luqa 9:26 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²⁶ وانّا ءيتّينين غ‑گر مدّن ءور‑يّي‑يسّين ءولا ءيسّن اوال‑ينو، راد‑ينيغ ءور‑ت‑سّينغ ءولا نكّي لّي‑يگان يوس ن‑بنادم، غاكود لّيغ راد‑د‑اشكغ س‑لمجد‑ينو ءولا لمجد ن‑بابا ربّي ءولا وين لمالايكا‑نس ن‑يگنّا.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²⁶ wanna ittinin ġ‑gr mddn ur‑iyi‑issin ula issn awal‑inu, rad‑iniġ ur‑t‑ssinġ ula nkki lli‑igan yus n‑bnadm, ġakud lliġ rad‑d‑aškġ s‑lmjd‑inu ula lmjd n‑baba rbbi ula win lmalayka‑ns n‑ignna.

luqa 9:26 Iomraidhean Croise

matta 16:27

ءيمّا نكّي لّي‑يگان يوس ن‑بنادم راد‑د‑اشكغ س‑لمجد ن‑بابا ربّي د‑لمالايكا‑نو، باش اد‑رارغ ءي‑كرايگاتّ يان ف‑ما‑يسكر.

matta 25:31

ءيزايد ياسوع ييني‑اسن: «غاكود لّيغ راد‑د‑وورّيغ س‑دّونيت‑اد، مونّ‑د ديدي كولّو لمالايكا س‑لمجد ءيگّوتن، راد‑سكيوسغ نكّي لّي‑يگان يوس ن‑بنادم ف‑لعرش ن‑تگلديت‑ينو،

matta 26:64

ءيرار‑اس ياسوع: «كيّي ا‑ت‑ينّان. والاينّي راد‑اون‑ينيغ، يان ءيميكّ را‑تژرم يوس ن‑بنادم ءيسكيوس ف‑وفاسي ن‑ربّي ءيتجهّدن، ءيفتو‑د غ‑گر ءيمدلا ن‑يگنوان.»

marqus 8:38

وانّا ءينّان ءور‑يّي‑يسّين ءولا ءيسّن اوال‑ينو غ‑گر مدّن ن‑تاسوت‑اد ءيجلان يُخشنّ، راد‑ينيغ ءور‑ت‑سّينغ ءولا نكّي لّي‑يگان يوس ن‑بنادم غاكود لّيغ راد‑د‑اشكغ د‑لمالايكا ن‑يگنّا س‑لمجد ن‑ربّي بابا.»

yuḥanna 12:43

نتني يوف دارسن ا‑تن‑تالغن مدّن ءولا يولغ‑تن ربّي.

yuḥanna 5:44

مامنك ا‑را‑تامنم لّيغ ا‑تّيريم ا‑تّالغم ءي‑نگراتون بلا‑دا‑تسكارم ف‑ا‑كُن‑يالغ ربّي لّي‑يگان واحدوت؟

irqqasn 10:22

ءينين‑اس: «يوزن‑اغ‑د لقبطان كورنيليوس. ءيگا ارگاز ءيفولكين، ار‑يتعباد ربّي ار‑تي‑توقّارن كولّو ايت‑يودايا. ءيبان‑اس‑د يا‑لّمالاك ن‑ربّي، ييني‑اس اد‑اك‑د‑يغر س‑تگمّي‑نس باش ا‑يسفلد ءي‑ما‑راد‑اس‑تينيت.»

ruma 1:16

ءور‑ا‑تحشامغ س‑لخبار‑اد ءيفولكين، اشكو ءيگا تاحكيمت ءيتجهّدن ن‑ربّي لّي‑س‑ا‑يجّنجام كولّو وانّا يومنّ، ايت‑يودايا ءيمزوورا ءولا ايت‑تميزار ياضني.

2 kurintus 12:10

ار‑تقناعغ نكّي غاكود نّا‑ضعفغ، ءولا غاكود نّا‑يّي‑رگمن مدّن ءولا غاكود نّا‑كّاتغ تامّارا ار‑ترفوفونغ ار‑زرايغ غ‑تنوكموت ف‑سّيبت لّماسيح. اشكو غاكود نّا‑ضعفغ، هاتي تجهّدغ.

