luqa 6:45 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴⁵ يان ءيفولكين، ار‑د‑يسّوفوغ ما‑يفولكين زغ‑لخزين ن‑وفولكي لّي‑يسّمون غ‑وول‑نس. يان يُخشنّ، ار‑د‑يسّوفوغ ما‑يُخشنّ زغ‑لخزين لّخُشانت لّي‑يسّمون غ‑وول‑نس. اشكو اينّا‑س‑يعمّر‑وول ا‑س‑ا‑يساوال ءيمي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴⁵ yan ifulkin, ar‑d‑issufuġ ma‑ifulkin zġ‑lh̬zin n‑ufulki lli‑issmun ġ‑uwl‑ns. yan yʷh̬šnn, ar‑d‑issufuġ ma‑yʷh̬šnn zġ‑lh̬zin l‑lh̬ʷšant lli‑issmun ġ‑uwl‑ns. ašku aynna‑s‑iɛmmr‑uwl a‑s‑a‑isawal imi.

luqa 6:45 Iomraidhean Croise

yuḥanna 7:38

وانّا سري يومنّ، ‹ءيسافّن ن‑وامان ن‑تودرت ا‑را‑يفتو زغ‑وول‑نس› غمكلّي ءيتياران.»

irqqasn 5:3

ءينكر بطرُس ييني‑اس: «وا‑حانانيّا، ماخ ايلّيغ تودجيت شيطان ا‑يكشم س‑وول‑نّك باش ا‑تسّكاركست ف‑رّوح لقودوس تحضوت كرا زغ‑مايلّي تومژت غ‑يگر‑نّك؟

afsus 3:8

واخّا مژّيغ باهرا غ‑گر كولّو ءيمژلاين ن‑ربّي، ءيفكا‑يّي لباراكا‑ياد اد‑تبرّاحغ ءي‑ايت‑تميزار ن‑دّونيت ف‑تميخار لّماسيح لّي‑وگُرنين كولّو ءيسوينگيمن ن‑بنادم.

afsus 4:29

ا‑ور‑تادجم كرا ن‑يواليون أُخشنّين ا‑تكّان ءينفورن‑نّون. ساوالات س‑يواليون شوانين لّي‑را‑يعاون غويلّي سفليدنين غ‑مايلّي حتاجّان، اوين‑اسن‑د لباراكا.

afsus 5:19

ار‑تساوالم ءي‑نگراتون س‑يواليون ن‑يموريگن ن‑ربّي ءولا تاهليلات ءولا تالغاتين نّا‑ياون‑يمالا رّوح لقودوس، ار‑تّيريرم ار‑تّاسيم امارگ ءي‑سيديتنّغ زغ‑وولاون‑نّون،

kulussi 3:16

ادجات اوال لّماسيح ا‑يعمّر ءولاون‑نّون، ار‑تسّلمادم ار‑تّنصاحم ءي‑نگراتون س‑كولّو ما‑يگان تاحكيمت، ار‑تّيريرم ءي‑ربّي ار‑تّاسيم ءيموريگن د‑تاهليلات د‑تالغاتين نّا‑ياون‑يمالا رّوح لقودوس، ار‑تي‑تّشكارم زغ‑وولاون‑نّون.

kulussi 4:6

ساوالات س‑يواليون شوانين ميمنين، تيسّانم مامنك ا‑تّرارام ءي‑كرايگاتّ يان اوال نّا‑ت‑يخصّان.

iɛbrin 8:10

والاينّي غمكاد ا‑را‑يگ لعهد لّي‑راد‑سكرغ د‑مدّن‑ينو غ‑ووسّان‑ان. را‑ن‑گغ تينباضين‑ينو غ‑يخفاون‑نسن، اراغ‑تنت ف‑وولاون‑نسن. راد‑گغ ربّي‑نسن، گن نتني مدّن‑ينو.

yahuda 1:15

باش ا‑يحكام ف‑كولّو مدّن. را‑يهلك كولّو ويلّي سرس رورنين تيغوردين ف‑سّيبت ن‑يسكّيرن‑نسن أُخشنّين لّي‑سكارن س‑لخُشانت لّي‑گيسن‑يلّان، ءولا ف‑كولّو تيرگّام لّي‑س‑ت‑رگمن.»