luqa 8:13 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹³ ءيمّا غوالّي ءيضرن غ‑يسلي ءيگا زوند مدّن لّي‑سفلدنين ءي‑واوال فرحن سرس والاينّي ءور‑يكشيم‑واوال‑ان س‑وول‑نسن. امنّ غير كرا ن‑ووسّان ارد تيلي تاسّاست س‑كنوكين.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹³ imma ġwalli iḍrn ġ‑isli iga zund mddn lli‑sfldnin i‑wawal frḥn srs walaynni ur‑ikšim‑wawal‑an s‑uwl‑nsn. amnn ġir kra n‑uwssan ard tili tassast s‑knukin.

luqa 8:13 Iomraidhean Croise

marqus 6:20

ءيمّا هيرودوس ار‑يتوقّار يوحانّا، ييسّان ءيس‑يگا ارگاز ءيفولكين ءيگ وين ربّي. ار‑فلّاس‑يتحصار غ‑لامان. ار‑يتّيري اد‑اس‑يسفليد والاينّي غاكود نّا‑ياس‑يسفلد ار‑باهرا‑يتغووض.

luqa 8:12

غوالّي ءيضرن غ‑وغاراس ءيگا زوند مدّن لّي‑سفلدنين ءي‑واوال ياشك‑يد ءيبليس ءيكّيس اوال زغ‑يخف‑نسن باش ا‑ور‑امنّ نجمن.

luqa 8:14

ءيمّا غوالّي ءيضرن غ‑وزگُّار ءيگا زوند مدّن لّي‑سفلدنين ءي‑واوال، دّون ءيلمّا اسين تيغوفيوين ن‑دّونيت‑اد لهون س‑وايدا رشقن س‑تغاوسيوين ياضني. غايان ا‑يشّقاجّين اوال ايلّيغ ءور‑د‑ييوي صّابت.

yuḥanna 15:2

ار‑زگيگي‑يتكّيس تيصطّوين نّا‑ور‑يسكارن لغلّت. ار‑يفرّن كرايگاتّ تاصطّا نّا‑ياكّان لغلّت باش ا‑تيگات لغلّت‑نس س‑وگُّار.

yuḥanna 15:6

وانّا ءور‑گيگي‑يزگان، را‑ن‑يتياوگار س‑برّا زوند تاصطّا، ءيقار. وان تيصطّوين‑ان، ار‑تنت‑سّمونون لوحن‑تنت‑ين غ‑لعافيت اد‑جدرنت.

yuḥanna 5:35

يوحانّا ءيكّا‑تّين ءيگا زوند يا‑لّقنديل ءيرغان ءيفاو، ترضوم ا‑سرس‑تيسفيوم يات تاساعت.

1 kurintus 13:2

ءيغ‑ژضارغ ا‑تّينيغ س‑ماد‑يّي‑يمالا ربّي، ءيغ‑سّنغ لمعنا ن‑كولّو ما‑ينتلن ءولا كولّو ما‑يلّان، ءيغ‑ومنغ ايلّيغ سّيتّيغ يورار بلا‑دا‑تحنّوغ، ءور‑گيغ يات.

1 kurintus 15:2

تنجمّ ف‑سّيبت‑نس ءيغ‑سول‑تغويم غ‑واوال ن‑تبرّاحت‑ينو. هان ءيغ‑ور‑يگي غمكان، هان ليمان‑نّون بلا لفايتّ.

گالاطيّا 3:1

وا‑كونّي ن‑ايت‑گالاطيّا، ءيزد تفّوغم ءيخف‑نّون؟ ءيس‑كُن‑يسّنوفل كرا ن‑يان؟ نملا‑ياون يادلّي مامنك ا‑يمّوت ياسوع لماسيح ف‑وگّجدي، تيسّانم‑ت باهرا.

