luqa 8:15 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁵ والاينّي غوالّي ءيضرن غ‑واكال ءيفولكين ءيگا زوند مدّن لّي‑سفلدنين ءي‑واوال ن‑ربّي امژن‑ت س‑نّييت ن‑وول‑نسن ءيغوسن، ار‑سرس‑سكارن بلا‑دا‑ترماين، فكن صّابت‑نسن.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁵ walaynni ġwalli iḍrn ġ‑wakal ifulkin iga zund mddn lli‑sfldnin i‑wawal n‑rbbi amẓn‑t s‑nniyt n‑uwl‑nsn iġusn, ar‑srs‑skarn bla‑da‑trmayn, fkn ṣṣabt‑nsn.

luqa 8:15 Iomraidhean Croise

matta 24:13

ءيمّا وانّا ءيبيدّن ءيزگا ار ءيسيگُّرا را‑ينجم.

luqa 11:28

ءيساول ياسوع ييني‑اسن: «ءوگُّار ن‑يمباركين اد‑گان غويلّي سفليدنين ءي‑واوال ن‑ربّي ار‑سرس‑سكارن.»

luqa 6:45

يان ءيفولكين، ار‑د‑يسّوفوغ ما‑يفولكين زغ‑لخزين ن‑وفولكي لّي‑يسّمون غ‑وول‑نس. يان يُخشنّ، ار‑د‑يسّوفوغ ما‑يُخشنّ زغ‑لخزين لّخُشانت لّي‑يسّمون غ‑وول‑نس. اشكو اينّا‑س‑يعمّر‑وول ا‑س‑ا‑يساوال ءيمي.

luqa 8:14

ءيمّا غوالّي ءيضرن غ‑وزگُّار ءيگا زوند مدّن لّي‑سفلدنين ءي‑واوال، دّون ءيلمّا اسين تيغوفيوين ن‑دّونيت‑اد لهون س‑وايدا رشقن س‑تغاوسيوين ياضني. غايان ا‑يشّقاجّين اوال ايلّيغ ءور‑د‑ييوي صّابت.

luqa 8:16

«ءور‑يلّي ما‑يسّرغان لقنديل ءيدل‑ت س‑تكينت نغد ا‑ت‑ين‑يگ غ‑دّو تيسي. والاينّي ف‑يگّي ن‑ماني ياتّوين ا‑ف‑را‑ت‑ين‑يسرس، باش ا‑تبان تيفاوت ءي‑كولّو وانّا‑د‑يكشمن.

yuḥanna 14:15

«ءيغ‑ا‑يّي‑تّيريم، را‑تسكارم س‑لوصيّات‑ينو.

yuḥanna 15:10

ءيغ‑ا‑تسكارم س‑لوصيّات‑ينو را‑تزگام غ‑تايري‑نو، غمكلّي سكارغ س‑لوصيّات ن‑بابا زگاغ غ‑تايري‑نس.

ruma 2:7

لّان كرا ن‑مدّن ار‑بدّا‑سكارن افولكي ار‑ن‑ترجون غ‑دار ربّي ا‑تن‑يسّاتّوي ار‑تن‑يسّيمغور ءيفك‑اسن تودرت ءيدومن. نتني راد‑اسن‑يفك ربّي تودرت لّيخرت.

ruma 6:22

والاينّي ربّي ءيفسي‑اون زغ‑يسكراف ن‑دّنوب. توورّيم تگم ءيسمگان ن‑ربّي، تّياوژلايم ا‑تگم وينس تيلي‑اون لفايتّ ن‑تودرت ءيدومن.

ruma 7:18

سّنغ ءيس‑ور‑يلّي كرا ءيفولكين غ‑دّات‑اد‑ينو. واخّا دا‑تّيريغ اد‑سكارغ افولكي ءور‑ا‑تيژضارغ.

ruma 7:4

غمكاد ا‑تگام ءولا كونّي اي‑ايتما. تمّوتم س‑لموت لّماسيح ءي‑ما‑يگان وين شّرع، ءيطّاف‑كُن يان ياضني، ا‑ت‑يگان د‑والّي‑د‑ينكرن زغ‑لموت باش ا‑نسكار لغلّت ءيفولكين ءي‑ربّي.

ruma 8:25

والاينّي لّيغ ا‑نترجو غ‑مايلّي ءور‑تا‑نژري، هاتي ار‑سرس‑نتقل نزگا غ‑رّجا ارد‑اغ‑ييلي.

1 kurintus 7:19

اشكو تاژالّيت ن‑دّات ءور‑تگي يات، زوند ءيغ‑اس‑يژّولّا زوند ءيغ‑اس‑ور‑يژّولّي. ءيمّا تاغاوسا ءيهيّان ا‑ستّ‑يگان ا‑نسكار س‑لوصيّات ن‑ربّي.

afsus 2:8

هاتي ف‑لحنانت‑نس ا‑ف‑تنجمّ لّيغ سرس تومنم. ءورد ف‑سّيبت ن‑كرا تسكارم كونّي، والاينّي تگا تاوافكا ءيفكا‑ياون‑تّ ربّي.

filibbi 1:11

راد‑اون‑تيگات صّابت ن‑وفولكي لّي‑گيگون‑يسكار ياسوع لماسيح، ءيبان گيگون لمجد ن‑ربّي، الغن‑ت مدّن ف‑سّيبت‑نّون.

kulussi 1:10

غمكان ا‑س‑راد‑كولّو‑تگم غمكلّي‑د‑يقّانّ غويلّي گانين وين سيديتنّغ، ار‑تسكارم س‑ما‑ت‑يرضان، تيلي گيگون صّابت ن‑كولّو ما‑يگان افولكي، تزايدم تيسّانم ربّي غمكلّي ءيگا.

kulussi 1:6

لخبار‑اد ار‑يتكّا دّونيت كولّوتّ، ار‑ياكّا صّابت غ‑كرايگاتّ ماني، غمكلّي ءيسكار صّابت غ‑دارون زغ‑واسّ امزوارو لّي‑غ‑تسفلدم ف‑لباراكا ن‑ربّي تيسّانم لحقّ غمكلّي ءيگا، سول س‑غيلاد.

iɛbrin 10:36

ءيخصّا‑كُن ا‑تصبرم ارد تكمّلم كولّو ما‑گيگون‑يرا ربّي، تكشمّ تيگيرا س‑مايلّي‑س‑اون‑ينّا راد‑اون‑ييلي.

iɛbrin 2:1

مايان ا‑س‑فلّانّغ‑يلّا ا‑ستّ‑نتاوي س‑وگُّار غ‑ما‑مي‑نسفلد، ا‑ور‑نجلو زغ‑وغاراس.

yaɛqub 1:4

ءيمّا غيلاد، زايدات تصبرم ارد تلكمّ تّمي باش ا‑تيمغورم تكمّلم بلا‑كُن‑يخصّا يات.

1 yuḥanna 2:3

غمكاد ا‑س‑را‑نيسّان ءيس‑دارنّغ تاواسّنا ن‑ربّي: اشكو ءيبان گينّغ ءيس‑ا‑نسكار س‑مايلّي‑ف‑اغ‑يوصّا.