luqa 9:44 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴⁴ «سفلدات ءي‑ما‑راد‑اون‑ينيغ. ها‑نكّي لّي‑يگان يوس ن‑بنادم، را‑يّي‑ن‑دحين س‑گر ءيفاسّن ن‑مدّن.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴⁴ «sfldat i‑ma‑rad‑awn‑iniġ. ha‑nkki lli‑igan yus n‑bnadm, ra‑yyi‑n‑dḥin s‑gr ifassn n‑mddn.»

luqa 9:44 Iomraidhean Croise

matta 16:21

زغ‑غاسّان ا‑يبدا ياسوع ار‑يمالا ءي‑يمحضارن‑نس ما‑راد‑اس‑يجرو، ييني‑اسن: «ءيقّان‑يّي‑د اد‑دّوغ س‑تمدينت ن‑وروشاليم، رفوفنغ باهرا ف‑وفوس ن‑يمغارن ن‑تمازيرت د‑ينمغورن ن‑تگمّي ن‑ربّي د‑يمسلمدن ن‑شّرع. را‑يّي‑نغن، والاينّي ويس كراض‑ووسّان را‑د‑نكرغ زغ‑لموت.»

matta 26:2

«تسّنم ءيزد سين‑ووسّان ا‑يقامان ءي‑لعيد ن‑وسورف. غاكودان ا‑را‑يّي‑ن‑دحين نكّي لّي‑يگان يوس ن‑بنادم ا‑يّي‑نغن ف‑وگّجدي.»

marqus 8:31

ءيبدو ياسوع ار‑يمالا ءي‑يمحضارن‑نس ما‑راد‑اس‑يجرو ييني‑اسن: «ها‑نكّي لّي‑يگان يوس ن‑بنادم، ءيقّان‑يّي‑د اد‑باهرا‑رفوفنغ. را‑يّي‑ن‑لوحن ءيمغارن ن‑تمازيرت د‑ينمغورن ن‑تگمّي ن‑ربّي د‑يمسلمدن ن‑شّرع. را‑يّي‑نغن، والاينّي ويس كراض‑ووسّان را‑د‑نكرغ زغ‑لموت.»

marqus 9:31

اشكو ار‑يسّلماد ءيمحضارن‑نس، ييني‑اسن: «نكّي لّي‑يگان يوس ن‑بنادم را‑يّي‑ن‑دحين س‑گر ءيفاسّن ن‑مدّن نغن‑يّي. والاينّي غ‑ويس كراض‑ووسّان را‑د‑نكرغ زغ‑لموت.»

luqa 1:66

غويلّي فلّاس سفلدنين ار‑باهرا‑سوينگيمن ار‑تّينين ءي‑نگراتسن: «ما‑را‑يگ‑وازّان‑اد؟» اشكو ءيلّا‑ديدس‑وفوس ن‑ربّي.

luqa 18:31

ياوي ياسوع سين د‑مراو ن‑ومحضار‑نس واحدوتن، ييني‑اسن: «ژرات، را‑ندّو س‑وروشاليم، ءيجرو غين كولّو ماد‑وران لانبيا ف‑يوس ن‑بنادم.

luqa 2:19

ءيمّا ماريام ار‑تّحضو تيغاوسيوين‑ان غ‑وول‑نس ار‑گيسنتي‑تسوينگيم.

luqa 2:51

ءيمون ديدسن غاكودان، وورّين س‑ناصيرا، ار‑يسكار س‑يواليون‑نسن. ءيمّا ءينّاس تحضا كولّو تيغاوسيوين‑ان غ‑وول‑نس.

luqa 24:44

ءيساول‑داغ ياسوع ييني‑اسن: «غمكاد ا‑س‑يووفا مايلّي‑اون‑نّيغ غ‑ووسّان‑ان غ‑سول‑ديدون‑لّيغ. نّيغ‑اون، ءيقّان‑د ا‑يجرو كولّو ما‑فلّا‑يتياران غ‑شّرع ن‑موسا ءولا ارّاتن لّانبيا ءولا ءيموريگن ن‑ربّي.»

luqa 9:22

ييني‑اسن: «ها‑نكّي لّي‑يگان يوس ن‑بنادم ءيقّان‑يّي‑د اد‑باهرا‑رفوفنغ. را‑يّي‑ن‑لوحن ءيمغارن ن‑تمازيرت د‑ينمغورن ن‑تگمّي ن‑ربّي د‑يمسلمدن ن‑شّرع. را‑يّي‑نغن، والاينّي ويس كراض‑ووسّان را‑د‑نكرغ زغ‑لموت.»

yuḥanna 16:31

ءيساول‑د ياسوع ييني‑اسن: «ءيس‑تومنم غيلاد؟

yuḥanna 16:4

نّيغ‑اون ماياد ءور‑تا‑يجري، باش ا‑دي‑تسوانگمّ ماد‑اون‑نّيغ غاكود نّا‑د‑يلكم‑وزمز‑ان. غ‑ووسّان زوارنين ءور‑اون‑نّيغ تيغاوسيوين‑اد اشكو سول ديدون لّيغ.

yuḥanna 19:11

ءيساول ياسوع ييني‑اس: «ربّي اد‑اك‑فلّا‑يفكان تاژضّارت. مراد ءيس‑اك‑تّ‑ور‑يفكي، ءور‑را‑تيژضارت اد‑يّي‑تسكرت يات. والاينّي ءوگُّار‑نّك ا‑يجلا غوالّي‑يّي‑د‑يدحين غ‑گر ءيفاسّن‑نّك.»

irqqasn 2:23

ءيمّا كونّي تنغام‑ت لّيغ‑تي‑تدحيم س‑گر ءيفاسّن ن‑مدّن أُخشنّين ا‑ت‑اگُلن ف‑وگّجدي. ءيمّا ربّي، ءيسّن ماياد ءيقصاد‑ت ءور‑تا‑يجري،

iɛbrin 2:1

مايان ا‑س‑فلّانّغ‑يلّا ا‑ستّ‑نتاوي س‑وگُّار غ‑ما‑مي‑نسفلد، ا‑ور‑نجلو زغ‑وغاراس.