yaɛqub 2:5 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ سفلدات اي‑ايتما عزّانين. ءيس‑ور‑تسّينم ماياد؟ ربّي ءيستي غويلّي دار ما‑يدروسن غ‑دّونيت اد‑دارسن‑ييگات ليمان، كشمن س‑لوورت ن‑تگلديت لّي‑ف‑ينّا را‑ت‑يفك ءي‑ويلّي رانين ربّي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ sfldat ay‑aytma ɛzzanin. is‑ur‑tssinm mayad? rbbi isti ġwilli dar ma‑idrusn ġ‑ddunit ad‑darsn‑yigat liman, kšmn s‑lwrt n‑tgldit lli‑f‑inna ra‑t‑ifk i‑willi ranin rbbi.

yaɛqub 2:5 Iomraidhean Croise

matta 11:5

ها‑يبوكاضن ار‑تّيسفيون، ءيكوشامن ار‑فتّون، ءينجدامن ار‑تغوسن، ءيضرضار ار‑سفليدن، غويلّي مّوتنين ار‑د‑نكّرن ءولا ءيمژلاض ار‑تن‑يلكّم لخبار ءيفولكين.

matta 25:34

ساولغ ءيلمّا، نكّي لّي‑يگان اگلّيد، س‑ويلّي لّانين ف‑وفاسي ءينيغ‑اسن ‹اشكاد‑د ا‑يمباركين ن‑بابا ربّي، كشمات س‑تگلديت لّي‑اون‑يجّوجاد زغ‑يسيزوار ن‑دّونيت.

matta 5:3

«ءيمباركين اد‑گان غويلّي سّحسّانين ءيس‑ور‑گين يات، اشكو نتني ا‑مي‑تلّا‑تگلديت ن‑يگنّا.

marqus 7:14

ءيغر‑داغ ياسوع ءي‑مدّن س‑دارس ييني‑اسن: «سفلدات‑يّي كولّوكن ا‑تيسّانم.

luqa 12:21

ءيزايد ياسوع ييني‑اسن: «غمكان ا‑يگا كولّو وانّا ءيسّمونون ءي‑يخف‑نس بلا‑ياس‑يلّا يات غ‑دار ربّي.»

luqa 12:32

«ا‑ور‑تيكساطّ ا‑تاوروت ءيمژّين. ءيفرح ربّي باباتون اد‑اون‑يفك تاگلديت‑نس.

luqa 16:22

ءيمّت‑يلمّا‑ومژلوض‑لّي، اسين‑ت لمالايكا س‑تاما ن‑يبراهيم. ءيمّت بو‑وايدا ءيتياومضال،

luqa 16:25

ءيرار‑اس ءيبراهيم: ‹كتي‑د ا‑يوي ءيس‑تومژت تيميخار‑نّك غ‑دّونيت، يامژ ليعازر تارفوفنت. ءيمّا غيلاد ءيفرح ليعازر غيد، ترفوفنت كيّي.

luqa 22:29

غمكلّي‑يّي‑يفكا بابا ربّي تاگلديت، راد‑اون‑فكغ ءولا كونّي

luqa 6:20

ءيسّماقّل ياسوع غ‑يمحضارن‑نس ييني‑اسن: «ءيمباركين ا‑تگام ا‑ويلّي حتاجّانين، اشكو كونّي ا‑مي‑تلّا‑تگلديت ن‑ربّي.

yuḥanna 7:48

ءيس‑يلّا زغ‑يمغارن نغد ءيفاريسين ما‑سرس‑يومنّ؟

irqqasn 7:2

ءيساول ستيفانوس ييني‑اسن كولّوتن: «واي‑ايتما د‑يد‑خالي، سفلدات‑يّي. ءيبان‑د ربّي لّمجد ءي‑باباتنّغ ءيبراهيم غ‑تمازيرت ن‑ماسوبوطاميا، ءور‑تا‑يدّي ا‑يزدغ غ‑تمدينت ن‑حاران.

ruma 8:17

لّيغ نگا تاروا‑نس، نيسّان ءيس‑را‑نطّاف لوورت لّي‑را‑ييلي ءي‑مدّن ن‑ربّي، را‑نكشم غ‑لوورت لّماسيح. ءيغ‑ديدس‑نمون غ‑ورفوفن، را‑ديدس‑نيلي غ‑لمجد.

1 kurintus 2:9

والاينّي ءيتيارا: «ءور‑جّو‑يژري يان ءولا ءيسفلد يان ءولا ءيسوانگم لعاقل ن‑بنادم ف‑ما‑يجّوجاد ربّي ءي‑ويلّي‑تي‑تّيرينين.»

2 kurintus 4:15

كولّو مايد ءيجرّون غيلاد، ار‑يجرّو ف‑سّيبت‑نّون باش ا‑تزايد لباراكا ن‑ربّي ار‑تّروح كيگان د‑مدّن، ءيگاتن باهرا غويلّي‑تي‑تشكارنين ءيبايّن لمجد ن‑ربّي س‑وگُّار.

2 kurintus 6:10

واخّا دا‑گينّغ‑يتقاما لحال، ار‑بدّا‑نتفراح. واخّا نگا ءيمژلاض، ءيگّوت ما‑زگينّغ‑يتامژن لخير. واخّا ءور‑دارنّغ يات، نطّاف كرايگاتّ كرا.