گالاطيّا 3:4

ءيس‑ور‑يگي يات، كولّو مايلّي دارون ءيجران غايد زرينين؟

afsus 3:17

باش ا‑يزدغ لماسيح غ‑وول‑نّون غمكلّي سرس تومنم. ضالبغ‑ت ا‑كُن‑يژّو غ‑لحنانت ءيزّگا‑كُن گيس،

kulussi 1:23

غمكاد ا‑را‑يسكر ءيغ‑تزوويدم تزگام غ‑لماسيح تامژم‑بدّا گيس بلا تفلم رّجا ءيصحان لّي‑ف‑تسفلدم غ‑واوال لّخبار ءيفولكين. لخبار‑اد ا‑مي‑تّكّا‑تبرّاحت‑نس كولّو دّونيت، وورّيغ گغ اخدّام‑نس ءولا نكّي بولُس.

kulussi 2:7

زّوگزات تادروت ن‑لّساس‑نّون غ‑لماسيح ار‑فلّاس‑تبنّوم، تامژم گيس ار‑تّدوسم غمكلّي تلمدم، ار‑بدّا‑تّشكارم ربّي.

1 tasaluniki 3:5

ماياد ا‑ف‑ت‑ين‑وزنغ س‑دارون، اشكو ءور‑ژضارغ اد‑سول‑صبرغ. ءيخصّا‑يّي اد‑يسّانغ ءيس‑سول‑تزگام غ‑وغاراس ن‑ربّي نغد ءوهو، اشكو كسوضغ ا‑كُن‑ور‑يسّضر ءيبليس، تضر ءولا تاووري‑نّغ غ‑گراتون بلا لفايتّ.

1 timutaws 1:19

زّگا ءيخف‑نّك غ‑وغاراس لّماسيح، د‑ا‑ور‑تادجت كرا يُخشنّ ا‑يكشم س‑وول‑نّك. هان كرا ن‑مدّن ءور‑ا‑ستّي‑تاوين غ‑ماد‑اسن‑يمالا‑وول‑نسن. د‑غايان ا‑ف‑ا‑ترژّا تاناوت لّيمان‑نسن،

iɛbrin 10:39

ءيمّا نكُّني ءور‑نگي زغ‑ويلّي وورّينين تيغوردين تياوهلاكن، هاتي نگا زغ‑ويلّي ءومنّين نجمن.

yaɛqub 2:26

هان ءيمّوت ليمان غ‑ور‑لّين ءيفولكيتن، غمكلّي تّمتات دّات نّا‑غ‑ور‑تلّي رّوح ن‑تودرت.

2 bṭrus 2:20

ءيغ‑د‑نجمن مدّن زغ‑يركان ن‑دّونيت س‑تواسّنا ن‑ونجّام سيديتنّغ ياسوع لماسيح والاينّي وورّين تيگيرا تياسّاسن‑داغ س‑يركان‑ان ايلّيغ‑تن‑نران، هاتي يوورّي ءيسيگُّرا ن‑مدّن‑ان يُخشن ءوگُّار ن‑يسيزوار‑نسن.

2 bṭrus 2:22

سكرن نتني زوند لمعنا‑ياد ءيلّان: يوضا‑ويدي س‑يراران‑نس، توورّي تيلفت لّي‑يارودن ا‑ترورض غ‑تالّاغت.

1 yuḥanna 2:19

فّوغن نتني زغ‑دارنّغ والاينّي ءورد زغ‑گينّغ ا‑زغ‑گان. مراد ءيس‑زگينّغ‑گان ءيكون ديدنّغ قامان، والاينّي نسّن كولّوتن ءور‑گين زغ‑گينّغ، اشكو فّوغن زغ‑دارنّغ.

yahuda 1:12

ءيركان اد‑گان غ‑دارون لّيغ ا‑ديدون‑تمونون ف‑يمنسيون‑نّون، ار‑شتّان ار‑ضصّان ءي‑نگراتسن بلا‑دا‑تحشامن، ار‑تسالان غير ءيخفاون‑نسن. گان زوند تيمدلا لّي‑غ‑ور‑لّين‑وامان، ار‑تنت‑يدحاي‑واضو. گن زوند ءيسغارن بلا لغلّت غ‑وزمز‑نس، مّوتن ف‑سنات‑توال، اكوفن زغ‑يژوران.