luqa 9:48 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴⁸ ييني‑اسن: «وانّا ءيقبلن ارّاو‑اد ءيمژّين س‑يسم‑ينو، هاتي ءيقبل‑يّي. د‑وانّا‑يّي‑يقبلن، ءيقبل غوالّي‑يّي‑د‑يوزنّ. اشكو وانّا كولّو گيگون ءيمژّين، نتّان ا‑يگان واد ءيمقّورن.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴⁸ yini‑asn: «wanna iqbln arraw‑ad imẓẓin s‑ism‑inu, hati iqbl‑iyi. d‑wanna‑yyi‑iqbln, iqbl ġwalli‑yyi‑d‑yuznn. ašku wanna kullu gigun imẓẓin, nttan a‑igan wad imqqurn.»

luqa 9:48 Iomraidhean Croise

matta 18:10

اويات‑ستّ غ‑يخف‑نّون ا‑ور‑تحگرم يان غ‑يمژّيين‑اد. اشكو راد‑اون‑ينيغ، لمالايكا‑نسن ار‑ن‑بدّا‑تمونون د‑بابا ربّي لّي‑يلّان غ‑يگنّا.

matta 18:14

غمكاد ا‑يرا باباتون لّي‑يلّان غ‑يگنّا ا‑ور‑يتياوهلاك يان غ‑يمژّيين‑اد.

matta 19:28

ييني‑اسن ياسوع: «لحقّ ا‑راد‑اون‑ينيغ، غاكود لّيغ راد‑گاورغ نكّي لّي‑يگان يوس ن‑بنادم ف‑لعرش لّمجد‑ينو غ‑دّونيت لّجديد، را‑تگاورم ءولا كونّي لّي‑ديدي‑يتمونون ف‑سين د‑مراو لّعرش ار‑تّحكامّ ف‑كولّو ايت‑ربّي.

matta 25:40

راد‑اسن‑رارغ، نكّي لّي‑يگان اگلّيد، ‹لحقّ ا‑راد‑اون‑ينيغ، غاكود نّا‑تي‑تسكرم غ‑يان زغ‑ايتما‑ياد مژّينين، هاتي تسكرم‑ت گيگي نكّي.›

matta 25:45

راد‑اسن‑رارغ ‹لحقّ ا‑راد‑اون‑ينيغ، لّيغ ءور‑تي‑تسكيرم غ‑يان غ‑يمژّيين‑اد، ءور‑ت‑گيگي‑تسكيرم نكّي.›

marqus 9:37

«وانّا ءيقبلن يان‑وارّاو ءيمژّين زوند غواد س‑يسم‑ينو، هاتي ءيقبل‑يّي. د‑وانّا‑يّي‑يقبلن، ءورد نكّي كا‑يقبل، هاتين ءيقبل ءولا غوالّي‑يّي‑د‑يوزنّ.»

luqa 10:16

ييني ءيلمّا ياسوع ءي‑يمحضارن‑نس: «وانّا ءيسفليدن س‑واوال‑نّون، ءيسفلد سري. وانّا‑كُن‑ور‑يرين، ءور‑يّي‑يري ءولا نكّي. د‑وانّا‑يّي‑ور‑يرين، ءور‑يري غوالّي‑يّي‑د‑يوزنّ.»

luqa 14:11

اشكو وانّا ءيسّيمغورن ءيخف‑نس را‑ت‑يژّيمژاي ربّي، ءيمّا وانّا ءيژّيمژاين ءيخف‑نس را‑ت‑يسّيمغور.»

luqa 22:26

ءيمّا كونّي، ا‑ور‑ييلي غمكان غ‑گراتون، اشكو غوالّي گيگون ءيمقّورن ءيلّا فلّاس ا‑يگ زوند غوالّي ءيمژّين، ءيگ‑ومزوارو زوند اخدّام.

luqa 22:30

ا‑تشتّام ار‑تسّام غ‑دار لميدا‑نو غ‑تگلديت‑ينو، تگاورم ف‑لعروش ار‑تّحكامّ ف‑كولّو ايت‑ربّي.»

luqa 7:28

راد‑اون‑ينيغ، ءور‑يلّي غ‑تاروا ن‑تمغارين يان يوگُرن يوحانّا. ءيمّا واد كولّو ءيمژّين غ‑تگلديت ن‑ربّي، يوگُر يوحانّا.»

yuḥanna 13:20

لحقّ اياد، لحقّ ا‑راد‑اون‑ينيغ. وانّا ءيقبلن يان ءوزنغ، هاتي ءيقبل‑يّي. د‑وانّا‑يّي‑يقبلن، ءيقبل غوالّي‑يّي‑د‑يوزنّ.»

yuḥanna 14:21

وانّا ءيسفليدن س‑لوصيّات‑ينو ار‑سرسنت‑يسكار، نتّان ا‑يّي‑يتّيرين. د‑وانّا‑يّي‑يتّيرين، را‑ت‑ييري بابا. را‑ت‑يريغ ءولا نكّي، سّبايّنغ‑اس ءيخف‑ينو.»

1 tasaluniki 4:8

وانّا ياگُين ا‑يسفلد س‑واوال‑اد، ءورد بنادم ا‑ياگُي والاينّي ياگُي ربّي لّي‑اون‑يفكان ءولا كونّي رّوح‑نس لقودوس.

1 bṭrus 5:6

كنوات غ‑دّو‑وفوس ءيتجهّدن ن‑ربّي باش ا‑كُن‑يالّ غ‑وزمز نّا‑يرا.

anurẓm 21:14

لّان سين د‑مراو ن‑وژرو غ‑لّساس ن‑وغُراب ن‑تمدينت، تياران گيسن ءيسماون ن‑سين د‑مراو ن‑ورقّاس ن‑ولقّاغ.

anurẓm 3:21

كولّو وانّا ءينران، راد‑اس‑فكغ ا‑ديدي‑يسكيوس ف‑لعرش‑ينو غمكلّي نريغ نكّي سكيوسغ د‑بابا ربّي ف‑لعرش‑نس.