yaɛqub 3:13 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹³ مانوا گيگون اد‑دار تاحكيمت ييسّان ما‑يلّان؟ ءيلّا فلّاس ا‑يمل تاحكيمت‑نس س‑ما‑يسكار، ار‑يتفولكي د‑مدّن ار‑يژّيمژاي ءيخف‑نس س‑تحكيمت لّي‑يصحان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹³ manwa gigun ad‑dar taḥkimt yissan ma‑illan? illa fllas a‑iml taḥkimt‑ns s‑ma‑iskar, ar‑itfulki d‑mddn ar‑iẓẓimẓay ih̬f‑ns s‑tḥkimt lli‑iṣḥan.

yaɛqub 3:13 Iomraidhean Croise

matta 11:29

گات‑ن فلّاون ءيحلاسن‑ينو ار‑زگيگي‑تّلمادم، اشكو ءيهنّا‑وول‑ينو ءيعمّر س‑صّبر، تافم گيگي اسونفو ءي‑يخف‑نّون.

matta 21:5

«ءينيات ءي‑تمدينت ن‑ايت‑ربّي، هاي‑اگلّيد‑نّم يوشكا‑د سرم. يودر ءي‑يخف‑نس، ءيني ف‑وغيّول ءولا ف‑وسنوس ن‑تغيّولت.»

matta 5:5

ءيمباركين اد‑گان غويلّي تصبارنين، اشكو نتني ا‑را‑يشّكشم ربّي س‑كولّو تيميخار‑نس.

matta 7:24

«كولّو وانّا ءيسفلدن ءي‑يواليون‑اد‑ينو ار‑سرسن‑يسكار، ءيرواس ارگاز ءيطّافن لعاقل، ءيبنا تيگمّي‑نس ف‑يسلي.

1 kurintus 6:5

ءيس‑كُن‑ور‑يشّحشّيم غايد تسكارم؟ ءيس‑ور‑گيگون‑يلّي يان ءيطّافن لعاقل ييژضار ا‑يسّنفاصال ايتماتن ن‑ومناگّار؟

2 kurintus 10:1

ءيمّا غيلاد را‑كُن‑ضالبغ نكّي بولُس س‑يسم لّماسيح لّي‑بدّا‑يحنّان ءيصبر د‑كود يان، اشكو ار‑فلّا‑تّينين كرا ن‑مدّن ءيس‑ضعفغ غاكود نّا‑دارون‑لّيغ، شقوغ ديدون غاكود نّا‑فلّاون‑اگّوگغ.

2 kurintus 8:24

ملات‑اسن منشك ا‑تن‑تّيريم، باش اد‑يسّانّ كولّو ءيمناگّارن ن‑ايتماتن ءيس‑تستهلّام غمكلّي‑كُن‑نتالغ غ‑دارسن.

گالاطيّا 5:23

ار‑ديدسن‑نترخو ار‑بدّا‑نقُّاي غ‑يخف‑نّغ. هاتي وان تيغاوسيوين‑اد، ءور‑يلّي كرا ن‑شّرع تنت‑ياگُين.

گالاطيّا 6:1

واي‑ايتما، ءيغ‑ن‑توفام كرا ن‑يان ءيضر غ‑ما‑يُخشنّ، ءيلّا فلّاون كونّي لّي‑غ‑تلّا لغلّت ن‑رّوح لقودوس ا‑ديدس‑تساولم س‑لحنانت ترارم‑ت س‑وغاراس. والاينّي اويات‑ستّ غ‑يخف‑نّون، ا‑ور‑تضرم ءولا كونّي.

گالاطيّا 6:4

ءيلّا ف‑كود يان ا‑يسوينگيم غ‑ما‑يسكار باش ا‑يژر ءيس‑يفولكي نغد ءوهو. ءيغ‑يفولكي راد‑اس‑ييلي ما‑س‑ا‑يتفراح د‑يخف‑نس بلا‑دا‑يتمناد غ‑ماد‑سكارن وييّاض.

afsus 4:2

ژّيمژايات ءيخف‑نّون ار‑تّرخوم ار‑تّصبارم ار‑تّحنّوم ءي‑نگراتون.

filibbi 1:27

والاينّي ءيلّا فلّاون ا‑تسكارم س‑ما‑د‑يمشاشكان د‑لخبار ءيفولكين لّماسيح. اشكو ريغ ا‑بدّا‑فلّاون‑سفليدغ ءيس‑كولّو‑تزگام غ‑يان‑وغاراس، ءيغ‑د‑فلّاون‑اگّوگغ نغد ءيغ‑ن‑دارون‑وشكيغ، ار‑كولّو‑تّخدامّ س‑يات‑تنباطّ باش ا‑تسّلمادم لحقّ لّخبار ءيفولكين غمكلّي ءيگا

kulussi 3:12

كونّي، ءيمژلاين ن‑ربّي ا‑تگام. ءيرا‑كُن ءيژلي‑كُن ا‑تگم وينس. ف‑مايان ا‑ف‑كُن‑د‑يقّان ا‑تعمّرم س‑لحنانت، ار‑تّمعاوانم ار‑تژّيمژايم ءيخف‑نّون، ار‑تّرخوم ار‑تّصبارم ءي‑نگراتون

1 timutaws 4:12

اد‑ور‑تادجت يان ا‑ك‑يحگر ف‑سّيبت ن‑ما‑سول‑تمژّيت، والاينّي سكار‑بدّا ف‑وفولكي س‑يواليون‑نّك د‑يسكّيرن‑نّك، ار‑تّحنّوت غ‑وييّاض ار‑تّامنت اوال ن‑ربّي س‑وول ءيغوسن، باش اد‑ژرن ءيمومنّ مامنك ا‑تسكارت ءيرين اد‑سكارن ءولا نتني غمكان.

