luqa 6:21 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²¹ ءيمباركين ا‑تگام ا‑ويلّي ياغ لاژ غيلاد، اشكو كونّي ا‑را‑يشبع. ءيمباركين ا‑تگام ا‑ويلّي الّانين غيلاد، اشكو كونّي ا‑را‑يضصّا.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²¹ imbarkin a‑tgam a‑willi yaġ laẓ ġilad, ašku kunni a‑ra‑išbɛ. imbarkin a‑tgam a‑willi allanin ġilad, ašku kunni a‑ra‑iḍṣṣa.

luqa 6:21 Iomraidhean Croise

matta 5:4

ءيمباركين اد‑گان غويلّي الّانين، اشكو نتني ا‑مي‑را‑يسفيض ربّي ءيمطّاون‑نسن.

matta 5:6

ءيمباركين اد‑گان غويلّي ياغ لاژ ءولا ءيريفي ءي‑ما‑يرضان ربّي، اشكو نتني ا‑را‑يشبع.

luqa 1:53

ءيشّباع س‑تميخار غويلّي ءينغا لاژ، ءيرار ايت‑وايدا بلا يات.

luqa 6:20

ءيسّماقّل ياسوع غ‑يمحضارن‑نس ييني‑اسن: «ءيمباركين ا‑تگام ا‑ويلّي حتاجّانين، اشكو كونّي ا‑مي‑تلّا‑تگلديت ن‑ربّي.

luqa 6:22

ءيمباركين ا‑تگام ءيغ‑كُن‑كورهان مدّن سّوفغن‑كُن رگمن‑كُن ار‑فلّاون‑تّينين ‹كونّي تُخشنم› ف‑سّيبت ن‑ما‑تگام وين يوس ن‑بنادم.

luqa 6:25

تاگوضي ا‑راد‑اون‑ييلي، ا‑ويلّي شبعانين غيلاد، اشكو را‑كُن‑ياغ لاژ. تاگوضي ا‑راد‑اون‑ييلي، ا‑ويلّي ضصّانين غيلاد، اشكو را‑كُن‑تيگُراژ ار‑تالّام.

yuḥanna 11:35

ار‑يالّا ياسوع.

yuḥanna 4:10

ءيساول ياسوع ييني‑اس: «مراد ءيس‑تسّنت تاوافكا ن‑ربّي ءولا ما‑يگا غواد‑ام‑ينّان ‹فك‑يّي اد‑سوغ،› ءيكون تضالبت‑يّي فكغ‑ام امان ن‑تودرت.»

yuḥanna 6:35

ءيساول ياسوع ييني‑اسن: «نكّي ا‑يگان اغروم ن‑تودرت. وانّا‑د‑سري‑يوشكان، ءور‑سار‑ت‑ياغ لاژ. وانّا سري يومنّ، ءور‑سار‑ت‑ياغ ءيريفي.

1 kurintus 4:11

سول س‑غيلاد ار‑نتقاما س‑لاژ ءولا ءيريفي. ءيدربالن ا‑نلسّا، د‑يباريقن ا‑نشتّا، ءولا دارنّغ مانيغ ا‑نتگاوار.

2 kurintus 11:27

ار‑كّاتغ تاكرّايت ار‑كّاتغ تامّارا. منّاوت‑توال اد‑سّيكّيغ ءيطس، ءور‑شّيغ ءولا سويغ. ءور‑داري ماد‑شتّاغ ءولا ماد‑لسّاغ ءولا مانيغ ا‑تنتالغ ءي‑وسمّيض.

2 kurintus 12:10

ار‑تقناعغ نكّي غاكود نّا‑ضعفغ، ءولا غاكود نّا‑يّي‑رگمن مدّن ءولا غاكود نّا‑كّاتغ تامّارا ار‑ترفوفونغ ار‑زرايغ غ‑تنوكموت ف‑سّيبت لّماسيح. اشكو غاكود نّا‑ضعفغ، هاتي تجهّدغ.

2 kurintus 6:10

واخّا دا‑گينّغ‑يتقاما لحال، ار‑بدّا‑نتفراح. واخّا نگا ءيمژلاض، ءيگّوت ما‑زگينّغ‑يتامژن لخير. واخّا ءور‑دارنّغ يات، نطّاف كرايگاتّ كرا.

yaɛqub 1:12

امباركي ا‑يگا وانّا ءيصبرن ءيزگان غ‑تاساعت ن‑تنوكموت. اشكو لّيغ ءيتيارام سول‑يزگا، راد‑اس‑ييلي تّاج ن‑تودرت ءيدومن لّي‑ف‑ينّا ربّي را‑ت‑يفك ءي‑ويلّي رانين ربّي.

anurẓm 21:3

سفلدغ ءي‑يان‑واوال ءيتجهّدن ءيساول‑د زغ‑دار لعرش ييني: «هاتي غ‑گر بنادم ا‑غ‑را‑تيلي‑تزدغت ن‑ربّي، ءيزدغ غيلاد غ‑وامّاس‑نسن، گن ايت‑دارس. ربّي راد‑ديدسن‑ييلي، ءيگ ربّي‑نسن.

anurẓm 7:16

ءور‑سار‑تن‑ينغي لاژ ءولا ءيريفي. ءور‑سار‑تن‑توت تافوكت ءولا ءيجاوان.