luqa 4:43 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴³ ءيمّا نتّا ءينّا‑ياسن: «ءيقّان‑يّي‑د اد‑دّوغ ار‑تاويغ لخبار ءيفولكين ف‑تگلديت ن‑ربّي ءي‑تمدينين ياضني، اشكو ماياد ا‑ف‑يّي‑د‑يوزن ربّي.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴³ imma ntta inna‑yasn: «iqqan‑iyi‑d ad‑dduġ ar‑tawiġ lh̬bar ifulkin f‑tgldit n‑rbbi i‑tmdinin yaḍni, ašku mayad a‑f‑iyi‑d‑yuzn rbbi.»

luqa 4:43 Iomraidhean Croise

matta 4:23

ءيزايد ياسوع ار‑يتكّا تامازيرت ن‑جاليل كولّوتّ، ار‑يسّلماد غ‑تگُمّا ن‑تژالّيت، ار‑يتبرّاح س‑لخبار ءيفولكين ن‑تگلديت ن‑يگنّا، ار‑يجّوجّي مدّن زغ‑كرايگاتّ تاماضونت ءولا كرايگاتّ اطّان نّا‑گيسن‑يلّان.

marqus 1:35

ءينكر‑د ياسوع غ‑تيلّاس ن‑صّباح، ءيفّوغ ءيفتو س‑يان ماني غ‑ور‑يلّي يان، ار‑غين‑يتژالّا.

yuḥanna 20:21

ييني‑اسن‑داغ: «اد‑اون‑تيلي سّلامت. غمكلّي‑يّي‑د‑يوزن بابا، غمكاد ا‑س‑را‑كُن‑ازنغ غيلاد.»

yuḥanna 9:4

ءيلّا فلّانّغ، ماحدّ ءيلّا‑وزال، ا‑نسكار ءيسكّيرن ن‑والّي‑يّي‑د‑يوزنّ. را‑د‑ياشك‑ييض، ءور‑را‑ييژضار يان ا‑گيس‑يسكر يات.

irqqasn 10:38

تيسّانم ف‑ياسوع گو‑ناصيرا ءيس‑ت‑يعمّر ربّي س‑رّوح لقودوس د‑تحكيمت ءيتجهّدن، ار‑يتكّا كرايگاتّ ماني ار‑يسكار افولكي ار‑يجّوجّي كولّو ويلّي تياوكرّافنين س‑يسكراف ن‑يبليس، اشكو ءيلّا ديدس ربّي.

2 timutaws 4:2

ءينيغ‑اك: تبرّاح س‑واوال ن‑ربّي، تبرّحت سرس غ‑وزمز ءيشقان ءولا واد ءيرخان. رار‑د وينّا فّوغنين اغاراس، تشّحشّمت‑تن ف‑دّنوب نّا‑سكارن، تزّعامت‑تن ف‑وفولكي، ار‑تسّلمادت بلا‑دا‑تّرمايت.