luqa 8:47 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴⁷ لّيغ تسّن‑تمغارت‑لّي ءيس‑ور‑تژضار ا‑تسّنتال مايد‑اس‑يجران، تاشك‑يد تضر غ‑دار ءيضارن ن‑ياسوع ار‑تّرگيگيي س‑تاودا. تيني‑اس غ‑لگدّام ن‑مدّن‑ان كولّوتن ما‑ف‑اس‑تگّر ءولا مامنك ا‑س‑تجّي حاينا.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴⁷ lliġ tssn‑tmġart‑lli is‑ur‑tẓḍar a‑tssntal mayd‑as‑ijran, tašk‑id tḍr ġ‑dar iḍarn n‑yasuɛ ar‑ttrgigiy s‑tawda. tini‑as ġ‑lgddam n‑mddn‑an kullutn ma‑f‑as‑tggr ula mamnk a‑s‑tjji ḥayna.

luqa 8:47 Iomraidhean Croise

matta 28:8

فّوغند‑د‑تمغارين حاينا زغ‑دار‑ومضّال، گُّدنت س‑لفرح ءيگّوتن. دّونت ار‑تازّالنت اد‑اوينت لخبار ءي‑يمحضارن‑نس.

marqus 5:33

تيكساض‑تمغارت‑لّي ار‑تّرگيگيي س‑تاودا، تسّن ماد‑اس‑يجران. تاشك‑يد تضر‑د غ‑دار ءيضارن‑نس تيني‑اس كولّو ماد‑اس‑يجران.

luqa 8:46

ءيمّا ياسوع ءينّا: «ءيگّر‑يّي‑د كرا ن‑يان، اشكو سّحسّاغ ءيس‑زگيگي‑تفّوغ كرا لّباراكا.»

luqa 8:48

ييني‑اس ياسوع: «واي‑يلّي، تجّيت غيلاد اشكو تومنت. زايد س‑سّلامت.»

irqqasn 16:29

ءيغر‑ونگابال ءي‑ماد‑اس‑د‑يتاوين تيفاوت، يازّل س‑دارسن ءيضر‑ن ف‑يفادّن‑نس غ‑لگدّام ن‑بولُس د‑سيلا، ار‑سرس‑تكّات تاودا.

1 kurintus 2:3

غاكود لّيغ‑ن‑دارون‑وشكيغ، ضعفغ ار‑ترگيگييغ طيّر‑يّي باهرا.

2 kurintus 7:15

ءيمّا نتّا ءيحوبّا‑كُن غيلاد س‑وگُّار، اشكو ار‑د‑يسوينگيم مامنك ا‑تي‑تقبلم، تادرم ءي‑يخف‑نّون تسفلدم سرس كولّوكن، توقّرم‑ت باهرا.

filibbi 2:12

ف‑مايان ا‑ف‑را‑كُن‑وصّاغ اي‑ايتما عزّانين، اشكو سّنغ ءيس‑ترام ا‑تسكارم ما‑فلّاون‑يلّان، غيلاد غ‑د‑فلّاون‑اگّوگغ غمكلّي‑تي‑تسكارم غاكود لّيغ‑ن‑ديدون‑لّيغ. ف‑مايان ا‑ف‑راد‑اون‑ينيغ: سكارات كولّو باش ا‑تسّافوم اجنجم لّي‑س‑تنجمّ، ار‑باهرا‑تّوقّارم ربّي ار‑بدّا‑ستّي‑تّاويم غ‑ما‑يرا نتّا.

iɛbrin 12:28

ءيمّا غيلاد غ‑اغ‑يفكا ربّي يات‑تگلديت لّي‑ور‑سار‑را‑يمّاسّ، ءيلّا فلّانّغ ا‑ت‑نتشكار ار‑ت‑نتعباد غمكلّي‑زگينّغ‑يرا، ار‑ت‑نتوقّار ار‑تّ‑نتاوي باهرا غ‑ما‑س‑ا‑ت‑نترضو.