّ لّي‑غ‑فلّاون‑نسفلد سول س‑غاسّاد. ار‑ت‑نتضالاب اد‑اون‑يسّبايّن كولّو ما‑گيگون‑يتّيري س‑تواسّنا ءولا تاحكيمت لّي‑راد‑اون‑يمالا رّوح لقودوس.

1 tasaluniki 5:17

ار‑تّژالّام غ‑كرايگاتّ لوقت،

1 tasaluniki 5:23

ءيمّا غيلاد ضالبغ زغ‑ربّي لّي‑بدّا‑ياكّان سّلامت ا‑كُن‑يسّغوس زغ‑كولّو ما‑گيگون‑يُخشنّ، ءيجّنجم ءول‑نّون ءولا رّوح‑نّون ءولا دّات‑نّون زغ‑كولّو كرا ءيگان لعيب ارد‑د‑ياشك سيديتنّغ ياسوع لماسيح.

1 tasaluniki 5:25

واي‑ايتماتنّغ، ژّالّات تضالبم ربّي ف‑سّيبت‑نّغ ءولا نكُّني.

iɛbrin 11:4

ءولا هابيل، ف‑سّيبت ن‑ما‑يومن اوال ن‑ربّي ا‑ف‑ن‑يسرس غ‑لگدّام ن‑ربّي يات‑توافكا لّي‑يوفن تين گماس قاين. ءيمل‑اس ربّي ءيس‑فلّاس‑يرضا ف‑سّيبت لّيمان‑نس، ءيقبل مايلّي‑اس‑يفكا. ار‑يساوال هابيل سول س‑غيلاد واخّا ءيمّوت، اشكو يومن ربّي.

iɛbrin 11:7

ءولا نوح، ف‑سّيبت ن‑ما‑يومن اوال ن‑ربّي ا‑ف‑تّ‑ييوي باهرا غ‑مايلّي‑اس‑ينّا ربّي ف‑كرا ن‑تغاوسيوين لّي‑ور‑تا‑يژري. ءينكر ءيبنو يان‑واناو، ءينجم گيس نتّا د‑ايت‑تگمّي‑نس. ءيفل دّونيت ا‑تّياوهلاك، ءيمّا نتّا ءيگا‑ت ربّي د‑واد ف‑يرضا ف‑سّيبت ن‑ما‑ت‑يومن.

iɛbrin 12:13

سّنگادّات تيغاراسين ءي‑يضارن‑نّون، ا‑ور‑يضر يان ءيسّبيضيرن والاينّي ا‑يجّي.

iɛbrin 13:18

ژّالّات ار‑تّضالابم ربّي ف‑سّيبت‑نّغ نكُّني. نسّن ءيس‑يغوس‑وول‑نّغ، نيري ا‑نسكار افولكي غ‑كولّو ما‑نتناوال.

1 bṭrus 2:24

نتّان ا‑يوسين دّنوب‑نّغ غ‑دّات‑نس ف‑وگّجدي، باش ا‑نمّت ءي‑دّنوب ندّر ءي‑ما‑يرضان ربّي. س‑تيگّاس‑نس ا‑س‑تجّيم.

1 yuḥanna 3:22

نامژ دارس اينّا زگيس نضالب، اشكو ار‑نسكار س‑ما‑ف‑اغ‑يوصّا ءولا س‑ما‑ت‑يرضان.