yaɛqub 1:21 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²¹ كّيسات زغ‑گيگون ءيسكّيرن ركانين ءولا لخُشانت لّي‑يگّوتن غ‑مدّن. تادرات ءي‑يخف‑نّون ار‑تّقبالم اوال لّي‑گيگون‑يتژّو ربّي، اشكو ءيژضار‑واوال‑ان ا‑كُن‑يجّنجم.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²¹ kkisat zġ‑gigun iskkirn rkanin ula lh̬ʷšant lli‑iggutn ġ‑mddn. tadrat i‑ih̬f‑nnun ar‑ttqbalm awal lli‑gigun‑itẓẓu rbbi, ašku iẓḍar‑wawal‑an a‑kʷn‑ijjnjm.

yaɛqub 1:21 Iomraidhean Croise

matta 5:5

ءيمباركين اد‑گان غويلّي تصبارنين، اشكو نتني ا‑را‑يشّكشم ربّي س‑كولّو تيميخار‑نس.

yuḥanna 6:63

هاتي رّوح ن‑ربّي ا‑ياكّان تودرت، ءيمّا دّات ءور‑تگي يات. راد‑اون‑ييلي رّوح ءولا تودرت س‑يواليون‑اد‑اون‑تّينيغ،

yuḥanna 6:68

ييني‑اس سيمعان بطرُس: «وا‑سيدي، دار ميت ا‑س‑را‑ندّو؟ كيّي ا‑دار ءيواليون ن‑تودرت ءيدومن.

irqqasn 10:33

ازنغ‑ن سرك غاكودان. هاتي تسكرت گيگي ما‑يفولكين لّيغ‑د‑توشكيت. ءيمّا غيلاد ها‑نكُّني كولّواغ غ‑لگدّام ن‑ربّي، نرا ا‑نسفلد ءي‑كولّو ما‑ف‑ك‑يوصّا سيديتنّغ اد‑اغ‑تي‑تملت.»

irqqasn 13:26

«واي‑ايتما زغ‑تاسوت ن‑يبراهيم د‑يبرّانيين لّي‑تعبادنين ربّي، نكُّني كولّواغ ا‑مي‑د‑يوزن ربّي اوال ف‑مامنك ا‑راد‑اغ‑يجّنجم.

ruma 1:16

ءور‑ا‑تحشامغ س‑لخبار‑اد ءيفولكين، اشكو ءيگا تاحكيمت ءيتجهّدن ن‑ربّي لّي‑س‑ا‑يجّنجام كولّو وانّا يومنّ، ايت‑يودايا ءيمزوورا ءولا ايت‑تميزار ياضني.

ruma 11:17

ءيمّا غيلاد ءيبّي ربّي كرا ن‑تصطّوين زغ‑تازيتونت، ءيلقّم‑اس گيس يات‑تصطّا ن‑تزمّورت. غمكاد ا‑س‑تكشمت ءولا كيّي لّي‑يگان زغ‑تزمّورت غ‑تودرت ءيصحان ن‑تازيتونت.

ruma 6:17

ءيمّا غيلاد ءيلّا فلّانّغ ا‑باهرا‑نتالغ ربّي، اشكو كونّي لّي‑ستّين‑يكّان تگام ءيسمگان ن‑دّنوب، هاتي توورّيم ار‑تسكارم س‑نّييت ن‑وول‑نّون س‑تنباضين ن‑ولمّود لّي‑مي‑تسفلدم.

1 kurintus 15:2

تنجمّ ف‑سّيبت‑نس ءيغ‑سول‑تغويم غ‑واوال ن‑تبرّاحت‑ينو. هان ءيغ‑ور‑يگي غمكان، هان ليمان‑نّون بلا لفايتّ.

2 kurintus 7:1

واي‑ايتما عزّانين، لّيغ‑اغ‑ينّا ربّي راد‑اغ‑يسكر كولّو ماياد ءيفولكين، ييلي فلّانّغ ا‑نغوس ناگّوگ زغ‑كولّو ما‑را‑يسّركو ءول‑نّغ ءولا دّات‑نّغ. ييلي فلّانّغ ا‑نتياوژلاي ءي‑ربّي س‑وفولكي ءيكمّلن، ار‑باهرا‑نتّيري ا‑ت‑نرضو.

afsus 1:13

ءولا كونّي، توورّيم تگام وينس لّيغ‑كُن‑ين‑يلكم‑واوال لّحقّ، ا‑ت‑يگان د‑لخبار ءيفولكين لّي‑س‑تنجمّ. لّيغ تومنم س‑لماسيح ءيتياوفكا‑ياون رّوح لقودوس لّي‑ف‑ينّا ربّي را‑ت‑يفك ءي‑مدّن‑نس، باش ا‑تيسّانم ءيزد وينس ا‑تگام.

afsus 4:22

تلمدم ءيس‑كُن‑يخصّا ا‑تبدّلم زغ‑وگُنس‑نّون، ا‑ور‑سول‑تگم غمكلّي تگام غايد ءيزرين لّيغ تّين‑تكّام ار‑تسكارم ما‑يرا ءيخف‑نّون، تغالم ءيس‑يشوا، ءور‑تسّينم ءيس‑ا‑كُن‑يتاوي س‑لهالاك.

afsus 4:25

مايان ا‑ف‑راد‑اون‑ينيغ، كّيسات فلّاون كولّو تيكركاس. ءيلّا ف‑كود يان ا‑يساوال د‑گماس س‑لحقّ، اشكو نگا كولّواغ يان غ‑دّات لّماسيح.

afsus 5:4

انفات ءي‑يجرمان ءولا تاجمّاعت ءيخوان ءولا تاضصا ف‑ما‑يعيبن. ءور‑تشوي‑تجمّاعت ف‑وان غايان، والاينّي را‑يشوو ءيغ‑ا‑بدّا‑تّشكارم ربّي.

