luqa 4:18 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁸ «ءيلّا فلّا رّوح ن‑سيدي ربّي. ءيژلي‑يّي اد‑د‑اويغ لخبار ءيفولكين ءي‑يمژلاض، ءينيغ ءي‑ويلّي تياماژنين ‹ربّي راد‑اون‑يفسي،› ءينيغ ءي‑يبوكاضن ‹ربّي را‑كُن‑يرار ا‑تيسفيوم.› يازن‑يّي‑د اد‑فوكّوغ غويلّي‑ف‑يضر لباضل،

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁸ «illa flla rruḥ n‑sidi rbbi. iẓli‑yyi ad‑d‑awiġ lh̬bar ifulkin i‑imẓlaḍ, iniġ i‑willi tyamaẓnin ‹rbbi rad‑awn‑ifsi,› iniġ i‑ibukaḍn ‹rbbi ra‑kʷn‑irar a‑tisfiwm.› yazn‑iyi‑d ad‑fukkuġ ġwilli‑f‑iḍr lbaḍl,

luqa 4:18 Iomraidhean Croise

matta 11:5

ها‑يبوكاضن ار‑تّيسفيون، ءيكوشامن ار‑فتّون، ءينجدامن ار‑تغوسن، ءيضرضار ار‑سفليدن، غويلّي مّوتنين ار‑د‑نكّرن ءولا ءيمژلاض ار‑تن‑يلكّم لخبار ءيفولكين.

matta 12:18

«هاي‑اخدّام‑ينو لّي‑ژليغ. نتّان ا‑داري‑يعزّان، فرحغ سرس باهرا. را‑ت‑عمّرغ س‑رّوح‑ينو، ار‑يتبرّاح ءي‑كولّو ايت‑تميزار س‑لحقّ لّي‑راد‑اسن‑ييلي.

matta 12:20

تاژّمايت نّا‑يبرين، ءور‑را‑ستّ‑يبّي. ءولا تيفتيلت نّا‑يسكارن اگّو، ءور‑را‑ستّ‑يسّخسي، ارد ءيزّگا لحقّ غ‑كرايگاتّ ماني.

matta 4:16

هان غوين گاورنين غ‑تيلّاس ا‑يژران تيفاوت ءيگّوتن. غوين زدغنين غ‑تمازيرت ن‑ومالو لّموت، نتني ا‑ف‑تسفاو تيفاوت.»

matta 5:3

«ءيمباركين اد‑گان غويلّي سّحسّانين ءيس‑ور‑گين يات، اشكو نتني ا‑مي‑تلّا‑تگلديت ن‑يگنّا.

luqa 4:17

فكن‑اس ارّا ن‑نّابي ءيشاعيا. ءيرژم ارّا ياف‑ن گيس اگزّوم لّي‑غ‑يتيارا:

luqa 6:20

ءيسّماقّل ياسوع غ‑يمحضارن‑نس ييني‑اسن: «ءيمباركين ا‑تگام ا‑ويلّي حتاجّانين، اشكو كونّي ا‑مي‑تلّا‑تگلديت ن‑ربّي.

luqa 7:22

ءيساول ياسوع ييني‑اسن: «زايدات تينيم ءي‑يوحانّا ف‑ما‑تژرام ءولا ما‑مي‑تسفلدم. ها‑يبوكاضن ار‑تّيسفيون، ءيكوشامن ار‑فتّون، ءينجدامن ار‑تغوسن، ءيضرضار ار‑سفليدن، غويلّي مّوتنين ار‑د‑نكّرن، ءيمژلاض ار‑تن‑يلكّم لخبار ءيفولكين.

yuḥanna 1:41

ءيدّو غاكودان ياف‑ن گماس سيمعان ييني‑اس: «ها‑ياغ نمناگّار غوالّي ءيگان لماسيح ن‑ربّي.» (اوال‑اد ‹لماسيح›، تگا لمعنا‑نس ‹امژلاي›.)

yuḥanna 12:46

ءوشكيغ‑د اد‑گغ تيفاوت ءي‑دّونيت، ا‑ور‑قامان غ‑تيلّاس وينّا سري ءومنّين.

yuḥanna 3:34

غوالّي‑د‑يوزن ربّي، ار‑بدّا‑يساوال س‑يواليون ن‑ربّي، اشكو ءيعمّر‑ت كولّو س‑تحكيمت ن‑رّوح‑نس.

irqqasn 10:38

تيسّانم ف‑ياسوع گو‑ناصيرا ءيس‑ت‑يعمّر ربّي س‑رّوح لقودوس د‑تحكيمت ءيتجهّدن، ار‑يتكّا كرايگاتّ ماني ار‑يسكار افولكي ار‑يجّوجّي كولّو ويلّي تياوكرّافنين س‑يسكراف ن‑يبليس، اشكو ءيلّا ديدس ربّي.

irqqasn 26:18

را‑ك‑ازنغ ا‑ترژمت الّن‑نسن، ترارت‑تن‑د زغ‑تيلّاس س‑تيفاوت، ءولا زغ‑لقوّا ن‑شيطان س‑ربّي، باش ا‑فلّاسن‑يتّين دّنوب‑نسن، وورّين طّافن تاغامت غ‑گر غويلّي ژليغ اد‑گن وينو ف‑سّيبت ن‑ماد‑سري‑ومنّ.›

irqqasn 4:26

ءوشكان‑د ءيگلدان، مونّ‑د د‑ينمغورن ن‑دّونيت، باش اد‑مّاغن د‑سيدي ربّي ءولا لماسيح‑نس.›

irqqasn 4:27

غمكان ا‑س‑د‑يمون هيرودوس د‑بيلاطوس گو‑بونطوس، نتني د‑يبرّانيين د‑ايت‑ربّي غ‑تمدينت‑اد، باش اد‑د‑مشاشكان ف‑وخدّام‑نّك امژلاي ياسوع لّي‑تگيت د‑لماسيح.

kulussi 1:13

ءيجّنجم‑اغ‑د كولّو زغ‑تگلديت ن‑تيلّاس، ءيشّكشم‑اغ‑د س‑تگلديت ن‑يوس ءيعزّان

yaɛqub 2:5

سفلدات اي‑ايتما عزّانين. ءيس‑ور‑تسّينم ماياد؟ ربّي ءيستي غويلّي دار ما‑يدروسن غ‑دّونيت اد‑دارسن‑ييگات ليمان، كشمن س‑لوورت ن‑تگلديت لّي‑ف‑ينّا را‑ت‑يفك ءي‑ويلّي رانين ربّي.

1 bṭrus 2:9

ءيمّا كونّي، تگام مدّن تياوژلاينين، تگم ايت‑تگلديت ن‑ربّي، ار‑ن‑تسراسم غ‑لگدّام‑نس تيوافكيو لّي‑س‑ا‑يترضو. تگم ايت‑ربّي، ءيژلي‑كُن ا‑تگم وينس، باش ا‑تّاويم لخبار ءي‑مدّن ف‑كولّو ما‑يسكر غوالّي‑اون‑د‑يغران زغ‑تيلّاس س‑تيفاوت لّمجد‑نس.