yaɛqub 5:11 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹¹ نگا‑تن د‑يمباركين اشكو صبرن سول زگان. تسفلدم كونّي ف‑ايّوب غمكلّي ءيصبر ءيزگا، تيسّانم مامنك ا‑ت‑يبارك سيدي ربّي تيگيرا. اشكو سيديتنّغ ار‑باهرا‑يتحنّا ار‑بدّا‑يسكار افولكي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹¹ nga‑tn d‑imbarkin ašku ṣbrn sul zgan. tsfldm kunni f‑ayyub ġmklli iṣbr izga, tissanm mamnk a‑t‑ibark sidi rbbi tigira. ašku siditnnġ ar‑bahra‑itḥnna ar‑bdda‑iskar afulki.

yaɛqub 5:11 Iomraidhean Croise

matta 10:22

را‑كُن‑تكرهون كولّو مدّن ف‑سّيبت ن‑ما‑تگام وينو، والاينّي وانّا ءيبيدّن ءيزگا ار ءيسيگُّرا را‑ينجم.

luqa 1:50

تيلي رّحمت‑نس ف‑كولّو ويلّي‑ت‑وقّرنين زغ‑كرايگاتّ تاسوت ن‑تاسوتين.

luqa 11:10

اشكو كولّو وانّا‑ت‑يضالبن راد‑اس‑يفك، د‑وانّا دارس ءيسيگّيلن را‑دارس‑ياف، د‑وانّا‑ن‑يسّضوقّورن راد‑اس‑يرژم.

luqa 6:36

تحنّوات غ‑وييّاض غمكلّي ءيتحنّو ربّي باباتون.

ruma 2:4

ءيس‑ا‑تّينيت د‑يخف‑نّك «ربّي ءور‑را‑فلّا‑يحكام اشكو تگّوت دارس لحنانت د‑ومهال د‑صّبر»؟ والاينّي ءيس‑ور‑تسّينت ربّي ار‑سول‑گيك‑يتحنّو اشكو ءيرا گيك ا‑تفلت كولّو ما‑يُخشنّ توورّيت س‑وغاراس‑نس؟

afsus 1:6

ار‑ت‑باهرا‑نتالغ ف‑لحنانت‑اد ءيگّوتن لّي‑س‑اغ‑يبارك ف‑وودم ن‑يوس ءيعزّان

afsus 2:4

ءيمّا ربّي، تگّوت دارس رّحمت، ءيحنّو گينّغ س‑لحنانت‑نس ءيگّوتن،

iɛbrin 10:39

ءيمّا نكُّني ءور‑نگي زغ‑ويلّي وورّينين تيغوردين تياوهلاكن، هاتي نگا زغ‑ويلّي ءومنّين نجمن.

iɛbrin 3:14

اشكو راد‑بدّا‑نقاما غ‑تامونت لّماسيح ءيغ‑نزگا غمكلّي نومن زغ‑يسيزوار ار ءيسيگُّرا.

iɛbrin 3:6

ءولا لماسيح ءيسّووفا كولّو ما‑گيس‑يرا ربّي، ءيمّا نتّا ءيگا يوس ن‑تگمّي، تيلي‑تگمّي كولّوتّ غ‑دّو‑وفوس‑نس. ءيمّا ايت‑تگمّي‑نس، نكُّني ا‑تن‑يگان ءيغ‑نزگا نزعم، نامژ‑بدّا غ‑رّجا‑ياد دارنّغ ءيلّان.

yaɛqub 1:12

امباركي ا‑يگا وانّا ءيصبرن ءيزگان غ‑تاساعت ن‑تنوكموت. اشكو لّيغ ءيتيارام سول‑يزگا، راد‑اس‑ييلي تّاج ن‑تودرت ءيدومن لّي‑ف‑ينّا ربّي را‑ت‑يفك ءي‑ويلّي رانين ربّي.

yaɛqub 1:2

فرحات باهرا اي‑ايتما غاكود نّا‑تّيارامّ س‑تنوكموت نّا‑يلّان،

1 bṭrus 1:13

ف‑مايان ا‑ف‑راد‑اون‑ينيغ، بكيسات ءيخف‑نّون ترارم لعاقل، تزگام باهرا غ‑رّجا لّي‑س‑ا‑تّرجوم ف‑لباراكا لّي‑راد‑اون‑ييلي غاكود لّيغ را‑د‑ياشك ياسوع لماسيح ءيبايّن.

1 bṭrus 3:14

والاينّي ءيغ‑يدّا ارد ترفوفنم ف‑سّيبت لّحقّ، هاتي ءيمباركين ا‑تگام. ا‑ور‑تّيكساضم يان ءولا‑دا‑تّاسيم تاغوفت،

2 bṭrus 2:9

كولّو مايان ءيملا‑ياغ ءيس‑يسّن سيديتنّغ مامنك ا‑يجّنجام غويلّي توقّارنين ربّي زغ‑تنوكموت نّا‑تن‑يتارمن، ييسّان مامنك ا‑يتحضو غويلّي أُخشنّين ار اسّ لّحساب لّي‑غ‑را‑فلّاسن‑يوت لعقوبيت لّي‑اسن‑يگان.