1 tasaluniki 1:5

اشكو ءيلكم‑اون‑ين لخبار‑نّغ ءيفولكين، ءورد غير س‑يواليون والاينّي س‑لقوّا ءولا س‑تحكيمت ن‑رّوح لقودوس ايلّيغ‑اون‑يبان ءيس‑يگا لحقّ. تسّنم كونّي مامنك ا‑نگا غ‑ووسّان لّي‑نزّري غ‑گراتون، نسكر كولّو ف‑ا‑كُن‑نتعاوان.

1 tasaluniki 2:13

ماياد‑داغ ا‑ف‑ا‑بدّا‑نتشكار ربّي، اشكو غاكود لّيغ تسفلدم ءي‑واوال ن‑ربّي لّي‑اون‑ين‑نيوي، تامژم گيس تامنم ءيزد اوال ن‑ربّي ا‑يگا، ءورد اوال ن‑بنادم. س‑صّاحت اوال ن‑ربّي ا‑يگا، ءيخدم غيلاد غ‑وولاون‑نّون كونّي لّي‑سرس‑يومنّ.

tiṭus 2:11

ءيسّبايّن‑د ربّي لحنانت‑نس غيلاد ا‑سرس‑يجّنجم كولّو مدّن.

iɛbrin 12:1

ءيمّا غيلاد غ‑اغ‑تلولّي‑تمدلوت‑اد ن‑يناگان، ءيلّا فلّانّغ ا‑نلوح كولّو ماد‑اغ‑يژّوژّاين، نفل دّنوب لّي‑بدّا‑تّيرينين اد‑اغ‑سّموكروسن، باش ا‑نتازّال بلا‑دا‑نترماي غ‑وغاراس لّي‑يرژمن غ‑لگدّام‑نّغ.

iɛbrin 2:3

ءيمّا غيلاد، مامنك ا‑را‑ننجم ءيغ‑ور‑تّ‑نيوي غ‑وجنجم‑اد ءيهيّان؟ سيديتنّغ ياسوع ا‑يزوارن ءينّا‑ياغ فلّاس، ساولن فلّاس ءولا غويلّي سفلدنين ءي‑سيديتنّغ ملن‑اغ ءيس‑يگا لحقّ.

iɛbrin 4:2

اشكو لخبار ن‑وسونفو‑اد لّي‑مي‑نسفلد، سفلدن‑اس‑ياد ءيمزوورا‑نّغ والاينّي ءور‑ومينّ اوال لّي‑مي‑سفلدن. مايان ا‑ف‑ور‑زگيس‑ومژن كرا لّفايتّ.

yaɛqub 4:8

اكمورات‑ن س‑ربّي، ياكمور‑د سرون. وا‑كونّي لّي‑يسكارن دّنوب، سيردات ءيفاسّن‑نّون. وا‑كونّي لّي‑يكّاتن ف‑سين ءيغاراسن، سّغوسات ءولاون‑نّون

yaɛqub 5:20

سوانگمات ماياد: وانّا‑د‑يرورن يان ءيجلان زغ‑ما‑يُخشنّ، را‑ت‑يسّانف ءي‑لموت لّيخرت، ءيسّاگّوگ‑ت زغ‑كيگان د‑دّنوب.

1 bṭrus 1:22

هاتي تسّغوسم ءولاون‑نّون لّيغ تومژم اغاراس لّحقّ، ار‑تّحوبّوم ايتماتون س‑نّييت ءيصفان. ءيمّا غيلاد، تحنّوات ءي‑نگراتون زغ‑تّمي ن‑وول‑نّون.

1 bṭrus 1:9

اشكو ربّي ءيفكا‑ياون غيلاد مايلّي ترام غ‑ليمان‑نّون، ءيفك‑اون اجنجم ن‑يخف‑نّون.

1 bṭrus 2:1

ف‑ماياد ا‑ف‑راد‑اون‑ينيغ، لوحات‑ن س‑كولّو ما‑يگان تانوّاشت ءولا تيكركاس. ا‑ور‑تسكارم غ‑لگدّام ن‑مدّن ما‑ور‑تگيم. اد‑اون‑ور‑طيّر ف‑وييّاض طّافنين كرا ترام ءي‑يخف‑نّون، ءولا‑دا‑ترگّمّ غ‑يان.

1 bṭrus 2:11

واي‑ايتما عزّانين، ضالبغ‑كُن غيلاد ا‑تگم ءيخف‑نّون د‑يغريبن د‑يبرّانيين غ‑دّونيت‑اد، تلوحم س‑ما‑تّيري دّات ن‑بنادم، اشكو تيغاوسيوين ن‑دّات ار‑تمّاغنت د‑وول ءيصفان.