luqa 7:12 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹² لّيغ‑ن‑يلكم ءيمي ن‑تمدينت، ها‑كرا ن‑مدّن ءوسين‑د يان‑وعيّال ءيمّوت. ءيگا يوس ن‑يات‑تهجّالت، د‑نتّات ءور‑دارس ابلا نتّان. ءيلين ديدس كيگان د‑ايت‑تمدينت‑ان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹² lliġ‑n‑ilkm imi n‑tmdint, ha‑kra n‑mddn usin‑d yan‑uɛyyal immut. iga yus n‑yat‑thjjalt, d‑nttat ur‑dars abla nttan. ilin dids kigan d‑ayt‑tmdint‑an.

luqa 7:12 Iomraidhean Croise

luqa 7:11

تيغوردين ن‑مايان ءيدّو ياسوع س‑يات‑تمدينت لّي‑مي‑تّينين ناين، مونّ ديدس ءيمحضارن‑نس د‑وييّاض گّوتنين.

luqa 7:13

لّيغ‑تّ‑يژرا سيديتنّغ تقاما گيس باهرا، ييني‑اس: «اد‑ور‑تالّات.»

luqa 8:42

اشكو ار‑اس‑تّمتات ءيلّيس، ءور‑دارس ابلا نتّات. تگ ءيلّيس ن‑سين د‑مراو ن‑وسگُّاس. ءيفتو ياسوع ءيمون ديدس، والاينّي ار‑ت‑باهرا‑سّنوكمون مدّن زغ‑كرايگاتّ تاسگا.

luqa 8:52

كولّو ويلّي لّانين غين ار‑الّان ار‑سّغويّون. ءيمّا ياسوع ءينّا‑ياسن: «اد‑ور‑تالّام. هان ءور‑تمّوت. غير تگن.»

yuḥanna 11:19

ءوشكان‑د مدّن گّوتنين ن‑ايت‑يودايا س‑دار مارتا د‑ماريام ا‑تنت‑صبّرن ف‑گماتسنت.

irqqasn 9:39

ءينكر بطرُس ءيمون ديدسن. لّيغ ءيروح تيگمّي سّغلين‑ت س‑وحانو. اشكيند‑د‑تهجّالين كولّوتنت لولّينت ءي‑بطرُس ار‑الّانت ار‑اس‑مالانت ءيقشبان د‑يسلهامن لّي‑تسكر طابيتا لّيغ سول ديدسنتي تلّا.

irqqasn 9:41

ءيمدي‑اس‑ن بطرُس افوس‑نس ءيسّبيدّ‑ستّ ف‑يضارن‑نس. ءيغر س‑يمژلاين ن‑ربّي د‑تهجّالين، ءيفك‑اسن‑تّ‑يد تدّر.

yaɛqub 1:27

ءيمّا يان دار ليمان ءيفولكين ءيصحان غ‑يژري ن‑ربّي باباتنّغ، غمكاد ا‑را‑يگ: ار‑يتعاوان ءيگيگيلن د‑تهجّالين غ‑تنوكموت‑نسن، ار‑يتانف ءي‑يركان ن‑دّونيت.