yaɛqub 4:11 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹¹ واي‑ايتما، ا‑ور‑ترگّمّ ءي‑نگراتون. اشكو وانّا ءيرگمن غ‑گماس، نغد ءينّا فلّاس ءيس‑يُخشن، هاتي ءيگا ءيخف‑نس د‑واد يوگُرن لوصيّات ن‑ربّي، ءيرار‑تنت زوند ءيغ‑ور‑گينت يات. ءيغ‑تگيت ءيخف‑نّك ف‑يگّي ن‑شّرع ن‑ربّي، ءور‑سول‑تگيت واد سرس ءيسكارن والاينّي واد فلّاس ءيتحكامن.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹¹ way‑aytma, a‑ur‑trggmm i‑ngratun. ašku wanna irgmn ġ‑gʷmas, nġd inna fllas is‑yʷh̬šn, hati iga ih̬f‑ns d‑wad yugʷrn luṣiyat n‑rbbi, irar‑tnt zund iġ‑ur‑gint yat. iġ‑tgit ih̬f‑nnk f‑iggi n‑ššrɛ n‑rbbi, ur‑sul‑tgit wad srs iskarn walaynni wad fllas itḥkamn.

yaɛqub 4:11 Iomraidhean Croise

luqa 6:37

ا‑ور‑تينيم ف‑يان ءيس‑يُخشن، ا‑ور‑فلّاون‑ييني ربّي ءيس‑تُخشنم. ا‑ور‑تحكامّ ف‑يان، ا‑ور‑فلّاون‑يحكام ربّي. صامحات ءي‑وييّاض ف‑اد‑اون‑يصامح ربّي.

ruma 2:1

ءيمّا كيّي ا‑بنادم، ءور‑دارك ما‑تّينيت. اشكو ءيغ‑ا‑تحكامت ف‑مدّن ياضني، هاتين تحكامت ءولا ف‑يخف‑نّك، اشكو كيّي لّي‑يتحكامن، ار‑تسكارت زوند نتني.

ruma 2:13

اشكو ربّي ءور‑ا‑يترضو ف‑ويلّي غير سفليدنين ءي‑شّرع، والاينّي ف‑ويلّي سكارنين س‑شّرع.

ruma 7:7

ءيمّا شّرع، ما‑را‑فلّاس‑نيني؟ ءيس‑يُخشن؟ ءوهو، ءورد غمكان ا‑را‑نيني، اشكو شّرع ا‑يّي‑يملان دّنوب. مراد ءيس‑ورد شّرع ا‑ينّان «ا‑ور‑تّيريت ما‑يگان وين وييّاض» ءيكون ءور‑راد‑يسّانغ ءيس‑باهرا‑يُخشن اد‑يريغ ما‑يگان وين وييّاض.

1 kurintus 4:5

ماياد ا‑ف‑كُن‑يخصّا ا‑ور‑تّينيم ف‑يان ءيس‑يُخشن، اشكو ءور‑تا‑د‑يلكيم‑وزمز لّحوكم. والاينّي غاكود نّا‑د‑يوشكا سيديتنّغ را‑يفاو كولّو ما‑يرگسن غ‑تيلّاس، ءيسّبايّن‑د ءولا ءيسوينگيمن لّي‑نتلنين غ‑وولاون ن‑مدّن. غاكودان ا‑را‑يفك ربّي رّضا‑نس ءي‑كود يان د‑ما‑ت‑يد‑يوشكان.

2 kurintus 12:20

والاينّي كسوضغ ا‑كُن‑ين‑افغ ءور‑تگيم غمكلّي ريغ غاكود نّا‑ن‑دارون‑وشكيغ، تافم‑يّي‑ن ءولا نكّي ءور‑گيغ غمكلّي ترام. ءور‑ريغ ا‑كُن‑ين‑افغ ار‑تژيم ءي‑نگراتون ءولا‑دا‑تّيريم ما‑يگان وين وييّاض ءولا‑دا‑تّقلاقالم ءولا‑دا‑يكّات كود يان غير ف‑يخف‑نس ءولا‑دا‑ترگّمّ ءولا‑دا‑تساوالم غ‑وييّاض ءولا‑دا‑تسّيمغورم ءيخفاون‑نّون ءولا‑دا‑تسّروايم ماد‑دارون‑يلّان.

afsus 4:31

ا‑ور‑تّژيم ءولا‑دا‑تّمّاغم ءولا‑دا‑تّكرهوم يان. ا‑ور‑ترگّمّ ءولا‑دا‑تّغوّاتم ءولا‑دا‑تّنوّاشم غ‑يان.

