yaɛqub 4:1 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ ماخ ايلّيغ ا‑تّمّاغم ار‑تّژيم ءي‑نگراتون؟ ءيس‑ورد ف‑سّيبت ن‑ما‑گيگون‑تمّاغن ءيسوينگيمن ن‑ما‑يتّيري ءيخف‑نّون؟

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ mah̬ aylliġ a‑ttmmaġm ar‑ttẓim i‑ngratun? is‑urd f‑ssibt n‑ma‑gigun‑tmmaġn iswingimn n‑ma‑ittiri ih̬f‑nnun?

yaɛqub 4:1 Iomraidhean Croise

matta 15:19

اشكو زغ‑وول‑نس ا‑زغ‑ا‑دي‑تفّوغن ءيسوينگيمن أُخشنّين ءولا تاناغا د‑زّنا د‑لفساد د‑تمخّارت د‑توگّا ن‑تكركاس د‑ترگّام.

yuḥanna 8:44

وين باباتون ءيبليس ا‑تگام، ار‑تّيريم ا‑تسكارم ما‑يرضان باباتون. ءيگا واد ءينقّان زغ‑يسيزوار، ءور‑جّو‑يسكير س‑لحقّ اشكو لحقّ ءور‑دارس‑يلّي. غاكود نّا‑يسّكاركس ار‑يسكار س‑ما‑گيس‑يلّان، اشكو بو‑تكركاس ا‑يگا، ءيگ باباس ن‑كولّو ما‑يسّكيركيسن.

ruma 7:23

والاينّي غ‑وگُنس‑ينو ار‑ن‑تافاغ كرا ن‑تنباضين ياضني ار‑تمّاغنت د‑تنباضين لّعاقل‑ينو. ار‑يّي‑كّرفنت‑تنباضين ن‑دّنوب لّي‑لّانين غ‑وگُنس‑ينو.

ruma 7:5

غايد ءيزرين نكّا‑تّين ار‑نتلهو س‑ما‑يتّيري بنادم ءي‑يخف‑نس، ار‑اغ‑يترارا شّرع ا‑نسوينگيم س‑وگُّار غ‑لخُشانت لّي‑يتّيري‑وول‑نّغ، ايلّيغ ا‑نسكار لغلّت يُخشنّ لّي‑د‑يتاوين لموت.

ruma 8:7

يان ءيتلهون س‑دّات، هاتي ار‑يتمّاغ د‑ربّي، اشكو ءور‑ا‑يسكار س‑تنباضين ن‑ربّي، ءور‑اكُّ‑يژضار ا‑سرسنت‑يسكار.

گالاطيّا 5:17

اشكو ءول ن‑بنادم ار‑يتّيري ما‑ور‑يتّيري رّوح لقودوس، ءولا رّوح لقودوس ار‑يتّيري ما‑ور‑يتّيري‑وول ن‑بنادم. هاتني ار‑گيگون‑تمّاغن ايلّيغ ءور‑ا‑تسكارم ما‑تّيريم.

kulussi 3:5

ف‑مايان ا‑ف‑راد‑اون‑ينيغ، سكارات باش ا‑گيگون‑يمّت اينّا ءيگان وين دّونيت‑اد: لفساد ءولا شّهاوا ءولا اسماقّل س‑تيط يُخشنّ. ا‑ور‑سول‑تسوينگيمّ غ‑ما‑يعيبن ءولا‑دا‑تّيريم ما‑ور‑يگين وينّون، اشكو يان ءيتّيرين وين وييّاض ءيگا زوند يان ءيتعبادن ءيلاهات ن‑دّونيت‑اد.

2 timutaws 2:23

ا‑ور‑تكشمت غ‑يمجاحادن خوانين ن‑ويلّي ءور‑فهيمنين ما‑ف‑ا‑ساوالن، اشكو تسّنت ءيس‑ور‑ا‑دي‑تاوين غير تاژيت.

tiṭus 3:3

ءولا نكُّني نكّا‑تّين نگا ءينافالن ءيمعصان ءيمجلان، نتياوكرّاف غ‑شّهوات ءولا كولّو ما‑س‑ا‑تّبلون مدّن. نكّا‑تّين ار‑نزّراي ءوسّان‑نّغ س‑تنوّاشت د‑يسكّيرن أُخشنّين، ار‑اغ‑تكرهون مدّن ار‑تن‑نتكرهو ءولا نكُّني.

tiṭus 3:9

والاينّي انف ءي‑تجمّاعت ءيخوان ن‑ويلّي تمجاحادنين ف‑يسماون ن‑تاسوتين لّي‑زرينين، ار‑تژين ار‑تمّاغن ف‑شّرع ن‑موسا. غايان ءور‑اكُّ‑ا‑يتنفاع س‑يات.

yaɛqub 1:14

والاينّي ءيغ‑يتيارام كرا ن‑يان، هان شّهوات‑نس ا‑ت‑ين‑يلدين ارد‑تي‑تغوي‑تژقّورت.

yaɛqub 4:3

والاينّي ءيغ‑ا‑تّضالابم كرا زغ‑ربّي ءور‑ا‑ياون‑ت‑ياكّا، اشكو ءورد ف‑وفولكي ا‑ف‑ا‑تي‑تّضالابم والاينّي غير ما‑س‑ا‑تسّفراحم ءيخف‑نّون.

1 bṭrus 1:14

سكارات س‑واوال ن‑ربّي، غمكلّي سكارن تاروا س‑واوال ن‑ايت‑دارسن. ا‑ور‑سول‑تّلهوم س‑غايلّي ستّين تكّام ار‑تّيريم ءي‑يخف‑نّون لّيغ ءور‑تا‑تسّينم لحقّ.

1 bṭrus 2:11

واي‑ايتما عزّانين، ضالبغ‑كُن غيلاد ا‑تگم ءيخف‑نّون د‑يغريبن د‑يبرّانيين غ‑دّونيت‑اد، تلوحم س‑ما‑تّيري دّات ن‑بنادم، اشكو تيغاوسيوين ن‑دّات ار‑تمّاغنت د‑وول ءيصفان.

2 bṭrus 2:18

اشكو ار‑سّفورّوگن س‑يواليون خوانين. س‑شّهوات أُخشنّين ا‑س‑ا‑ن‑لدّين مدّن لّي‑بحرا‑د‑وورّينين زغ‑گر ويلّي جلانين.

2 bṭrus 3:3

والاينّي تاغاوسا ءيهيّان ا‑ستّ‑يگان، ا‑تيسّانم ءيس‑راد‑د‑اشكين كرا ن‑يطنّاژن غ‑ووسّان‑اد گُّرانين ار‑باهرا‑تطناژن ار‑سكارن ف‑كولّو ما‑تّيرين ءي‑يخف‑نسن