luqa 7:37 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁷ تاشك‑يد غاكودان يات‑تمغارت ءولّت‑تمدينت‑ان، تگا تاد ءيسكارن ما‑يُخشنّ. تسفلد ف‑ياسوع ءيس‑يلّا غ‑تگمّي ن‑وفاريسي، تاسي‑د يات‑تبوقّالت ن‑وژرو لّي‑غ‑تلّا توجّوت ءيشوان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁷ tašk‑id ġakudan yat‑tmġart ullt‑tmdint‑an, tga tad iskarn ma‑yʷh̬šnn. tsfld f‑yasuɛ is‑illa ġ‑tgmmi n‑ufarisi, tasi‑d yat‑tbuqqalt n‑uẓru lli‑ġ‑tlla tujjut išwan.

luqa 7:37 Iomraidhean Croise

matta 21:31

ءيسقسا‑تن ياسوع: «مانوا غ‑سين‑اد ا‑يسكرن ما‑يرا باباس؟» ءينين‑اس: «امزوارو.» ءيرار‑اسن ياسوع: «لحقّ ا‑راد‑اون‑ينيغ، ار‑كُن‑زگّورونت‑تمگّانين د‑ايت‑نكّاس س‑تگلديت ن‑ربّي.

luqa 18:13

ءيمّا بو‑نكّاس، ءيبيدّ‑ن غ‑تغوردين. ءور‑يژضار ا‑يالّ الّن‑نس س‑يگّي. ار‑يكّات ف‑يدمارن‑نس ار‑يتّيني: ‹وا‑ربّي صامح‑يّي، ءيگّوت ماد‑سكرغ يُخشن.›

luqa 19:7

لّيغ‑ت‑ژران مدّن‑ان گّوتنين، ار‑كولّو‑تنگموگن ءي‑نگراتسن ار‑تّينين: «هاتي ءيكشم ا‑يگ انبگي غ‑دار بو‑دّنوب‑اد.»

luqa 5:30

ءيمّا ءيفاريسين د‑يمسلمدن ن‑شّرع زغ‑لمدهب‑نسن ار‑سّنگموگن ف‑يمحضارن ن‑ياسوع ءينين‑اسن: «ماخ ايلّيغ ا‑تشتّام ار‑تسّام د‑ويلّي تامژنين نكّاس ءولا مدّن‑ان أُخشنّين؟»

luqa 5:32

ءور‑د‑وشكيغ ا‑ن‑غرغ ءي‑ويلّي غالنين ءيس‑فولكين، والاينّي ءوشكيغ‑د ا‑ن‑غرغ ءي‑ويلّي أُخشنّين، اد‑فلن لخُشانت‑نسن.»

luqa 7:34

اشكغ‑د نكّي لّي‑يگان يوس ن‑بنادم ار‑شتّاغ ار‑سّاغ، ار‑فلّا‑تّينيم: ‹غواد ءيگا بو‑وديس ءيگ اسكايري، ءيگ امدّاكُّل ن‑ايت‑نكّاس د‑وييّاض أُخشنّين.›

luqa 7:36

يان‑وفاريسي ءيضالب ياسوع ا‑ديدس‑يشّ ءيمكلي. ءيكشم س‑تگمّي ن‑وفاريسي ءيگاور ا‑يشّ.

yuḥanna 11:2

ماريام‑اد مي يوضن گماس ليعازر تگا ختالّي ءيفّين اسافار ف‑يضارن ن‑ياسوع تسفيض‑تن س‑وازّار‑نس.

yuḥanna 9:24

ازنّ‑داغ ءيمغارن س‑والّي‑ستّين ءيكّان ءيبوكض، ءينين‑اس: «نگا‑ن سرك ربّي ا‑ور‑تسّكاركست. نسّن غوان ءيس‑يفّوغ اغاراس ن‑ربّي.»

yuḥanna 9:31

نسّن ءيس‑ور‑را‑يسفليد ربّي ءي‑يان ءيفّوغن اغاراس‑نس، والاينّي يان‑ت‑يتوقّارن ار‑يسكار ما‑ت‑يرضان، نتّان ا‑مي‑يسفليد ربّي.

ruma 5:8

والاينّي ربّي ءيملا‑ياغ منشك ا‑س‑گينّغ‑يحنّا، اشكو ءيمّوت فلّانّغ لماسيح لّيغ سول ا‑نتسالا دّنوب.

1 timutaws 1:15

اوال ءيزگان اياد، ءيقّان‑د كود يان ا‑ت‑يامن: يوشكا‑د لماسيح ياسوع س‑دّونيت باش ا‑يجّنجم مدّن أُخشنّين، د‑نكّي ا‑كولّو‑گيسن‑يُخشنّ.

1 timutaws 1:9

والاينّي ءيقّان‑د ا‑نيسّان ءيزد ف‑سّيبت ن‑ويلّي أُخشنّين ا‑ف‑د‑يفكا ربّي شّرع، ءورد ف‑سّيبت ن‑ويلّي فولكينين. ءيفك‑ت‑يد ف‑ويلّي ءور‑رينين شّرع فّوغن زغ‑گيس. ءيفك‑ت‑يد ف‑ويلّي رورنين تيغوردين‑نسن س‑ربّي ار‑تسالان دّنوب، ءور‑ا‑توقّارن ربّي ءولا‑دا‑تّيرين اغاراس‑نس. ءيفك‑ت‑يد ف‑ويلّي نقّانين باباتسن نغد ءينّاتسن ءولا غويلّي نقّانين وييّاض.

1 bṭrus 4:18

غمكلّي ءيتياران: «ءيغ‑يشقا ا‑ينجم يان ءيفولكين ما‑را‑يجرو ءي‑يان ءيرورن تيغوردين‑نس س‑ربّي ءولا يان ءيسالان دّنوب؟»