1 timutaws 3:11

ءولا تيمغارين، ءيقّان‑تند‑د اد‑گنت تيد زگانين غ‑وفولكي، ار‑تنباضنت غ‑يخف‑نسنت، ار‑سكارنت س‑لحقّ. ا‑ور‑گنت تيد ساوالنين غ‑مدّن.

2 timutaws 3:3

ءور‑راد‑تحوبّون ءولا‑دا‑تصاماحن ءي‑يان، والاينّي راد‑باهرا‑رگّمن غ‑وييّاض ار‑تژين ار‑تمّاغن ار‑تكرهون كولّو ما‑يفولكين.

tiṭus 2:3

ءيني ءولا ءي‑تمغارين مقّورنين اد‑سكارنت غمكلّي‑د‑يقّانّ ختيلّي توقّارنين ربّي. تينيت‑اسنت ا‑ور‑ساوالنت غ‑مدّن ءولا‑دا‑تّبلونت س‑تيسّي ءيكتين. ءيلّا فلّاسنت اد‑سّلمادنت تيمغارين مژّينين ف‑ما‑يفولكين

yaɛqub 1:16

واي‑ايتما عزّانين، ا‑ور‑تجلوم ءيخف‑نّون.

yaɛqub 1:19

واي‑ايتما عزّانين، سوانگمات غ‑ماياد: ءيلّا ف‑كود يان ا‑ييفسوس ا‑يسفلد، ييژّاي ا‑يساول، ييژّاي ا‑ور‑يقلاقل.

yaɛqub 1:25

ءيمّا وانّا ءيتمنادن غ‑ولمّود ءيفولكين لّي‑يرژمن ءي‑مدّن زغ‑يسكراف، ار‑تّ‑گيس‑يتاوي ار‑سرس‑يسكار بلا‑دا‑يتتّو مايلّي مي ءيسفلد، نتّان ا‑را‑يبارك ربّي غ‑كولّو ما‑يسكار.

yaɛqub 2:8

هاتي افولكي ايد تسكارم ءيغ‑ا‑تسكارم س‑لوصيت ءيهيّان ن‑تگلديت ن‑ربّي غمكلّي ءيتياران «ا-تّيريت ادجار‑نّك زوند ءيخف‑نّك.»

yaɛqub 5:10

سوانگمات اي‑ايتما غ‑لانبيا لّي‑ساوالنين س‑يسم ن‑سيديتنّغ غايد ءيزرين، اشكو صبرن نتني غ‑كولّو‑تمّاريو‑نسن.

yaɛqub 5:7

ءيمّا كونّي اي‑ايتما، صبرات ارد‑د‑ياشك سيديتنّغ، زوند افلّاح لّي‑يتقلن ارد‑اس‑دي‑تغلي صّابت ءيعزّان غ‑يگر‑نس، ار‑يتصبار ارد ءيضر‑ونژار امنزو ءولا اماژّوژ.

yaɛqub 5:9

واي‑ايتما، ا‑ور‑تّنگموگم ءي‑نگراتون ا‑ور‑فلّاون‑يتّوت لحوكم. ها‑لقاضي ءيمقّورن ءيبيدّ‑د غ‑يمي.

1 bṭrus 2:1

ف‑ماياد ا‑ف‑راد‑اون‑ينيغ، لوحات‑ن س‑كولّو ما‑يگان تانوّاشت ءولا تيكركاس. ا‑ور‑تسكارم غ‑لگدّام ن‑مدّن ما‑ور‑تگيم. اد‑اون‑ور‑طيّر ف‑وييّاض طّافنين كرا ترام ءي‑يخف‑نّون، ءولا‑دا‑ترگّمّ غ‑يان.