luqa 6:35 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³⁵ والاينّي حنّوات غ‑ينوّاشن‑نّون، ار‑اسن‑تسكارم لخير. رطّلات بلا‑دا‑تسوينگيمّ ا‑تامژم ارطّال‑نّون تيگيرا. غمكاد ا‑س‑را‑تگم تاروا ن‑ربّي اماتّوي، تيلي‑اون لباراكا ءيگّوتن. اشكو نتّا ار‑يتفولكي د‑ويلّي‑ت‑ور‑تشكارنين د‑ويلّي سكارنين ما‑يُخشنّ.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³⁵ walaynni ḥnnwat ġ‑inuwwašn‑nnun, ar‑asn‑tskarm lh̬ir. rṭṭlat bla‑da‑tswingimm a‑tamẓm arṭṭal‑nnun tigira. ġmkad a‑s‑ra‑tgm tarwa n‑rbbi amattuy, tili‑awn lbaraka iggutn. ašku ntta ar‑itfulki d‑willi‑t‑ur‑tškarnin d‑willi skarnin ma‑yʷh̬šnn.

luqa 6:35 Iomraidhean Croise

matta 5:9

ءيمباركين اد‑گان غويلّي سكارنين سّلامت، اشكو نتني ا‑را‑يگ ربّي د‑تاروا‑نس.

marqus 5:7

ءيغوّت س‑جّهد ييني‑اس: «وا‑ياسوع يوس ن‑ربّي اماتّوي، ما‑يلّان غ‑گريّي ديدك؟ گيغ‑ن سرك سيدي ربّي ا‑ور‑يّي‑تسّرفوفنت.»

luqa 1:32

را‑يگ واد باهرا ءيهيّان. راد‑اس‑تّينين ‹يوس ن‑وماتّوي›. راد‑اس‑يفك سيدي ربّي لعرش ن‑جدّيس داود،

luqa 6:36

تحنّوات غ‑وييّاض غمكلّي ءيتحنّو ربّي باباتون.

yuḥanna 13:35

غمكاد ا‑س‑راد‑يسّانّ كولّو مدّن ءيزد ءيمحضارن‑ينو ا‑تگام، ءيغ‑ا‑تّحنّوم ءي‑نگراتون.»

yuḥanna 15:8

غمكاد ا‑س‑را‑يتمجّد بابا، اشكو را‑تسكارم لغلّت ءيگّوتن، ءيبان گيگون ءيس‑تگام ءيمحضارن‑ينو.

irqqasn 14:17

والاينّي ءور‑كُن‑يفيل بلا تاماتارت ن‑يس‑يلّا نتّان، اشكو ءيملا‑ياون‑د منشك ا‑باهرا‑يفولكي. ار‑اون‑د‑ياكّا انژار زغ‑يگنوان ءولا تامگرا غ‑وزمز‑نس. ار‑يشّباع اديس‑نّون س‑ومشّو ءيعمّر ءول‑نّون س‑لفرح.»

2 kurintus 8:9

تسّنم لحنانت ن‑سيديتنّغ ياسوع لماسيح. واخّا ءيطّاف ما‑يگّوتن، يوورّي بلا يات ف‑سّيبت‑نّون. ءيفل كولّو ما‑دارس‑يلّان، باش ا‑توورّيم تطّافم ما‑يگّوتن.

2 timutaws 3:2

اشكو راد‑تسالان مدّن غير ءيخفاون‑نسن ار‑تسالان ءيقاريدن، ار‑تالغن ار‑سّيمغورن اگايّو‑نسن ار‑رگّمن وييّاض. ءور‑راد‑سفليدن س‑ايت‑دارسن ءولا‑دا‑تشكارن يان ءولا‑دا‑تّيرين ربّي.