گالاطيّا 6:14

ءيمّا نكّي ءور‑راد‑الغّ ابلا اگّجدي ن‑سيديتنّغ ياسوع لماسيح. اشكو س‑وگّجدي لّماسيح ا‑س‑مّوتغ ءي‑دّونيت، ءيمّت‑يّي ما‑يگان وين دّونيت.

1 timutaws 5:21

ها‑يّي غ‑لگدّام ن‑ربّي د‑لماسيح ياسوع د‑لمالايكا ن‑يگنّا ا‑ك‑وصّاغ ا‑تزّگات تيغاوسيوين‑اد بلا‑دا‑تسكارت س‑وودماون ءولا‑دا‑تّيريت ا‑تّرضوت ءيخف‑نّك.

2 timutaws 1:12

مايان ا‑ف‑ا‑ترفوفونغ غمكاد. والاينّي ءور‑اكُّ‑حشيمغ، اشكو سّنغ غوالّي‑س‑ومنغ. وورّيغ ءيسّانغ ءيس‑يژضار ا‑يگابل لامانت‑ينو ار اسّ ءيگُّران.

2 timutaws 2:12

ءيغ‑ا‑نتصبار را‑ديدس‑نتحكام. ءيغ‑ننّا ءور‑ت‑نسّين را‑ييني ءور‑اغ‑يسّين.

iɛbrin 11:26

ءيحاسب نتّا تادالّيت لّي‑غ‑يلّا ف‑سّيبت لّماسيح ءيس‑تعزّا ءوگُّار ن‑تميخار ن‑ميصر، اشكو ار‑ن‑يترجو غ‑لباراكا لّي‑را‑ييلي تيگيرا.

iɛbrin 13:13

ءيمّا غيلاد ءيلّا فلّانّغ ا‑دارس‑نفّوغ س‑برّا ن‑يخيّامن ا‑ن‑ديدس‑نيلي غ‑ترگّام لّي‑س‑ت‑رگمن.

yahuda 1:14

مدّن‑ان ا‑ف‑يساول اخنوخ لّي‑يگان زغ‑تيس سضيصط تاسوتين غ‑تغوردين ن‑ادام. ءيملا‑ياس ربّي اوال ءينّا: «ژرات سيديتنّغ را‑د‑ياشك، مونّ‑د ديدس كيگان د‑وافضان ن‑يمژلاين‑نس،

anurẓm 1:7

هاتي را‑د‑يفتو غيلاد غ‑گر ءيمدلا، ژرن‑ت كولّو مدّن، ژرن‑ت ءولا غويلّي‑ت‑سّياگّاسنين. راد‑الّانت‑كولّو‑تميزار ن‑دّونيت ف‑سّيبت‑نس. غمكاد ا‑را‑ييلي، امين.

anurẓm 20:11

ژرغ ءيلمّا يا‑لّعرش ءيمقّورن ءيملّولن، ژرغ ءولا غوالّي فلّاس ءيسكيوسن. لّيغ‑د‑يبان نتّا، روولن زغ‑گيس ءيگنوان د‑واكال، لاح‑تن كولّو.

anurẓm 21:8

ءيمّا غويلّي روولنين زغ‑لحقّ وورّين زغ‑وغاراس‑ينو سّركان ءيخفاون‑نسن ار‑نقّان ار‑تفسادن ار‑سكارن سّيحر ار‑تعبادن ءيلاهات ن‑دّونيت، راد‑فتون نتني د‑كولّو ايت‑تكركاس س‑ودغار‑نسن غ‑تمدا لّي‑يجدّرن س‑لعافيت د‑لكبريت. غمكاد ا‑را‑تگ لموت تيس سنات.»

anurẓm 3:5

كولّو وانّا ءينران، را‑يلس ءولا نتّا تيملسيت تومليلت. راد‑ادّرغ ءيسم‑نس غ‑دار بابا ربّي ءولا لمالايكا‑نس، ءينيغ فلّاس ءيزد وينو ا‑يگا. ءور‑سار‑كّيسغ ءيسم‑نس زغ‑وارّا ن‑تودرت.