luqa 6:6 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁶ يان‑واسّ ن‑وسونفو ياضني ءيكشم ياسوع س‑تگمّي ن‑تژالّيت ار‑يسّلماد. ءيلّا غين يان‑ورگاز ءيمّوت‑اس‑وفوس افاسي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁶ yan‑wass n‑usunfu yaḍni ikšm yasuɛ s‑tgmmi n‑tẓallit ar‑isslmad. illa ġin yan‑urgaz immut‑as‑ufus afasi.

luqa 6:6 Iomraidhean Croise

matta 4:23

ءيزايد ياسوع ار‑يتكّا تامازيرت ن‑جاليل كولّوتّ، ار‑يسّلماد غ‑تگُمّا ن‑تژالّيت، ار‑يتبرّاح س‑لخبار ءيفولكين ن‑تگلديت ن‑يگنّا، ار‑يجّوجّي مدّن زغ‑كرايگاتّ تاماضونت ءولا كرايگاتّ اطّان نّا‑گيسن‑يلّان.

luqa 13:10

ءيلّا ياسوع غ‑يات‑تگمّي ن‑تژالّيت غ‑واسّ ن‑وسونفو ار‑يسّلماد.

luqa 14:3

ءيساول ياسوع ءي‑يمسلمدن ن‑شّرع د‑يفاريسين ءيسقسا‑تن: «ما‑يتّيني شّرع ن‑موسا؟ ءيس‑يحلّا ا‑نجّوجّي غ‑واسّ ن‑وسونفو نغد ءوهو؟»

luqa 4:16

ياشك‑يد ياسوع س‑تمدينت ن‑ناصيرا، غ‑يلّيغ‑تّين‑يكّا غ‑مژّيي‑نس. ءيكشم س‑تگمّي ن‑تژالّيت غ‑واسّ ن‑وسونفو غمكلّي بدّا ءيسكار. ءينكر ا‑يغر ف‑مدّن،

luqa 4:31

ياشك‑يد ياسوع س‑كافرناحوم، تگا يات‑تمدينت غ‑جاليل. ار‑يكشّم س‑تگمّي ن‑تژالّيت غ‑ووسّان ن‑وسونفو ار‑يسّلماد.

luqa 6:1

يان‑واسّ ن‑وسونفو ءيفتا ياسوع غ‑يگران غ‑گر ءيمندي. ار‑تكّيسن ءيمحضارن‑نس تيزلفين ار‑تنت‑جّمجورون غ‑گر ءيفاسّن‑نسن ار‑تنت‑شتّان.

luqa 6:5

ءيزايد ياسوع ييني‑اسن: «ءيمّا نكّي لّي‑يگان يوس ن‑بنادم، گيغ سيديس ن‑واسّ ن‑وسونفو.»

yuḥanna 5:3

ار‑گيسن‑گانّ ءيموضان گّوتنين، ءيبوكاضن د‑يبيضارن د‑يكوشامن.

yuḥanna 9:16

كرا غ‑يفاريسين ار‑يتّيني: «غوان، ءيبان ءيس‑ورد ربّي ا‑ت‑يد‑يوزنّ اشكو ار‑يسكار غ‑واسّ ن‑وسونفو ما‑گيس‑ور‑يحلّان.» ءيمّا وييّاض ار‑تّينين: «يان ءيفّوغن اغاراس ن‑ربّي، ءيس‑يژضار ا‑يسكار زوند لمعجيزات‑اد؟» بضون نتني ءي‑نگراتسن.