luqa 9:51 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵¹ لّيغ‑د‑ياكمور‑وزمز لّي‑غ‑را‑يتياتّاي ياسوع س‑يگنّا، ءيغوي غ‑يخف‑نس ءيسكر ف‑وروشاليم.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵¹ lliġ‑d‑yakmur‑uzmz lli‑ġ‑ra‑ityattay yasuɛ s‑ignna, iġwi ġ‑ih̬f‑ns iskr f‑urušalim.

luqa 9:51 Iomraidhean Croise

marqus 16:19

سيديتنّغ ياسوع، تيغوردين ن‑ما‑سرسن‑يساول، ءيتيالال س‑يگنّا ءيسكيوس ف‑وفاسي ن‑ربّي.

luqa 12:50

راد‑سول‑دّمغ س‑يان‑ودوم ءيشقان. منشك ا‑س‑فلّا‑يژّاي ارد ءيكمّل.

luqa 13:22

ءيمون ياسوع د‑وغاراس ن‑وروشاليم، ار‑يتكّا تيمدينين ءولا ءيدوران ار‑گيسن‑يسّلماد مدّن.

luqa 17:11

ءيزايد ياسوع غ‑وغاراس ن‑وروشاليم، ءيزري غ‑گر‑تميزار ن‑ساميرا د‑جاليل،

luqa 18:31

ياوي ياسوع سين د‑مراو ن‑ومحضار‑نس واحدوتن، ييني‑اسن: «ژرات، را‑ندّو س‑وروشاليم، ءيجرو غين كولّو ماد‑وران لانبيا ف‑يوس ن‑بنادم.

luqa 19:11

ءيزايد ياسوع ءيساول س‑مدّن لّي‑اس‑سفليدنين، يوت‑اسن لمعنا‑ياد اشكو ياكمور س‑تمدينت ن‑وروشاليم. غالن نتني ءيزد غ‑ووسّان‑ان ا‑غ‑را‑دي‑تبان‑تگلديت ن‑ربّي.

luqa 19:28

لّيغ ءيكمّل ياسوع ءيواليون‑اد، ءيزايد غ‑وغاراس ن‑وروشاليم ءيزوور‑اسن.

luqa 24:51

سول ا‑تن‑يتباراك س‑فلّاسن‑يتيالال س‑يگنوان.

luqa 9:57

لّيغ ا‑تّيدون غ‑وغاراس ييني‑اس يان‑ورگاز: «راد‑ديدك‑مونغ س‑ينّاس را‑تدّوت.»

yuḥanna 13:1

ءيقاما يان‑واسّ ءي‑لعيد ن‑وسورف، ييسّان ياسوع ءيس‑دي‑تروح تاساعت لّي‑غ‑را‑يفّوغ دّونيت ءيدّو س‑باباس. غمكلّي‑بدّا‑يحنّا غ‑وينس لّي‑لّانين غ‑دّونيت، ءيسّافو فلّاسن لحنانت‑نس ار تّمي.

yuḥanna 16:28

ءوشكيغ‑د‑نّيت زغ‑بابا، كشمغ‑د س‑دّونيت‑اد. راد‑داغ‑فّوغّ دّونيت وورّيغ س‑بابا.»

yuḥanna 16:5

ءيمّا غيلاد غ‑راد‑دّوغ س‑والّي‑يّي‑د‑يوزنّ، ءور‑يّي‑يسقسا يان گيگون مانيس راد‑دّوغ.

yuḥanna 17:11

ها‑يّي غيلاد را‑ن‑دارك‑وورّيغ، ءور‑را‑سول‑قاماغ غ‑دّونيت. ءيمّا نتني دّونيت ا‑غ‑لّان. وا‑بابا ربّي امژلاي، حضو‑تن‑بدّا س‑تحكيمت ن‑يسم‑نّك لّي‑يّي‑تفكيت، اد‑كولّو‑گن يان غمكلّي نگا يان نكّي ديك.

yuḥanna 6:62

ما‑را‑تينيم ءيغ‑يّي‑تژرام تيالالغ، نكّي لّي‑يگان يوس ن‑بنادم، س‑يلّيغ تّين‑كّيغ لّيغ؟

irqqasn 1:2

ار اسّ لّي‑غ‑يتيالال س‑يگنّا. والاينّي لّيغ ءور‑تا‑يتيالال ءيساول س‑ويلّي ءيستي اد‑گن ءيرقّاسن‑نس، يوصّا‑تن س‑تحكيمت ن‑رّوح لقودوس ف‑ما‑راد‑سكارن.

irqqasn 1:9

غير ءينّا‑ياسن ماياد س‑ا‑تي‑تمنادن ءيتيالال غ‑لگدّام‑نسن ايلّيغ‑تي‑تسّنتل يات‑تمدلوت.

afsus 1:20

لّي‑س‑د‑يسّنكر لماسيح زغ‑لموت، ءيسّگاور‑ت ف‑وفاسيي‑نس غ‑تاتّويت ن‑تگلديت ن‑يگنّا

filibbi 3:14

ار‑تازّالغ اد‑روحغ تّمي، باش اد‑امژغ لكاس لّي‑يگان تودرت ن‑وفلّا لّي‑س‑يّي‑د‑يغرا ربّي ف‑وودم لّماسيح ياسوع.

1 timutaws 3:16

مايلّي‑اغ‑د‑يملا ربّي، ار‑كولّو‑گيس‑نتعجّاب: ءيبان‑د غ‑سّيفت ن‑بنادم، ءينرو س‑تحكيمت ن‑رّوح، ژرن‑ت لمالايكا. ءيلكم لخبار‑نس تيميزار اگّوگنين، امنّ سرس غ‑كولّو دّونيت، ءيتيالال س‑لمجد.

iɛbrin 12:2

ءيلّا فلّانّغ ا‑ن‑نتمناد غ‑ياسوع لّي‑اغ‑يسكرن اغاراس‑اد س‑نومن، راد‑اغ‑گيس‑ياوي ار تّمي. ءيصبر نتّان ءي‑لموت ف‑وگّجدي، ءور‑تّ‑ييوي غ‑تدالّيت، اشكو ءيژرا‑ن لفرح لّي‑راد‑اس‑ييلي تيگيرا. ءيسكيوس ءيلمّا ف‑وفاسي لّعرش ن‑ربّي.

iɛbrin 6:20

س‑يلّيس ءيكشم ياسوع لّي‑اغ‑يزوارن ا‑بدّا‑يگ انمغور ءيهيّان ف‑سّيبت‑نّغ غ‑لگدّام ن‑ربّي غمكلّي ءيگا مالكيصادق.

1 bṭrus 3:22

نتّان ا‑يكشمن ءيلمّا س‑يگنّا، ءيسكيوس غيلاد ف‑وفاسي ن‑ربّي، ءيلين كولّو لمالايكا د‑سّولطات د‑لقوّات ن‑يگنوان غ‑دّو‑وفوس‑نس.