yaɛqub 1:12 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹² امباركي ا‑يگا وانّا ءيصبرن ءيزگان غ‑تاساعت ن‑تنوكموت. اشكو لّيغ ءيتيارام سول‑يزگا، راد‑اس‑ييلي تّاج ن‑تودرت ءيدومن لّي‑ف‑ينّا ربّي را‑ت‑يفك ءي‑ويلّي رانين ربّي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹² ambarki a‑iga wanna iṣbrn izgan ġ‑tasaɛt n‑tnukmut. ašku lliġ ityaram sul‑izga, rad‑as‑yili ttaj n‑tudrt idumn lli‑f‑inna rbbi ra‑t‑ifk i‑willi ranin rbbi.

yaɛqub 1:12 Iomraidhean Croise

matta 10:22

را‑كُن‑تكرهون كولّو مدّن ف‑سّيبت ن‑ما‑تگام وينو، والاينّي وانّا ءيبيدّن ءيزگا ار ءيسيگُّرا را‑ينجم.

matta 25:34

ساولغ ءيلمّا، نكّي لّي‑يگان اگلّيد، س‑ويلّي لّانين ف‑وفاسي ءينيغ‑اسن ‹اشكاد‑د ا‑يمباركين ن‑بابا ربّي، كشمات س‑تگلديت لّي‑اون‑يجّوجاد زغ‑يسيزوار ن‑دّونيت.

luqa 6:22

ءيمباركين ا‑تگام ءيغ‑كُن‑كورهان مدّن سّوفغن‑كُن رگمن‑كُن ار‑فلّاون‑تّينين ‹كونّي تُخشنم› ف‑سّيبت ن‑ما‑تگام وين يوس ن‑بنادم.

ruma 5:4

ءولا س‑صّبر ا‑س‑را‑نتنرو تاسّاست نّا‑يلّان. ءولا س‑تنري ا‑س‑را‑دارنّغ‑ييلي رّجا.

ruma 8:28

ءيمّا غويلّي ءيتّيرين ربّي ءيغرا‑ياسن‑د غمكلّي ءيقصاد، نسّن ءيس‑ا‑ياسن‑يسكار افولكي غ‑كولّو ماد‑اسن‑يجرّون.

1 kurintus 2:9

والاينّي ءيتيارا: «ءور‑جّو‑يژري يان ءولا ءيسفلد يان ءولا ءيسوانگم لعاقل ن‑بنادم ف‑ما‑يجّوجاد ربّي ءي‑ويلّي‑تي‑تّيرينين.»

1 kurintus 8:3

والاينّي يان ءيتّيرين ربّي، هاتين ءيتياوسّان دار ربّي.

1 kurintus 9:25

كولّو وانّا ءيتازّالن ار‑يسّدوس ءيخف‑نس. ار‑ت‑يسّدوس باش ا‑يامژ كرا لّكاس لّي‑ور‑را‑يدوم. ءيمّا نكُّني ار‑نسّدوس ءيخفاون‑نّغ باش ا‑نامژ لكاس لّي‑راد‑بدّا‑يدوم.

2 timutaws 2:15

گ‑ن تيقّي‑نّك اد‑اون‑يفك ربّي رّضا‑نس، زوند اخدّام ءيشوان ءور‑تي‑تشّحشّيم‑تووري لّي‑يسكر، ار‑تسّلمادت اوال لّحقّ غمكلّي ءيگا.

2 timutaws 4:8

راد‑يّي‑ييلي تّاج غيلاد ن‑يان ءيرضان ربّي. ءيحضا‑يّي‑ت سيديتنّغ لّي‑بدّا‑يحكامن س‑لحقّ، باش اد‑يّي‑ت‑يفك غ‑واسّ لّي‑غ‑را‑د‑ياشك. ءورد غير نكّي ا‑مي‑را‑ييلي، والاينّي را‑ت‑يفك ءي‑كولّو ويلّي‑ن‑گيس‑رجانين ار‑سرس‑تقلن.

iɛbrin 10:32

سوانگماد‑د ءوسّان ءيمزوورا لّي‑غ‑توورّيم تسفاوم س‑تيفاوت لّماسيح، تصبرم تزگام غاكود لّيغ ا‑تكّاتم تامّارا ءيشقان.

