luqa 5:17 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁷ يان‑واسّ ياسوع ار‑يسّلماد مدّن. گاورن غ‑گراتسن كرا ن‑مدّن لّمدهب ن‑يفاريسين د‑كرا ن‑يمسلمدن ن‑شّرع، ءوشكان‑د زغ‑كولّو تيمدينين ن‑جاليل ءولا زغ‑يودايا د‑تمدينت ن‑وروشاليم. ياسوع تلّا‑گيس‑تحكيمت ءيتجهّدن ن‑ربّي ا‑يجّوجّي ءيموضان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁷ yan‑wass yasuɛ ar‑isslmad mddn. gawrn ġ‑gratsn kra n‑mddn l‑lmdhb n‑ifarisin d‑kra n‑imslmdn n‑ššrɛ, uškan‑d zġ‑kullu timdinin n‑jalil ula zġ‑yudaya d‑tmdint n‑urušalim. yasuɛ tlla‑gis‑tḥkimt itjhhdn n‑rbbi a‑ijjujji imuḍan.

luqa 5:17 Iomraidhean Croise

matta 11:5

ها‑يبوكاضن ار‑تّيسفيون، ءيكوشامن ار‑فتّون، ءينجدامن ار‑تغوسن، ءيضرضار ار‑سفليدن، غويلّي مّوتنين ار‑د‑نكّرن ءولا ءيمژلاض ار‑تن‑يلكّم لخبار ءيفولكين.

matta 15:1

اشكين‑د كرا ن‑يفاريسين د‑يمسلمدن ن‑شّرع زغ‑تمدينت ن‑وروشاليم س‑دار ياسوع. سقسان‑ت:

marqus 1:45

ءيمّا نتّا ءيفّوغ غاكودان ار‑يساوال باهرا ف‑ياسوع، ار‑يتاوي لخبار ن‑ماد‑اس‑يجران ايلّيغ ءور‑سول‑يژضار ياسوع ا‑يكشم ءيبايّن س‑كرا ن‑ودوّار. ءيقاما غ‑لخلا ار‑ن‑دارس‑تّاشكين مدّن زغ‑كرايگاتّ تاسگا.

marqus 16:18

ءيغ‑وسين ءيلگمّاضن ءولا ءيغ‑سوان كرا ءينقّان ءور‑را‑تن‑يضرّو. راد‑سراسن ءيفاسّن‑نسن ف‑يموضان جّين.»

marqus 3:22

ءيمّا ءيمسلمدن ن‑شّرع لّي‑د‑وشكانين زغ‑تمدينت ن‑وروشاليم، ار‑تّينين: «ءيلّا گيس ‹بعل‑زابول.› هاتي س‑تحكيمت ن‑وگلّيد لّجنون ا‑س‑ا‑يسّوفوغ لجنون.»

marqus 5:30

ءيسّحسّا ياسوع ءيس‑زگيس‑تفّوغ كرا لّباراكا، ءيگراول غ‑مدّن‑ان ييني‑اسن: «ما‑د‑يگّرن ءي‑تملسيت‑ينو؟»

marqus 7:1

مونّ‑د ءيفاريسين ف‑ياسوع نتني د‑كرا ن‑يمسلمدن ن‑شّرع لّي‑د‑وشكانين زغ‑تمدينت ن‑وروشاليم.

luqa 15:2

ار‑تنگموگن ءيفاريسين د‑يمسلمدن ن‑شّرع ار‑تّينين: «هان ارگاز‑ان ار‑يشتّا د‑ويلّي أُخشنّين ار‑سرسن‑يتفراح.»

luqa 2:46

ار ويس كراض‑ووسّان ا‑ت‑ين‑وفان غ‑گر ءيمسلمدن ن‑شّرع غ‑تگمّي ن‑ربّي، ار‑اسن‑يسفليد ار‑تن‑يسقسا.

luqa 5:21

بدون ءيمسلمدن‑لّي ن‑شّرع د‑يفاريسين ار‑سوينگيمن د‑يخفاون‑نسن: «ما‑يگا غواد ار‑يساوال س‑لكوفر؟ ما‑يژضارن ا‑يسّيتّي دّنوب ابلا ربّي واحدوت؟»

luqa 5:30

ءيمّا ءيفاريسين د‑يمسلمدن ن‑شّرع زغ‑لمدهب‑نسن ار‑سّنگموگن ف‑يمحضارن ن‑ياسوع ءينين‑اسن: «ماخ ايلّيغ ا‑تشتّام ار‑تسّام د‑ويلّي تامژنين نكّاس ءولا مدّن‑ان أُخشنّين؟»

luqa 6:19

ار‑دي‑تاكمورن مدّن كولّوتن اد‑اس‑گّرن، اشكو ار‑زگيس‑تّفّوغ لباراكا. ار‑تن‑يجّوجّي كولّوتن.

luqa 7:30

والاينّي ءيفاريسين د‑يمسلمدن ن‑شّرع فّوغن زغ‑ما‑گيسن‑يقصاد ربّي، اگُين اد‑دّمن ف‑وفوس‑نس.

luqa 8:46

ءيمّا ياسوع ءينّا: «ءيگّر‑يّي‑د كرا ن‑يان، اشكو سّحسّاغ ءيس‑زگيگي‑تفّوغ كرا لّباراكا.»

yuḥanna 3:10

ييني‑اس ياسوع: «كيّي تگيت امسلمد ن‑ايت‑ربّي، سول ءور‑تسّينت تيغاوسيوين‑اد؟

yuḥanna 3:21

ءيمّا وانّا ءيسكارن س‑لحقّ، ار‑د‑يتفّوغ س‑تيفاوت باش اد‑د‑بايّنّ ءيسكّيرن‑نس ءيزد س‑واوال ن‑ربّي ا‑س‑ا‑يسكار.

irqqasn 19:11

ار‑يسكار ربّي لمعجيزات ف‑وفوس ن‑بولُس، ءور‑جّو‑ژرين مدّن زوند نتنتي.

irqqasn 4:30

مدي‑د افوس‑نّك ا‑تجّوجّيت، ار‑تسكارت لمعجيزات د‑تميتار تجهّدنين س‑يسم ن‑وخدّام‑نّك امژلاي ياسوع.»

irqqasn 5:34

والاينّي ءينكر يان گيسن غ‑وامّاس لّمحكاما، ءيسم‑نس گاماليال. ءيگا زغ‑لمدهب ن‑يفاريسين، ءيگ امسلمد ن‑شّرع، ار‑تي‑توقّارن مدّن كولّوتن. ييني‑اسن اد‑سّوفغن ءيرقّاسن يان ءيميكّ.