2 kurintus 8:9

تسّنم لحنانت ن‑سيديتنّغ ياسوع لماسيح. واخّا ءيطّاف ما‑يگّوتن، يوورّي بلا يات ف‑سّيبت‑نّون. ءيفل كولّو ما‑دارس‑يلّان، باش ا‑توورّيم تطّافم ما‑يگّوتن.

afsus 1:18

ار‑تي‑تضالابغ ا‑يرژم الّن لّعاقل‑نّون، باش ا‑تيسّانم ما‑يگا رّجا‑ياد ءيصحان لّي‑مي‑كُن‑يژلي، ءولا لباراكات گّوتنين لّي‑را‑يفك ءي‑يمژلاين‑نس،

afsus 3:8

واخّا مژّيغ باهرا غ‑گر كولّو ءيمژلاين ن‑ربّي، ءيفكا‑يّي لباراكا‑ياد اد‑تبرّاحغ ءي‑ايت‑تميزار ن‑دّونيت ف‑تميخار لّماسيح لّي‑وگُرنين كولّو ءيسوينگيمن ن‑بنادم.

1 tasaluniki 2:12

ار‑كُن‑نتنصاح نيني‑اون ا‑تسكارم غمكلّي‑د‑يقّانّ غويلّي گانين وين ربّي لّي‑اون‑د‑يغران ا‑تكشمّ س‑تگلديت‑نس ءولا لمجد‑نس.

2 tasaluniki 1:5

مايد‑اون‑يجرّون ار‑يمالا ءيس‑ا‑يتحكام ربّي س‑لحقّ، اشكو ءيگا‑كُن د‑ويد ستهلّانين اد‑كشمن س‑تگلديت‑نس لّي‑ف‑ا‑تّرفوفونم.

1 timutaws 6:18

ءيني‑اسن اد‑سكارن افولكي، ءيگاتن دارسن ءيسكّيرن شوانين، ار‑تعاوانّ ار‑اكّان ءي‑وييّاض.

2 timutaws 4:18

را‑يّي‑يجّنجم سيديتنّغ زغ‑كولّو ما‑يُخشنّ، ءيسّروح‑يّي‑ن غ‑لامان س‑تگلديت‑نس ن‑يگنّا. نتّان ا‑باهرا‑نتالغ غيلاد ءولا كولّو مايد‑د‑يفتان. امين.

2 timutaws 4:8

راد‑يّي‑ييلي تّاج غيلاد ن‑يان ءيرضان ربّي. ءيحضا‑يّي‑ت سيديتنّغ لّي‑بدّا‑يحكامن س‑لحقّ، باش اد‑يّي‑ت‑يفك غ‑واسّ لّي‑غ‑را‑د‑ياشك. ءورد غير نكّي ا‑مي‑را‑ييلي، والاينّي را‑ت‑يفك ءي‑كولّو ويلّي‑ن‑گيس‑رجانين ار‑سرس‑تقلن.

iɛbrin 11:26

ءيحاسب نتّا تادالّيت لّي‑غ‑يلّا ف‑سّيبت لّماسيح ءيس‑تعزّا ءوگُّار ن‑تميخار ن‑ميصر، اشكو ار‑ن‑يترجو غ‑لباراكا لّي‑را‑ييلي تيگيرا.

yaɛqub 1:12

امباركي ا‑يگا وانّا ءيصبرن ءيزگان غ‑تاساعت ن‑تنوكموت. اشكو لّيغ ءيتيارام سول‑يزگا، راد‑اس‑ييلي تّاج ن‑تودرت ءيدومن لّي‑ف‑ينّا ربّي را‑ت‑يفك ءي‑ويلّي رانين ربّي.

yaɛqub 1:16

واي‑ايتما عزّانين، ا‑ور‑تجلوم ءيخف‑نّون.

yaɛqub 1:19

واي‑ايتما عزّانين، سوانگمات غ‑ماياد: ءيلّا ف‑كود يان ا‑ييفسوس ا‑يسفلد، ييژّاي ا‑يساول، ييژّاي ا‑ور‑يقلاقل.

yaɛqub 1:9

واي‑ايتما، وانّا گيگون دار ءيدروس لخير، ءيلّا فلّاس ا‑يفرح ءيغ‑ت‑يولّ ربّي.

1 bṭrus 1:4

ءيفك‑اغ يا‑لّوورت لّي‑ور‑را‑يفنو ءولا را‑يخسر ءولا را‑يمدو، ءيحضا‑ياون‑ت غ‑يگنّا.

2 bṭrus 1:11

هاتي را‑تكشمّ س‑لفرح ءيگّوتن س‑تگلديت ءيدومن ن‑ونجّام سيديتنّغ ياسوع لماسيح.

anurẓm 2:9

سّنغ مامنك ا‑تزريت غ‑تاسّاست ار‑تّژلاطّ، والاينّي س‑صّاحت لخير ءيگّوتن اد‑اك‑يلّان. سّنغ ءيس‑ا‑گيك‑رگّمن غويلّي ءيتّينين ءيس‑گان ايت‑يودايا والاينّي ءور‑گين ايت‑يودايا. هاتي ايت‑تگمّي ن‑تژالّيت ن‑شيطان اد‑گان.

anurẓm 21:7

ءيمّا وانّا ءينران، راد‑اس‑فكغ لوورت‑اد: راد‑گغ ربّي‑نس، ءيگ نتّا ءيوي.

anurẓm 3:18

راد‑اك‑ينيغ يوف‑اك ا‑زغ‑داري‑تسغت ءورغ لّي‑يصفان س‑لعافيت ف‑ا‑دارك‑نّيت‑ييلي لخير. تسغت زغ‑داري ءولا تيملسا تومليلين ف‑ا‑تلست تدلت لعيب ن‑دّات‑نّك. تسغت زغ‑داري ءولا اسافار ءي‑والّن‑نّك ف‑ا‑تيسفيوت.