luqa 7:29 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²⁹ لّيغ سفلدن مدّن‑ان گّوتنين د‑يد‑بو‑نكّاس ءي‑ماياد، ءينين ءي‑نگراتسن: «ربّي ار‑بدّا‑يسكار افولكي.» اشكو ف‑وفوس ن‑يوحانّا ا‑ف‑دّمن غ‑وامان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²⁹ lliġ sfldn mddn‑an ggutnin d‑id‑bu‑nkkas i‑mayad, inin i‑ngratsn: «rbbi ar‑bdda‑iskar afulki.» ašku f‑ufus n‑yuḥanna a‑f‑ddmn ġ‑waman.

luqa 7:29 Iomraidhean Croise

matta 5:46

ءيغ‑ا‑تّحنّوم غير غ‑ويلّي گيگون تحنّونين، ما‑لّباراكا ا‑راد‑اون‑ييلي؟ ءيس‑ورد غمكان اد‑سكارن ايت‑نكّاس ءولا نتني؟

luqa 20:6

والاينّي ءيغ‑ننّا ‹بنادم ا‑ت‑يد‑يوزنّ› راد‑اغ‑كّاتن كولّو مدّن‑اد س‑يژران، اشكو ار‑تّينين نتني ءيزد س‑صّاحت يوحانّا يان‑نّابي ا‑يگا.»

luqa 3:12

اشكين‑د دارس ءيلمّا كرا زغ‑ويلّي تامژنين ءيقاريدن ن‑نكّاس، ءيرين ا‑تن‑يسّدّم، سقسان‑ت: «واي‑امسلمد، ماد‑اغ‑د‑يقّانّ ا‑ت‑نسكر نكُّني؟»

luqa 7:28

راد‑اون‑ينيغ، ءور‑يلّي غ‑تاروا ن‑تمغارين يان يوگُرن يوحانّا. ءيمّا واد كولّو ءيمژّين غ‑تگلديت ن‑ربّي، يوگُر يوحانّا.»

luqa 7:35

والاينّي تاحكيمت ن‑ربّي، كولّو ويلّي سرس سكارنين ار‑تّ‑ين‑تافان تُغژان.»

irqqasn 18:25

ءيسفلد ف‑ولمّود ن‑وغاراس ن‑سيديتنّغ، ار‑يساوال س‑مدّن س‑زّعامت ءيگّوتن. ار‑تن‑يسّلماد ف‑يسكّيرن ن‑ياسوع د‑يواليون‑نس غمكلّي گان، والاينّي ءور‑يسّين ف‑ودوم ابلا غوالّي‑س‑ا‑يسّدّام يوحانّا.

irqqasn 19:3

ءيسقسا‑تن ءيلمّا: «ما‑يگا‑ودوم لّي‑س‑تدّمّ؟» ءينين‑اس: «ءودوم لّي‑س‑ا‑يسّدّام يوحانّا.»

ruma 10:3

ءور‑فهيمن اغاراس لّي‑س‑ا‑يترضو ربّي ف‑مدّن، والاينّي ار‑تّيرين اد‑رضون ربّي س‑مامنك ياضني، ايلّيغ ءور‑اكُّ‑ومژن اغاراس لّي‑يرا نتّا.

anurẓm 15:3

ار‑تّيريرن اسين امارگ ن‑موسا اخدّام ن‑ربّي د‑ومارگ ن‑ولقّاغ ار‑تّينين: «وا‑سيدي ربّي لّي‑يحكامن كولّو ما‑يلّان، ءيمقّور كولّو ما‑تسكارت، لعجب ا‑يگا. واي‑اگلّيد ن‑تاسوتين، يُغژان كولّو ما‑تّنباطّ. لحقّ ا‑يگا.

anurẓm 16:5

سفلدغ ءي‑لمالاك لّي‑يگابلن امان ءينّا: «وا‑ربّي امژلاي لّي‑يلّان ءيكّا‑تّين بدّا ءيلّا، س‑لحقّ ا‑س‑توتّ لحوكم‑اد ف‑بنادم،