iɛbrin 11:17

ءيبراهيم، ف‑سّيبت ن‑ما‑يومن اوال ن‑ربّي ا‑ف‑ن‑يسرس ءيسحاق ف‑يگّي ن‑وكركور لّيغ‑ت‑يورم ربّي. يوجاد ا‑يغرس ءي‑يوس لّي‑دارس‑يگان يان

iɛbrin 12:5

ءيس‑تتّوم اوال لّي‑س‑كُن‑يزّعام ربّي لّيغ‑كُن‑يگا د‑تاروا‑نس؟ ييني: «وا‑يوي، ءيغ‑ك‑يصلح سيدي ربّي، اد‑ور‑تينيت د‑يخف‑نّك ‹غاياد ءور‑يگي يات.› نغد ءيغ‑ك‑يژي، اد‑ور‑تينيت ‹نكّي ءور‑گيغ يات.›

iɛbrin 6:15

ءيقل ءيبراهيم ءيصبر ايلّيغ‑اس‑يتياوفكا مايلّي‑س‑اس‑ينّا ربّي.

yaɛqub 2:5

سفلدات اي‑ايتما عزّانين. ءيس‑ور‑تسّينم ماياد؟ ربّي ءيستي غويلّي دار ما‑يدروسن غ‑دّونيت اد‑دارسن‑ييگات ليمان، كشمن س‑لوورت ن‑تگلديت لّي‑ف‑ينّا را‑ت‑يفك ءي‑ويلّي رانين ربّي.

yaɛqub 5:11

نگا‑تن د‑يمباركين اشكو صبرن سول زگان. تسفلدم كونّي ف‑ايّوب غمكلّي ءيصبر ءيزگا، تيسّانم مامنك ا‑ت‑يبارك سيدي ربّي تيگيرا. اشكو سيديتنّغ ار‑باهرا‑يتحنّا ار‑بدّا‑يسكار افولكي.

1 bṭrus 3:14

والاينّي ءيغ‑يدّا ارد ترفوفنم ف‑سّيبت لّحقّ، هاتي ءيمباركين ا‑تگام. ا‑ور‑تّيكساضم يان ءولا‑دا‑تّاسيم تاغوفت،

1 bṭrus 4:13

والاينّي فرحات لّيغ تكشمّ د‑لماسيح غ‑ترفوفنت، باش ا‑تفرحم س‑وگُّار غاكود لّيغ را‑د‑يبان لمجد‑نس ءي‑كولّو مدّن.

1 bṭrus 4:14

ءيمباركين ا‑تگام ءيغ‑ا‑كُن‑رگّمن ف‑سّيبت ن‑ما‑تگام وين لماسيح، اشكو ءيگّوز‑د فلّاون رّوح لّمجد لّي‑يگان رّوح ن‑ربّي.

1 bṭrus 5:10

والاينّي ربّي لّي‑بدّا‑يران اد‑اغ‑يبارك، ءيغرا‑ياون‑د ا‑تكشمّ س‑لمجد‑نس ءيدومن غ‑تامونت لّماسيح. تيگيرا ن‑ما‑ترفوفنم يان ءيميكّ، را‑كُن‑ياوي س‑سّلامت ءيكمّلن ءيسّدوس‑كُن ءيزّگا‑كُن ءيسّبيدّ‑كُن ف‑لّساس ءيصحان.

1 bṭrus 5:4

غاكود لّيغ را‑د‑ياشك‑ومكسا ءيمقّورن راد‑اون‑يفك تّاج لّمجد لّي‑ور‑را‑سار‑يمدو.

1 yuḥanna 4:19

ار‑نتحنّو نكُّني اشكو ربّي ا‑يزوارن ءيس‑فلّانّغ‑يحنّا.

anurẓm 2:10

ءيمّا غيلاد، اد‑ور‑تيكساطّ تانوكموت لّي‑را‑فلّاك‑يزري. هاتي را‑ك‑يارم ءيبليس ءيلوح‑ن كرا گيگون غ‑لحبس. را‑ترفوفنت مراو‑ووسّان. زگا غ‑وغاراس‑ينو ار لموت، فكغ‑اك تّاج ن‑تودرت.

anurẓm 3:19

وينّا داري عزّانين ار‑تن‑تژيغ ار‑تن‑تربّاغ. اوي‑تّ غ‑يخف‑نّك غيلاد، توورّيد‑د زغ‑دّنوب‑نّك.

anurẓm 3:21

كولّو وانّا ءينران، راد‑اس‑فكغ ا‑ديدي‑يسكيوس ف‑لعرش‑ينو غمكلّي نريغ نكّي سكيوسغ د‑بابا ربّي ف‑لعرش‑نس.