luqa 5:32 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³² ءور‑د‑وشكيغ ا‑ن‑غرغ ءي‑ويلّي غالنين ءيس‑فولكين، والاينّي ءوشكيغ‑د ا‑ن‑غرغ ءي‑ويلّي أُخشنّين، اد‑فلن لخُشانت‑نسن.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³² ur‑d‑uškiġ a‑n‑ġrġ i‑willi ġalnin is‑fulkin, walaynni uškiġ‑d a‑n‑ġrġ i‑willi ʷh̬šnnin, ad‑fln lh̬ʷšant‑nsn.»

luqa 5:32 Iomraidhean Croise

matta 18:10

اويات‑ستّ غ‑يخف‑نّون ا‑ور‑تحگرم يان غ‑يمژّيين‑اد. اشكو راد‑اون‑ينيغ، لمالايكا‑نسن ار‑ن‑بدّا‑تمونون د‑بابا ربّي لّي‑يلّان غ‑يگنّا.

matta 9:13

زايدات تسوانگمّ غ‑وارّا ن‑ربّي لّي‑ينّان ‹ريغ دارون لحنانت، ءورد تيغرسي.› ءيمّا نكّي، ءور‑د‑وشكيغ ا‑ن‑غرغ ءي‑ويلّي غالنين ءيس‑فولكين، والاينّي ءوشكيغ‑د ا‑ن‑غرغ ءي‑ويلّي أُخشنّين.»

marqus 15:10

اشكو بيلاطوس ءيسّن ءينمغورن ن‑تگمّي ن‑ربّي ءيس‑حسادن ياسوع، غايان كا‑ف‑ت‑يد‑دحين.

marqus 15:7

ءيلّا يان غ‑لحبس غ‑ووسّان‑ان، ءيسم‑نس بارابّاس. ءيتياماژ نتّا د‑وييّاض لّيغ سّنكرن ءودووي ف‑سّولطا ن‑رّومان، نغن كرا ن‑مدّن.

marqus 2:17

لّيغ ءيسفلد ياسوع ءي‑ماد‑نّان ييني‑اسن: «ءورد غويلّي دوسنين ا‑يحتاجّان اطبيب والاينّي غويلّي ءوضنّين. ءور‑د‑وشكيغ ا‑ن‑غرغ ءي‑ويلّي غالنين ءيس‑فولكين، والاينّي ءوشكيغ‑د ا‑ن‑غرغ ءي‑ويلّي أُخشنّين.»

luqa 15:10

غمكاد ا‑س‑راد‑اون‑ينيغ، ار‑تفراحن لمالايكا ن‑ربّي س‑يان‑ن‑يفلن كولّو ما‑يسكار يُخشن يوورّي‑د س‑وغاراس ن‑ربّي.»

luqa 15:7

غمكاد ا‑س‑راد‑اون‑ينيغ، راد‑فرحن ايت‑يگنوان س‑يان‑ن‑يفلن كولّو ما‑يسكار يُخشن يوورّي‑د س‑وغاراس ن‑ربّي ءوگُّار ن‑تژا ن‑يد‑مراو د‑تژا لّي‑غالنين ءيس‑شوان ءور‑تن‑يخصّا اد‑فلن دّنوب‑نسن.

luqa 19:10

ءوشكيغ‑د نكّي لّي‑يگان يوس ن‑بنادم اد‑سيگّلغ س‑ويلّي جلانين جّنجمغ‑تن.»

luqa 24:47

تفّوغ‑تبرّاحت س‑يسم‑نس زغ‑وروشاليم ارد تلكم كولّو تيميزار ن‑دّونيت، سفلدن كولّو مدّن ف‑مامنك ا‑س‑ژضارن اد‑فلن دّنوب‑نسن ءيصامح‑اسن ربّي.

luqa 5:31

ءيساول ياسوع ييني‑اسن: «ءورد غويلّي دوسنين ا‑يحتاجّان اطبيب والاينّي غويلّي ءوضنّين.

luqa 5:33

سقسان‑ت: «ماخ ايلّيغ ا‑باهرا‑تاژومن ار‑تژالّان ءيمحضارن ن‑يوحانّا ءولا ءيمحضارن ن‑يفاريسين، ءيمّا ءيمحضارن‑نّك كيّي ار‑شتّان ار‑سّان؟»

irqqasn 17:30

غايد ءيزرين ءيصبر ربّي د‑ويلّي ءور‑سّينّين مايان. ءيمّا غيلاد يومر كولّو مدّن غ‑كرايگاتّ ماني اد‑فلن كولّو ماد‑سكارن يُخشن.

irqqasn 2:38

ءيساول بطرُس ييني‑اسن: «فلات كولّو ما‑تسكارم يُخشن، ءيدّم كود يان گيگون غ‑وامان س‑يسم ن‑ياسوع لماسيح، اد‑اون‑يصامح ربّي ف‑دّنوب‑نّون ءيفك‑اون لباراكا ن‑رّوح لقودوس.

irqqasn 20:21

ار‑بدّا‑تّينيغ س‑لمعقول ءي‑ايت‑يودايا ءولا ءيبرّانيين اد‑فلن كولّو ماد‑سكارن يُخشن، وورّين س‑ربّي امنّ س‑سيديتنّغ ياسوع.

irqqasn 3:19

ماياد ا‑ف‑راد‑اون‑ينيغ، فلات كولّو ما‑تسكارم يُخشن، توورّيم‑د س‑ربّي ا‑فلّاون‑يسّيتّي دّنوب‑نّون،

irqqasn 3:26

غمكاد ا‑س‑يژلي ربّي اخدّام‑نس ياسوع، يازن‑ت‑يد س‑دارون باش ا‑تزوورم كونّي ءيبارك‑كُن، ءيسّوورّي‑د كود يان گيگون زغ‑يغاراسن أُخشنّين لّي‑غ‑ا‑تّيدوم.»

irqqasn 5:31

ءيسّاتّوي‑ت س‑وفاسيي‑نس باش ا‑يگ اگلّيد د‑ونجّام ءي‑ايت‑ربّي، ءيسكر‑اسن اغاراس ما‑س‑ا‑دي‑توورّين زغ‑كولّو ما‑يُخشنّ، ءيسّيتّي فلّاسن دّنوب‑نسن.

2 bṭrus 3:9

ءور‑يماطل سيديتنّغ ا‑يسكر مايلّي‑س‑ينّا، واخّا دا‑تّينين كرا ن‑مدّن ءيماطل. اشكو ار‑ديدون‑يتصبار. ءور‑يري نتّا ا‑يتياوهلاك يان، والاينّي ءيرا كولّو مدّن اد‑وورّين فلن ءيسكّيرن‑نسن أُخشنّين.