1 timutaws 6:11

ءيمّا كيّي اي‑اخدّام ن‑ربّي، اگّوگ زغ‑كولّو غايان. تگت‑ن تيقّي‑نّك ا‑بدّا‑تسكارت افولكي ءولا كولّو ما‑يرضان ربّي. امن اوال‑نس ار‑تّحنّوت غ‑وييّاض ار‑تّصبارت ار‑تّرخوت د‑كولّو مدّن.

2 timutaws 2:25

س‑لحنانت ا‑س‑را‑يمالا لحقّ ءي‑وينّا‑ت‑ضاضّنين، ءيرجو‑ن غ‑ربّي اد‑اسن‑يرار اد‑فلن كولّو ما‑يُخشنّ وورّين ءيسّانّ لحقّ،

tiṭus 3:2

تينيت‑اسن ا‑ور‑رگمن غ‑يان ءولا ژين د‑يان. ءيلّا فلّاسن اد‑تصبارن ار‑ترخون د‑كولّو مدّن.

iɛbrin 13:5

زريات تودرت‑نّون بلا‑دا‑تّحوبّوم ءيقاريدن، تقنعوم س‑ونشك نّا‑دارون‑يلّان. اشكو ءينّا ربّي: «ءور‑سار‑ك‑ين‑فلغ ءولا وورّيغ‑د فلّاك.»

yaɛqub 1:21

كّيسات زغ‑گيگون ءيسكّيرن ركانين ءولا لخُشانت لّي‑يگّوتن غ‑مدّن. تادرات ءي‑يخف‑نّون ار‑تّقبالم اوال لّي‑گيگون‑يتژّو ربّي، اشكو ءيژضار‑واوال‑ان ا‑كُن‑يجّنجم.

yaɛqub 2:18

والاينّي ما‑راد‑ينيغ ءيغ‑يلّا كرا ن‑يان ءينّا‑يّي «ليمان ا‑دارك‑يلّان، ءيمّا نكّي لّان داري ءيفولكيتن»؟ راد‑اس‑رارغ «مل‑يّي ليمان‑نّك بلا ءيفولكيتن، ملغ‑اك ليمان‑ينو س‑يفولكيتن لّي‑سكارغ.

yaɛqub 3:1

واي‑ايتما، ا‑ور‑تيريم ا‑كولّو‑تگم ءيمسلمدن، اشكو تسّنمم نكُّني‑اد ءيسّلمادن، ءيتابعا‑ياغ لحساب ءوگُّار ن‑وييّاض.

yaɛqub 3:17

والاينّي يان دار تاحكيمت لّي‑د‑يكّان ءيگنّا، غمكاد ا‑را‑يگ. امزوارو ءيغوس‑وول‑نس، ييري سّلامت، ار‑يترخو د‑مدّن، ار‑سرسن‑يسفليد، ار‑گيسن‑يتحنّو، ار‑د‑يتاوي صّابت ن‑وفولكي. ءور‑ا‑يسكار س‑وودماون ءولا‑دا‑يسكار زوند ءيغ‑يگا كرا ءور‑يگي.

1 bṭrus 1:15

والاينّي سكارات كولّو س‑وول ءيغوسن، غمكلّي ءيغوس ربّي لّي‑اون‑د‑يغران.

1 bṭrus 2:12

سكارات افولكي غ‑گر‑ويلّي ءور‑سّينّين ربّي. واخّا ءيغ‑ا‑گيگون‑رگّمن راد‑ژرن ءيس‑يفولكي كولّو ما‑تسكارم، ءينين ءيلمّا ءيزد ربّي اد‑دار لحقّ غ‑واسّ لّي‑غ‑را‑د‑ياشك ا‑يوت لحوكم.

1 bṭrus 2:9

ءيمّا كونّي، تگام مدّن تياوژلاينين، تگم ايت‑تگلديت ن‑ربّي، ار‑ن‑تسراسم غ‑لگدّام‑نس تيوافكيو لّي‑س‑ا‑يترضو. تگم ايت‑ربّي، ءيژلي‑كُن ا‑تگم وينس، باش ا‑تّاويم لخبار ءي‑مدّن ف‑كولّو ما‑يسكر غوالّي‑اون‑د‑يغران زغ‑تيلّاس س‑تيفاوت لّمجد‑نس.

1 bṭrus 3:4

والاينّي ءيخصّا ا‑يگ‑وفولكي‑نّونت افولكي ءينتلن ن‑وول ءيهنّان ءيعمّرن س‑لحنانت. ءور‑سار‑يضر‑وفولكي‑اد، ءيعزّو باهرا دار ربّي.